Wikipedia

Puella Magi Madoka Magica

Anime noong 2011 at prangkisa ng midya

Ang Puella Magi Madoka Magica (魔法少女まどか★マギカ, Mahō Shōjo Madoka Magika, Magical Girl Madoka Magica), karaniwang pinapaikli bilang "Madoka Magica", ay isang Hapones na seryeng pantelebisyon na anime na ipinalabas ng Shaft at Aniplex. Ginabayan ang serye ni Akiyuki Shinbo, disenyong pangtauhan ni Ume Aoki kasama si Takahiro Kishida na ginawa ang adapsiyong disenyong pangtauhan at isinulat ni Gen Urobuchi. Ginawa naman ni Yuki Kajiura ang anta para sa seryeng anime.[2] Tungkol ang seryes sa buhay at karanasan ng isang grupo ng mga magagandang babaeng tinedyer na Haponesang estudyante sa middle-school na naging mga mahikerang babae o magical girl at sinusubaybayan ng palabas ang kanilang laban sa mga wirdong kalaban na tinatawag na mga "mangkukulam" o witch sa loob ng istorya.

Puella Magi Madoka Magica
Mahō Shōjo Madoka Magika
Opisyal na logo ng anime seryes na Puella Magi Madoka Magica
魔法少女まどか☆マギカ
DyanraMagical girl, Madilim na pantasya, Horor
Teleseryeng anime
DirektorAkiyuki Shinbo
ProdyuserAtsuhiro Iwakami
IskripGen Urobuchi
MusikaYuki Kajiura
EstudyoShaft
Inere saMBS
Takbo7 Enero 2011 – 21 Abril 2011
Bilang12 (Listahan ng episode)
Listahan ng mga Manga

*Puella Magi Madoka Magica

  • Puella Magi Kazumi Magica: The Innocent Malice
  • Puella Magi Oriko Magica
  • Puella Magi Madoka Magica: The Different Story
  • Puella Magi Madoka Magica: Homura's Revenge!
  • Puella Magi Oriko Magica: Extra Story
  • Puella Magi Homura Tamura
  • Puella Magi Madoka Magica the Movie: Rebellion
  • Puella Magi Suzune Magica
  • Puella Magi Tart Magica: The Legend of Jeanne d'Arc
  • Puella Magi Oriko Magica: Sadness Prayer
  • Puella Magi Madoka Magica: Wraith Arc
Nobela
KuwentoHajime Ninomae
GuhitYūpon
NaglathalaNitroplus Books
Inilathala noong14 Agosto 2011
Laro
Puella Magi Madoka Magica Portable
TagapamanihalaBanpresto
TagalathalaNamco Bandai Games, Nitroplus
GenreAdventure game, RPG
PlatformPlayStation Portable
Inilabas noong15 Marso 2012
Laro
Puella Magi Madoka Magica: The Battle Pentagram
TagapamanihalaArtdink
TagalathalaNamco Bandai Games
GenreAction game
PlatformPlayStation Vita
Inilabas noong19 Disyembre 2013
Pelikulang anime
Beginnings
DirektorAkiyuki Shinbo
Yukihiro Miyamoto
ProdyuserAtsuhiro Iwakami
IskripGen Urobuchi
MusikaYuki Kajiura
EstudyoShaft
Lisensiya
Inilabas noong6 Oktubre 2012
Haba130 minuto
Pelikulang anime
Eternal
DirektorAkiyuki Shinbo
Yukihiro Miyamoto
ProdyuserAtsuhiro Iwakami
IskripGen Urobuchi
MusikaYuki Kajiura
EstudyoShaft
Lisensiya
Aniplex of America
Manga Entertainment
Inilabas noong13 Oktubre 2012
Haba110 minuto
Pelikulang anime
Rebellion
DirektorAkiyuki Shinbo
Yukihiro Miyamoto
ProdyuserAtsuhiro Iwakami
IskripGen Urobuchi
MusikaYuki Kajiura
EstudyoShaft
Lisensiya
Aniplex of America
Manga Entertainment
Inilabas noong26 Oktubre 2013
Haba116 minuto[1]
Iba pa

*Magia Record (spin-off)

 Portada ng Anime at Manga

Unang inanunsiyo ang serye sa pangkalakalan (commercial) na haligi[kailangang linawin] sa tuwing seryeng anime na Togainu no Chi.[3] Ang unang mga episodyo ng seryes ay ipinalabas sa Japan sa istasyong TBS at MBS noong Enero hanggang Marso 2011, at ang huling dalawang episodyo ay ipinalabas lamang sa Abril 2011 dahil nakansela ito ng tsunami at lindol sa Japan noong 2011. Isang manga na base sa seryes at iba pang mga kasamang karagdagang manga ay inilathala ng Houbunsha at ginawa sa North America sa ilalim ng lisensiya ng Yen Press. Gumawa rin ang Nitroplus ng isang nobela noong Agosto 2011, at isang magasing nagngangalang Manga Time Kirara Magica ay inilunsad ng Houbunsha noong Hunyo 2012. Isang laro naman ang ginawa para sa PlayStation Portable sa Marso 2012 at isa naman para sa PlayStation Vita sa Disyembre 2013. Meron ding ginawang tatlong pelikula, recap lang ang unang dalawa at ito ay ipinalabas noong Oktubre 2012, pero ang ikatlong pelikula ay may bagong istorya noong 26 Oktubre 2013, at may trailer na nagawa tungkol sa gagawing ika-apat na pelikula na ipinakita noong Disyembre 2015. Isang laro sa selpon, Magia Record ang ginawa noong Agosto 2017 at may bagong anime na mapapalabas sa 2019.

