Potograpiya at batas

Ang mga karapatan sa yamang isip sa mga retrato ay protektado ng mga batas na tumatakda sa karapatang-ari at mga karapatang moral sa iba't ibang mga hurisdiksiyon. Sa ilang mga kaso, maaring restriktado ng batas sibil o batas kriminal ang potograpiya. Ang paglathala ng ilang mga retrato ay maaring nililimitahan ng pribasidad o ibang mga batas. Pangkalahatang nililimitahan ang potograpiya alang-alang sa kapakanan ng pampublikong moralidad at ng proteksiyon ng mga bata.

Isang karatula ng "Bawal ang Potograpiya" na kadalasang inilalagay sa mga ari-arian na kung saang tinututulan ng may-ari ang pagkuha ng mga retrato, o kung saang ipinagbabawal talaga ng mga reglamento ang pagkuha ng mga retrato (bagamat sa ilang mga hurisdiksiyon hindi ito isang rekisitong ligal)

Samu't sari ang mga tugon sa lipunan hinggil sa potograpiya. Kahit na walang opisyal na mga hangganan sa potograpiya, may mga pagtutol sa pagkuha ng mga retrato ng mga tao o pook. Iba't iba ang mga tugon, mula sa mga reklamo hanggang sa karahasan sa potograpiya na hindi namang iligal.

Pilipinas

Mayroong isang pagtatalo sa pagitan ng mga retratistang Filipino at mga nangangasiwa ng mga establisimiyento sa Pilipinas. Noong Hunyo 12, 2013, Araw ng Kalayaan, naglunsad ang Bawal Mag-Shoot dito, isang samahang maka-potograpiya, ng isang protestang tinawag na Freedom to Shoot Day sa Luneta. Iprinotesta ng pangkat ang kanilang karapatan para kumuha ng mga retrato sa makasaysayan at pampublikong mga lugar, lalo na sa Luneta at Intramuros. Nagpapataw ang pangasiwaan ng liwasan ng bayad para sa mga retratistang D-SLR para makapagkuha ng mga retrato para sa mga layuning pangkomersiyo ngunit naiulat din na sumisingil ng ₱500 ang mga guwardiya para makapagretrato kahit sa mga layuning hindi pangkomersiyo, isang kilos na tinaguriang "pangingikil" ayon sa pangkat. Iginiit din ng pangkat pang-adbokasya na may pagkiling laban sa mga retratistang Filipino at sinabing hindi mahigpit ang pangasiwaan sa mga retratistang banyaga. Walang opisyal na patakaran ang bansa hinggil sa pagkuha ng mga retrato ng makasaysayang mga lugar, at nanawagan ang pangkat sa mga mambabatas na gumawa ng isang batas hinggil sa usaping ito.

Tingnan din

• Kalayaan sa panorama
• Mga alintana sa pagtatago hinggil sa Google Street View
• Legalidad ng rekording ng mga sibilyan
• Selfie ng balota
• Model release
• Pampublikong dominyo

Mga kawing panlabas

• Bert P. Krages Attorney at Law Photographer's Rights Page Information about photographers' rights in the US
• European Court of Human Rights case law factsheet on the right to one's own image
• Photography and the Law Naka-arkibo 2016-11-26 sa Wayback Machine. Photography and the Law Legal Updates
• Canadian laws with regard to photography Naka-arkibo 2008-04-20 sa Wayback Machine.
• Digital Rights Ireland » Photographer’s Rights Naka-arkibo 2009-02-12 sa Wayback Machine.
• UK Photographers Rights
• Australian street photography legal issues
• I’m a Photographer, Not a Terrorist! Naka-arkibo 2021-03-02 sa Wayback Machine., a UK group set up to fight unnecessary and draconian restrictions against individuals taking photographs in public spaces
• Worldwide Photographer's Rights free ebook

Ang lathalaing ito ay isang usbong. Makatutulong ka sa Wikipedia sa pagpapalawig nito.