Maraming mga kritiko ang nagandahan sa Puella Magi Madoka Magica, nagandahan sila sa istorya, animasyon at sa musika at sa bagong interpretasyon ng genreng magical girl. Kumita ang Madoka Magica, nakabenta ng 50,000+ ang mga Blu-ray disc nito. Nagbunyi din ng maraming gantimpala ang Madoka Magica tulad ng Television Award sa ika-labinganim na Animation Kobe Awards, labindalawang Newtype Anime Awards at isang Grand Prize for Animation sa 2011 Japan Media Arts Awards.

Balangkas

baguhin

Sa piksyunal na lungsod ng Mitakahara sa bansang Hapon, isang mag-aaral sa gitnang paaralan na si Madoka Kaname at ang kanyang kaibigan na si Miki Sayaka ay natagpo ang isang maliit at mala-pusa na nilalang na nagngangalang Kyubey. Ito ay nagalok ng isang kontrata kung saan maaring matupad ang isang hiling kapalit ng kapangyarihang mahika at trabahong makipaglaban sa mga "witch". Samantala, isang bagong lipat na mag-aaral at magical girl na si Homura Akemi ay pinipigilang makipagkontrata kay Kyubey. Tapos nakilala nila Madoka at Sayaka si Mami Tomoe, isang mas nakakatandang magaaral sa kanilang paaralan na isa ring magical girl at inalok na isama sila sa kanyang pakikiplaglaban sa witch para matutunan ang mga tungkulin sa pagiging isang magical girl.

Habang tinatanto ni Madoka kung makikipagkontrata kay Kyubey, nasaksi niya ang pagkamatay ni Mami sa kamay ng isang witch at natanto niya na puno ng panganib at paghihirap ang buhay ng isang magical girl. Nalaman ni Madoka na hindi lamang sinusuko ng isang magical girl ang kanilang kaluluwa upang mabuo ang kanilang mga soul gem, ang pinagmulan ng kanilang mahika, ngunit kapag ang mga Soul Gem na ito ay nadungisan ng kawalan ng pag-asa, sila mismo ay magiging mga witch na kanilang nilalabanan sa simula. Ito ay nakita nang si Sayaka, na nawalan ng tiwala sa mundo, ay tuluyang nawalan ng pagasa at naging witch. Ibinunyag na alien si Kyubey at ang kanilang lahi ay inaani ang mga emosyon ng mga magical girl bilang enerhiya kontra sa entropiya. Nalaman rin ni Madoka na si Homura ay isang magical girl na nagmula sa ibang daloy ng oras na inulit ay parehas na buwan na hindi mabilang na beses upang iligtas siya sa isang masamang tadhana. Matapos ang mga rebelasyon, napagdesisyunan ni Madoka na maging magical girl at hiniling na pigilan ang mga witch bago sila malikha. Ito ay ikinabago ng mga batas ng uniberso, na nagdulot na maging konsepto na lamang si Madoka at si Homura bilang ang natatanging nakakaalala sa kanya sa isang bagong likha na mundo.

Mga Karakter

baguhin
Pangunahing artikulo: Talaan ng mga tauhan ng Puella Magi Madoka Magica

Mga Pangunahing Karakter

baguhin

Madoka Kaname (鹿目 まどか, Kaname Madoka)

Binoses ni: Aoi Yuuki (Hapon), Christine Marie Cabanos (Ingles)

Si Madoka Kaname ay isang babaeng mabait, palakaibigan at mahiyain. Siya ay labingapat na taong gulang at nag-aaral sa middle school. Apat na pulgada lamang ang kanyang tangkad at siya ay may rosas na mga mata at buhok na itinatali niya sa twintails gamit ang kanyang mga pulang laso. Mahal siya ng kanyang pamilya at siya ay napaliligran ng mga mababait at mabubuting kaibigan. Magbabago ang kanyang buhay ng makakita siya ng isang ala-pusang misteryosong nilalang nagngangalang Kyubey at sa pagpirma sa kontrata siya ay magiging isang mahikerang babae/magical girl na ubod ng makapangyarihan. Matatapos ang mga witch at ang Law of Cycles buhat ng kanyang hiling na mabago ang kalawakan at mundo at siya'y magiging isang ala-diyosang nilalang. Gumagamit siya ng pana at ang kaarawan niya ay sa Oktubre 3.

Homura Akemi ( 暁 美 美 む ら ら , Akemi Homura )

Binoses ni: Chiwa Saitou (Hapon), Cristina Vee (Ingles)

Si Homura ay isang Puella Magi o mahikerang babae (magical girl) na nagpakita sa panaginip ni Madoka. Siya ay napakagandang babae na matalino na mataas ang iskor sa iskul at naging sikat siya sa mga estudyante. Itim ang kaniyang mahabang buhok, siya ay maputi at lila ang kaniyang mga mata. Ayaw niyang mamatay ang mga magical girl kaya pinipigil niya ang mga ito sa pagpirma sa kontrata ni Kyubey, kaya naiinis sa kanya si Mami. Siya ay mahilig gumamit ng mga baril at kaya niyang mag-time travel. Ang kaarawan niya ay sa Hulyo 26.

Sayaka Miki ( 美 樹 さ や か, Miki Sayaka)

Binoses ni: Eri Kitamura (Hapon), Sarah Williams (Ingles)

Siya ang bestfriend ni Madoka na naging isa ring magical girl. Mabait at matulungin, gusto niyang protektahan ang mga mahal niya sa buhay. Ginamit niya ang kaniyang hiling mula kay Kyubey para magamot ang naparalisang kamay ni Kyousuke Kamijo, ang lalaki niyang jowa upang makatugtog siya ulit ng byolin. Nakilala niya si Kyouko Sakura, isang babae na mukhang hindi mabait at kayang magpursige sa lahat ng sakripisyo na makakabuti sa kanya at makakaaway niya ito dahil iba sila ng paniniwala. Gumagamit siya ng isang espada. Bughaw ang kaniyang buhok at mga mata at ang kaarawan niya ay sa Oktubre 11.

Tomoe Mami ( 巴 マ ミ, Tomoe Mami)

Binoses ni: Kaori Mizuhashi (Hapon), Carrie Keranen (Ingles)

Isang estudyante na nasa ikatlong taon sa middle school, ang pinakamatanda sa mga bida na senpai para kina Madoka at Sayaka. Siya ay mabait na gustong protektahan ang kaniyang mga kabibigan. Bagamat itinuturing siya na parang malakas, masayahin at magandang nakakatandang ate, siya ay malungkot dahil nag-iisa siya sa buhay. Ang buhok at mata niya ay dilaw at ang kaniyang hairstyle ay komplikado at mahilig rin siya gumawa ng tsaa at mga cake. Kaya niyang gawing ripleng baril ang kaniyang mga laso at ang kaarawan niya ay sa Hunyo 5.

Kyouko Sakura ( 佐 倉 杏子, Sakura Kyouko)

Binoses ni: Ai Nonaka (Hapon), Lauren Landa (Ingles)

Magical girl na lumitaw sa lungsod sa ika-apat na episodyo, siya ay kalaban ng mga bida nung una. Ang buhok niya ay mahaba, diretso at pula at siya ay palaban. Ang layunin lang niya ay makuha ang mga Grief Seed at siya ay mahilig kumain. Ang tatay niya ay pastor at lider ng simbahan at ang hiling niya kay Kyubey nung una ay madagdagan ang miyembro ng kanilang simbahan. Nakikipaglaban siya gamit ang isang sibat at ang kaarawan niya ay sa Mayo 9.

Kyubey ( キ ュ ゥ べ え, Kyubey)

Binoses ni: Emiri Katou (Hapon), Cassandra Lee (Ingles)

Isang misteryosong nilalang na kulay puti, cute at itsurang pusa. Kayang gawing totoo ang lahat ng hiling ng mga babae sa kondisyon na sila ay maging mga Puella Magi o magical girl at kalabanin ang mga gumagalang mangkukulam o "witch". Siya ay isang alien, dayuhan sa daigdig na tinatawag na "Incubator" at nakikita lang siya at naririnig ng mga magical girl. Ang layunin niya ay lihim, at pinipilit niya ang mga babaeng may potensyal na magmahika na sumang-ayon sa kanyang kontrata.

Mga Katuwang na Karakter

baguhin

Nagisa Momoe (百江 なぎさ, Momoe Nagisa)

Binoses ni: Kana Asumi (Hapon), Xanthe Hyunh (Ingles)

Unang nakilala bilang ang mangkukulam o "witch" na si Charlotte, siya ay unang nagpakita sa tunay niyang anyo sa pelikulang Puella Magi Madoka Magica the Movie: Rebellion. Siya ay bata, isip-bata, nakatutuwa pero siya ay makatang magsalita. Siya ay mahilig sa keso at siya ang ika-anim na magical girl na nakilala sa buong serye. Ang buhok niya ay puti at ang mata niya ay dilaw at kahel.

Hitomi Shizuki (志筑 仁美, Shizuki Hitomi)

Binoses ni: Ryouko Shintani (Hapon), Shelby Lindley (Ingles)

Kaibigan at kaklase nina Madoka at Sayaka, makikita siya na kasama ng dalawa. Berde ang kanyang buhok at mata. Siya ay nagkagusto sa lalaking si Kyosuke Kamijou kaya nainis sa kanya si Sayaka, Sikat siya sa mga fan na ang babaeng iniisip na lesbiyana at mag-jowa sina Madoka at Sayaka sa unang episodyo kung saan siya ay tumakbo sa popular niyang linya "Girls can't love girls".

Kyosuke Kamijou (上条 恭介, Kamijo Kyosuke)

Binoses ni: Seiko Yoshida (Hapon), Marianne Miller (Ingles)

Kaibigan ni Sayaka simula noong bata pa sila, ang talento niya ay magtugtog ng byolin pero hindi na niya kaya ito simula noong siya ay maaksidente. May gusto sa kanya sina Sayaka at Hitomi at ang hiling ni Sayaka kay Kyubey ay magaling ang mga naparalisa niyang kamay upang siya ay makatugtog muli.

Junko Kaname (鹿目 詢子, Kaname Junko)

Binoses ni: Yuuko Gotou (Hapon), Carrie Savage (Ingles)

Ang nanay ni Madoka, siya ay nagtatabraho sa isang korporasiyon. Siya ang nagbigay at nagtali ng mga pulang laso sa kanyang anak na si Madoka.

Midya

baguhin

Anime

baguhin

Ang unang titulong gawa sa buong franchise ay ang anime na Puella Magi Madoka Magica na ipinalabas noong 2011. Ginawa ito ng Magica Quartet, ipinrodus ito ng Shaft (kompanya) at i-dinistribyut ng Aniplex. Ang istorya ay tungkol sa buhay ng isang babaeng nagngangalang Madoka Kaname na binigyan ng tsansang matupad ang hiling sa kondisyong maging isang magical girl o mahikerang babae at makipaglaban sa mga mangkukulam o mga "witch".

Nagsimula ang paggawa ng sinabi ni Akiyuki Shinbo ang kanyang kagustuhan na gumawa ng bagong serye tungkol sa magical girl kay Atsuhiro Iwakami habang siya ay abala sa Bakemonogatari at Hidamari Sketch.[4] Ang serye ay inanunsyo sa isang komersyal sa oras ng anime na Togainu no Chi[3]. Pagkayari, marami pang mga komersyal ang ipinalabas sa kaparehong oras na ibinida ang mga karakter at ang mga magboboses nito.[4]

Ang unang mga sampung episodyo ay ipinalabas sa MBS, TBS at CBC noong 7 Enero 2011 hanggang 11 Marso 2011.[5] Ang mga episodyo ay ini-stream naman sa Nico Nico Douga at sa BIGLOBE's Anime One isang linggo pagkayari ng unang pagpalabas sa telebisyon. Pero buhat ng lindol at tsunami sa Japan noong 2011 ay kinansela ang episodes 11 at 12 at sabay ipinalabas lamang noong 21 Abril 2011.[6][7] Nagkaroon ng Blu-ray Disc at DVD ang Madoka Magica at ibenenta noong 21 Abril 2011 hanggang Septembre 21, 2011, na-delay ito dahil 30 Marso 2011 sana ilalabas dahil sa lindol, at may bonus CD ang nakalagay sa bawat piraso.[8] Linisensiya ng Aniplex USA ang serye sa Kanluran Amerika at inilibas ang serye sa tatlong bolyum noong Pebrero 14 hanggang 12 Hunyo 2012[9].

Ang kanta sa opening ay "Connect" (コネクト Konekuto) na inawit ni ClariS at ang kanta sa ending ay "Magia" na inawit ng grupong Kalafina, parehong inilabas ang dalawang kanta noong 16 Pebrero 2011.[10] Sa inilabas na DVD at Blu-ray, ang pang-ending na kanta para sa una at ikalawang episodyo ay ang "See you Tomorrow" (また あした Mata Ashita) na inawit ni Aoi Yuki, ang nag-boses kay Madoka, at ang pang-ending na kanta para sa episode 9 ay ang "And I'm Home" na dinuet nina Eri Kitamura at Ai Nonaka. May mga Drama CD na kasama sa una, ikatlo at ikalimang bolyum ng DVD/Blu-ray at ang original soundtrack ni Yuki Kajiura ay nakalagay sa tatlong parts ikalawa, ika-apat at ika-anim na bolyum na kasama rin sa limited edition na release sa North America.

Listahan ng mga Episodyo

baguhin
Bilang Titulo Petsa ng orihinal na pagpalabas Manunulat ng istorya Storyboard Direktor Direktor ng animasyon Gumuhit ng guhit sa huli ng episodyo[11]
01 As If We Met in a Dream… (夢の中で逢った、ような…) 7 Enero 2011 Gen
Urobuchi		 Yoshiharu Ashino Yukihiro Miyamoto Ryouma Ebata Hanokage[n 1]
02 That Sounds Wonderful (それはとっても嬉しいなって) 14 Enero 2011 Masahiro Mukai Fuyumi Toriyama, Mika Takahashi
Noboru Jitsuhara		 Hekiru Hikawa
03 I'm Not Afraid Of Anything Anymore (もう何も怖くない) 21 Enero 2011 Yuki Yase Tomohiro Kamitani, Kazuya Shiotsuki Santa Tsuji (Nitroplus)
04 Both Miracles and Magic Exist (奇跡も、魔法も、あるんだよ) 28 Enero 2011 Shinsaku Sasaki Shin'ichi Omata Miyabi Ozeki Jin Kobayashi
05 There's No Way I'd Regret This (後悔なんて、あるわけない) 4 Pebrero 2011 Shin'ichi Omata Takahiro Majima Mino Honda, Mayuko Matsumoto
Kazuhisa Kosuga		 Yūpon (Nitroplus)[n 2]
06 This Just Isn't Right (こんなの絶対おかしいよ) 11 Pebrero 2011 Shinsaku Sasaki Fujiaki Asari Jun'ichi Fukunaga, Hitoshi Miyashima Hajime Ueda
07 Can You Face Your True Feelings? (本当の気持ちと向き合えますか？) 18 Pebrero 2011 Masayoshi Nishita Satoaki Kidokoro Ryou Kobayashi, Tomoaki Kado Takashi Tensugi[n 3]
08 I'm Such a Fool (あたしって、ほんとバカ) 25 Pebrero 2011 Shin'ichi Omata Takashi Kawabata Tomoyuki Matsumoto, Yuuji Kondou Takuya Fujima
(Assistant: Kentaro Tanaka)
09 I'll Never Allow That (そんなの、あたしが許さない) 7 Marso 2011 Noriko Shichishima Masahiro Mukai Miyuki Katayama, Akihiko Itō
Kazuya Shiotsuki, Masahiro Sekiguchi
Motoki Matsumoto, Jun Hanzawa
Yasutoshi Iwasaki		 Namaniku ATK (Nitroplus)
10 I Won't Depend on Anyone Anymore (もう誰にも頼らない) 11 Marso 2011 Shinsaku Sasaki Yuki Yase Kazuya Shiotsuki, Yoshiaki Itō Kuroe Mura[n 4]
11 The Only Signpost Remaining (最後に残った道しるべ) 21 Abril 2011 Tomohiko Ito Kotono Watanabe Shin'ichi Miyamae, Toshiyuki Fujisawa Buriki
12 My Best Friend (わたしの、最高の友達) 21 Abril 2011 Shinsaku Sasaki Yukihiro Miyamoto Jun'ichirō Taniguchi, Mika Takahashi Ume Aoki[n 5]

Tugtog

baguhin

Ang mga tugtog na ginamit sa serye ay kinompose ni Yuki Kajiura. Ang buong mga tugtog ay nalagay sa tatlong CD sa mga bolyum 2, 4 at 6 ng BD edition sa Japan at sa limited edition sa Estados Unidos. Ang kantang pang-opening ay "Connect" (コネクト Konekuto) na inawit ni ClariS at ang kanta sa ending ay "Magia" na inawit ng grupong Kalafina, parehong inilabas ang dalawang kanta noong 16 Pebrero 2011. Ang pang-ending na kanta para sa episode 9 ay ang "And I'm Home" na dinuet nina Eri Kitamura at Ai Nonaka. Ang kantang tinugtog sa unang pelikula ay "Luminous" ( ルミナスRuminasu) na inawit ni ClariS at ang sa ikalawa ay ang "Hikari Furu" ( ひかりふるLight Falling) na inawit ng Kalafina.

Pelikula

baguhin

Ang Puella Magi Madoka Magica: The Movie (劇場版 魔法少女まどか☆マギカ Gekijōban Mahō Shōjo Madoka Magika) ay serye ng mga Hapong pelikulang anime na ginawa ng Aniplex at Shaft base sa kaparehong anime noong 2011. Ang unang dalawng pelikula, Beginnings (始まりの物語 Hajimari no Monogatari) at Eternal (永遠の物語 Eien no Monogatari) ay inilabas noong Oktubre 2012 at inulit lamang nito ang seryeng anime sa telebisyon bagamat may binagong voice acting at bagong mga scene. Ang ikatlong pelikula, Rebellion (叛逆の物語 Hangyaku no Monogatari), ay isang bagong orihinal na gawa na inilabas noong 26 Oktubre 2013 na ginawan ng manga ng Hanokage at ito'y inilabas ng Houbunsha noong Nobyembre 2013 at Enero 2014. Ang mga pelikula ay i-dinistribyut sa North America ng Aniplex. Nominado ang Rebellion para sa gantimpala sa Japan Academy Prize for Animation of the Year at nanalo ito ng Best Theatrical Film Award sa 19th Animation Kobe Awards.

Manga

baguhin
 
Ang kotse na ito ay linagyan ng mga karakter mula sa Puella Magi Madoka Magica at K-ON! Makikita ang mga karakter mula K-ON! na kinosplay sina Kyubey, Madoka, Sayaka, Homura at Mami. Naging sikat ang parehong anime sa popular na kultura.

Naglathala ng maraming manga ang Houbunsha tungkol sa Puella Magi Madoka Magica. Isang direktang adaptasiyon ng anime ang ginuhitan ng Hanokage at inilabas sa tatlong tankobon na bolyum na may apat na chapter at ibinenta noong Pebrero 12 hanggang 30 Mayo 2011.[12][8]. Ito ay linisensiyahan sa North America ng Yen Press.[13] Isang spin-off na manga na Puella Magi Kazumi Magica: The Innocent Malice (魔法少女かずみ☆マギカ〜The innocent malice〜 Mahō Shōjo Kazumi Magika: The Innocent Malice) ay isinulat ni Masaki Hiramatsu at ginuhitan ni Takashi Tensugi at inilathala sa Manga Time Kirara Forward noong Marso 2011 hanggang Enero 2013.[12] Ikatlong manga, ang Puella Magi Oriko Magica (魔法少女おりこ☆マギカ Mahō Shōjo Oriko Magika) ay isinulat ni Kuroe Mura at inilabas sa dalawang bolyum na tankobon noong 12 Mayo 2011 hanggang 12 Hunyo 2011. Ang Kazumi Magica at Oriko Magica ay linisensiyahan pareho ng Yen Press sa North America.[14] Ang unang bolyum ng Kazumi Magica ay inilathala noong Mayo 2013.[15]

Ang Puella Magi Madoka Magica: Wraith Arc (魔法少女まどか☆マギカ［魔獣編］) ay isinulat at ginuhitan ni Hanokage, ay nailathala sa ika-benteng issue ng Manga Time Kirara Magica noong 10 Hunyo 2015 at ang kwento ay tungkol sa mga pangyayari sa gitna ng mga pelikulang Puella Magi Madoka Magica the Movie: Eternal at Puella Magi Madoka Magica the Movie: Rebellion.[16]

Ang unang bolyum ng opisyal na anthology na komiks na may mga larawan ng mga guest artist ay inilabas noong Septembre 12, 2011.[17] Isang buwanang magasin na para sa serye lamang ay inilathala ng Houbunsha at binigyan ng pangalang Manga Time Kirara Magica (まんがタイムきらら☆マギカ Manga Taimu Kirara Magika), nalathala ito noong 8 Hunyo 2012 at maraming mga kwentong manga kasama na ang spin-off na Oriko Magica.[18]. Isang mangang adaptasiyon ng mga pelikula na ang Puella Magi Madoka Magica: Film Memories ay sinumulang ibenta noong 26 Mayo 2012[19]. Puella Magi Madoka Magica: The Different Story, isang manga na ginuhitan ni Hanokage ay nailathala sa tatlong tankobon na bolyum noong Oktubre 12 hanggang 12 Nobyembre 2012[20] at linisensiyahan ng Yen Press noong 2014.[21] Ang unang bolyum ng Puella Magi Suzune Magica (魔法少女すずね☆マギカ) ay isinulat at ginuhitan ni Gan at ini-release noong 12 Nobyembre 2013 bago lumabas sa Manga Time Kirara Magica noong 22 Nobyembre 2013.[22] Puella Magi Homura Tamura (魔法少女ほむら☆たむら) na isinulat at ginuhitan ni Afro ay nailabas rin sa Manga Time Kirara Magica at lumabas ang unang bolyum nito sa Oktubre 2013 at linisensiyahan ng Yen Press.[23] Puella Magi Homura's Revenge! (魔法少女まどか☆マギカ ほむらリベンジ!) na isinulat ni Kawazukuu at ginuhitan ni Masugitsune ay lumabas sa Manga Time Kirara Magica at nag-release ng dalawang bolyum sa Disyembre 2013 at linisensiyahan ng Yen Press.[23]

Nagsulat si Hajime Nonimae ng nobela ng serye na ginuhitan ni Yūpon at inilathala ng Nitroplus noong 14 Agosto 2011[24]. May mga kopyang pre-release na binenta sa Comiket 80 noong 12 Agosto 2011.[24] May libro na Puella Magi Madoka Magica: The Beginning Story, na base sa orihinal na iskrip ni Gen Urobuchi para sa anime na nailathala noong Nobyembre 2011.[25]

Listahan ng mga Opisyal na Manga ng Puella Magi Madoka Magica

baguhin
Manga ng Pangunahing Serye
baguhin
  • Puella Magi Madoka Magica
  • Puella Magi Madoka Magica: The Movie -Rebellion-
  • Puella Magi Madoka Magica: The Different Story
  • Puella Magi Madoka Magica: Wraith Arc
  • Puella Magi Madoka Magica: Homura's Revenge!
  • Puella Magi Homura Tamura
  • Mitakihara Kindergarten Mahougumi
  • Mitakihara Anti-Materials
Manga ng Oriko Magica
baguhin
  • Puella Magi Oriko Magica
  • Puella Magi Oriko Magica: Extra Story
  • Puella Magi Oriko Magica: Sadness Prayer
Mga Iba pang Manga na Spin-off
baguhin
  • Manga Time Kirara Magica
  • Madoka Magica Comic Anthologies
  • Puella Magi Kazumi Magica: The Innocent Malice
  • Puella Magi Suzune Magica
  • Puella Magi Tart Magica: The Legend of "Jeanne d'Arc"

Laro

baguhin

Isang laro na base sa seryes na nagngangalang Puella Magi Madoka Magica Portable (魔法少女まどか☆マギカ ポータブル Mahō Shōjo Madoka Magika Pōtaburu) ay inilabas para sa PlayStation Portable at ginawa ng Namco Bandai noong 15 Marso 2012. Sa laro makakapili ng maraming route ang mga manlalaro at pwede mabago ang ending ng istorya.[26] Si Urobuchi ang manunulat, ang Shaft ang gumawa ng animasyon at sina Yuzuke Tomizawa at Yoshinao Doi naman ang nag-produs.[26] Ang laro ay inilabas sa dalawang edisyon - isang standard box na may bonus DVD at isang limited edition na kahon na may Madoka Figma, bonus Blu-ray disc, isang Kyubey na pouch, isang "HomuHomu" na panyo at isang special clear card.[27]

Isang action game para sa PlayStation Vita ang Puella Magi Madoka Magica: The Battle Pentagram (魔法少女まどかマギカThe Battle Pentagram) na ginawa ng Artdink at inilathala ng Namco Bandai at nailabas sa Japan noong 19 Disyembre 2013.[28] Ang laro ay may orihinal na kwento na may basbas ni Urobuchi kung saan ang limang magical girl ay magtutulung-tulungan upang matalo ang makapangyarihang witch na Walpurgisnacht.[29] Sa pagkarelease ay may isang limited edition version na may code para sa mga costume sa laro at merchandise tulad ng CD ng tugtog sa laro at isang art book na makikita rin sa merkado.[28]

Isang libreng application sa selpon na Mami's Heart Pounding Tiro Finale (マミのドキドキティロフィナーレ Mami no Doki Doki Tiro Fināre) ay nailabas noong 14 Oktubre 2011.[30] Isang third-person shooter na barilan na nagngangalang Puella Magi Madoka Magica TPS featuring Homura Akemi ay inilabas para sa mga selpong may Android noong Disyembre 2011.[31] Isa namang larong barilan kung saan bida si Mami ay ginawa noong Agosto 2012[32] at isa namang bida naman sina Sayaka at Kyouko ay ginawa noong 26 Oktubre 2012.[33] Isang larong palaisipan para sa mga Apple na selpon, ang Puella Magi Madoka Magica Puzzle of Memories ay ginawa noong 29 Marso 2013.[34]

Mga costume mula sa Puella Magi Madoka Magica kasama ang ibang mga bagay na galing sa ibang laro at anime ay ma-dadownload bilang DLC sa Japan sa laro sa PSP na Gods Eater Burst.[35] Nasama rin ang mga costume at accessory bilang DLC para sa Tales of Xillia 2[36] at sa Phantasy Star Online 2 noong Oktubre 2013.[37] Isang collaboration sa mobile game na Phantom of the Kill ang nagyari para sa isang event noong 8 Agosto 2015 hanggang Septyembre 21, 2015. Sa event na iyon ay nagkaroon ng tsansa ang mga manlalaro na makakuha ng mga playable na Madoka characters sa mga in-game lotteries. Mayroon ding mga Madoka Magica na mga mission, weapon at item sa panahon na iyon.[38]

Isang larong pachinko na pang-sugal na nagngangalang Slot Puella Magi Madoka Magica ay inilabas noong 2013, at isa pang pachikong larong sugal na Slot Puella Magi Madoka Magica 2 ay ginawa noong 2016. Maririnig ang kantang "Naturally" nina Aoi Yuuki at Eri Kitamura sa Slot Puella Magi Madoka Magica 2.[39] Noong 2016, ang laro sa selpon na Girl Friend Beta ay nagkaroon ng collaboration sa Puella Magi Madoka Magica kung saan nakuha ng mga manlalaro ang isang Madoka card bilang log-in bonus.[40]

Isang laro sa selpon na nagngangalang Magia Record: Puella Magi Madoka Magica Side Story ay inilabas sa Japan noong 22 Agosto 2017.[41][42] May bagong bida sa laro na nagngangalang Iroha Tamaki na nakatira sa Kamihama City para hanapin ang nawawala niyang babaeng kapatid. Maririnig ang "Kakawari" (かかわり "Connection") sa laro na kinanta ng TrySail.[43] Magkakaroon ng anime ang nasabing laro sa 2019.[44]

Talahulunganan

baguhin

Magical Girl (魔法少女 Mahō shōjo)[45]

Tagalog: Mahikerang Babae

Mga babae na sumang-ayon sa kontrata ng sugo ng mahika, at kapalit ay nagkaroon ng kapangyarihan ng mahika. Tungkulin nila ang kalabanin ang mga mangkukulam o "witch".

Soul gem (ソウルジェム Sōru jemu)

Tagalog: Hiyas ng Kaluluwa

Isang hiyas na isinilang mula sa kontrata ng sugo ng mahika. Patunay na ang isa ay isang mahikerang babae o magical girl at ang pinanggagalingan ng kanyang kapangyarihan.

Ang hiyas ng kaluluwa o soul gem ay ang pinagkukuhanan ng mga mahikal na kapangyarihan ng isang mahikerang babae o magical girl pero sa kada beses na ginagamit ng magical girl ang kanyang mahikang kapangyarihan, ang soul gem o ang hiyas ay nasisira. Kapag ang soul gem o ang hiyas ay nasira ay nawawala ang kinang nito at nagiging mas madilim ang itsura pati na ang kulay nito. Ang tanging paraan lamang para manumbalik ang soul gem sa dati nitong kinang ay ang paggamit ng grief seed.

Ang kaluluwa ng isang magical girl ay nasa loob ng soul gem at ang kanyang katawan ay isang sisidlan lamang na kontrolado ng soul gem.

Grief seed (グリーフシード Gurīfu shīdo)

Tagalog: Butil ng Lungkot

Isang itlog ng mangkukulam o "witch" na sumusulpot kapag ka natatalo ang isang witch. Kailangan ng magical girl ang mga bagay na ito para lamnang muli ang kanilang mga naubos na enerhiyang mahika.

Ang lahat ng grief seed ay sumisipsip ng kalungkutan kapag ginamit sa isang madilim na soul gem at linilinis nito ito. Ngunit binabala ni Kyubey na ang pagsipsip ng masyadong maraming lumbay ay maaring makapagpabuhay sa witch. Minsan ginagamit rin ng mga magical girl ang grief seed upang subukin kung kaya niyang pakisamahan ang isang magical girl. Ang ibig sabihin ng di-pagtanggap ng grief seed mula sa isang magical girl ay di-pagtanggap ng pakisama niya at masama ang ipinapahiwatig nito. Gumawa sina Mami at Homura ng mga halimbawa na iksamen.

Witch (魔女 Majo)

Tagalog: Mangkukulam

Ang mga negatibong emosyon tulad ng pagka-nerbyos, masyadong pag-alala o istres, masamang pagbibintang, pagkagalit at masamang hinanakit ay dala ng mga nilalang na nagkakalat ng mga butil ng kapahamakan sa buong daigdig. Kadalasan ay nagtatago sila sa mga harang na kanilang iginagawa o mga barrier. Bagamat ang mga witch na ito ay mga pinalaking bersyon pala ng mga magical girl.

Barrier (結界 Kekkai)

Tagalog: Harang

Isang maliit na alternatibong dimensiyon na ginagamit ng mga witch upang magtago. Sa sandali na aksidenteng mapasok ang isang ordinaryong tao dito ay hindi na sila makakatakas pa muli.

Sa anime, ang mga lokasyon na ito ay idinsenyo at ginuhitan ng animasyon ng Gekidan Inu Curry sa isang istilo na malaki ang pinagkaiba sa buong serye para mapatibay ang mood na mistulang pang-ibang mundo. Sa anime minsan ay tinatawag silang mga "maze" (迷路 meiro) o "ward'. Ang barrier ay ang espasyo na ang itsura ng loob ng isipan ng isang magical girl bago siya maging witch. Maaring maging basehan ng barrier ang mga bagay na may kinalaman sa buhay ng magical girl tulad ng kung saan sila naging witch, ang istilo ng kanilang soul gem, ano ang mga hilig nila at ano ang kanilang naging hiling.

Familiar (使い魔 Tsukaima)

Tagalog: Katulong na Nilikha

Mga mababang-uri ng halimaw na ipinaghati mula sa kakanyahan ng isang witch. Bagamat kadalasan sa kanila itinotoka ang responsibilidad ng pagbabantay at pagpapanatili ng mga harang ng kanilang mistress ay minsan ay magkakaroon sila ng kalayaan at lalayas upang gumawa ng kanilang sariling mga barrier.

Pagkayari mangain ng ilang mga tao, halos apat o lima ayon kay Kyouko ay magiging mga witch rin sila. Hindi sila magbibigay ng mga grief seed papwera na lamang kung lumaki na sila bilang mga buong ganap na witch.

Witch's Kiss (魔女の口づけ Majo no kuchizuke)

Tagalog: Halik ng Mangkukulam

Isang tanda na lumilitaw sa isang tao na naasintahan ng isang witch.

Iba-iba ang itsura ng mga halik ng mga witch.

Walpurgisnacht (ワルプルギスの夜 Warupurugisu no yoru)

Tagalog: Walpurgisnacht

Isang higanteng witch na imposible matalo ng mga magical girl ng mag-isa.

Produksiyon

baguhin

Habang siya ay abala sa Hidamari Sketch at Bakemonogatari, sinabi ni Akiyuki Shinbo sa produser ng Aniplex na si Atsuhiro Iwakami ng gusto niyang gumawa ng isang bagong serye tungkol sa magical girl at sila ang gumawa ng Puella Magi Madoka Magica. Noong ang palabas ay pinaplano pa lamang sa umpisa, nagdesisyon si Iwakami na wag na lang mag-adapt ng mga lumang gawa para mabigyan ng kalayaan si Shinbo sa direksiyon.[46] Isang layunin ng proyekto ay makagawa ng anime na papatok sa mas maraming manonood kaysa sa mga tipikal na manonood ng mga magical girl na anime. Layunin nina Iwakami at Shinbo na magustuhan ang serye ng mga pangkaraniwang manonood ng mga anime.[47] Kinausap ni Shinbo si Gen Urobuchi na magsulat ng istorya at si Ume Aoki na gawin ang itsura ng mga karakter, na gagamitin naman ni Takahiro Kishida para sa serye.[46]

Hindi pinakialaman gaano ni Iwakami ang mga itinalagang mga tauhan sa paggawa ng anime. Dahil ang Puella Magi Madoka Magica ay isang orihinal na gawa at hindi isang adaptasyon ng lumang gawa, ang layunin ni Iwakami ay gumawa ng isang mataas na kalidad ng gawang makakalibang. Binigyan niya ng kalayaan ang mga tao, sila Urobuchi na gawin ang istorya ng serye at hindi siya nangialam rito at nang tinignan niya ang mga disenyo na ginawa ni Aoki ay nagalingan siya sa talento ng team.[48]

Pagsulat ng Istorya

baguhin

Noong isinusulat ang istorya, sinabi ni Iwakami si Urobuchi na gawing malalim ang istorya. Sinabi ni Shinbo na lagyan ng maraming karahasan at pagiging bayolente, mga tipo na hindi nakikita sa genreng magical girl.[47] Sinabi rin ni Iwakami na patayin ni Urobuchi ang mga karakter sa istorya.[49] Natuwa naman si Urobuchi, sinabing wala siyang problema rito at ibinida ang kanyang reputasyon at nakaraan bilang isang manunulat ng mga malalalim, malulungkot at katakot-takot na mga istorya, na lingid sa kaalaman ni Shinbo.[50]

 
Kinokosplay ng cosplayer na ito sa Akibahara ang bidang karakter na si Madoka, naging popular ang Madoka Magica kaya naging uso kosplayin ang mga karakter mula rito.

Isang layunin para sa istorya ay maging ibang-iba sa paraan kung paano inanunsyo ang anime. Pinlano ni Shinbo na ianunsyo ang anime na ito ay magkakaroon ng masaya at makulay na istorya na walang patayan at hindi malalaman agad ng mga fan ang katatakutan at trahedya na susunod.[49] Halimbawa, ang logo ng palabas ay sadyang idinesenyo gamit ang istilo ng font na mistulang katuwa-tuwa at makulay sa mga fan. Linoko rin ni Urobuchi ang mga fan sa Twitter na kunwari ay masaya at walang patayan ang istorya. Inilihim ang madilim na istorya ng serye dahil gusto ni Shinbo na magulat ang mga manonood.[50] Dinepensahan naman ni Iwakami ang pangmatandang istorya sa Puella Magi Madoka Magica na kahit seryoso ang istorya nito ay hindi naman ito bawal sa mga bata dahil wala namang gaanong kabastusan na makikita rito. May mamamatay, pero di naman gaanong kabayolente ang pagpapakita, at naaayon ito sa istorya ng serye.[47]

Binigyan ni Shinbo ng kalayaan si Urobuchi sa pagsulat at paggawa ng kwento.[51] Sa pagsasaad ng mga sandaling nakatrabaho niya si Shinbo, sabi ni Urobuchi na hindi nangingialam ang dalawa at hinihintay nila palagi siya sa kung ano ang susunod na gagawin sa istorya.[52] Para makagawa ng magandang re-interpretasiyon ng genreng magical girl ay pinag-aralan ni Urobuchi ang mga aspeto ng mga gawa sa genreng magical girl na di kaaya-aya o di gaanong napapansin.[49] Sinabi rin niya na ang paggawa ng kwento ay naimpluwensiyahan rin ng mga guhit ng mga karakter na ginawa ni Aoki. Inidagdag rin niya sina Stephen King, ang horror na manunulat at ang mga nakaraang gawa ni Shinbo tulad ng Hidamari Sketch at Magical Girl Lyrical Nanoha bilang inspirasiyon.[51]

Ayon kay Urobuchi, naimpluwensiyahan rin siya ng mga screenwriter na sina Ichiro Itano at Yosuke Koruda at sinabi na sila ay mga teacher para sa kanya.[52] Para magawa ang mood ng kwento ay siya ay gumamit ng teknik na tinatawag sa Hapon na Kuroda - kung saan ang unang episodyo ay ilalagay ang manonood sa isang parte ng istorya ng walang eksposisyon, sa ikalawang episodyo naman ilalathala ang lugar at ang mga detalye tungkol sa kinaroroonan ng istorya at sa ikatlong episodyo magkakaroon ng mga maiinit na rebelasyon na makakapaggulat at makakapanabik sa manonood.[51] Ang rebelasyon sa ikatlong episodyo ay pinag-usapan sa pagpapalano ng team sa istorya at napag-usapan na mamamatay si Mami, isang bida. Naging kontrobersyal ito at ibinida pa ni Urobuchi na hindi mapakali ang mga empleyado sa paglapit sa kanya na baguhin ang istorya dahil paborito nila si Mami, pero umayaw siya at hindi niya pa rin binago ang istorya. Aminado si Urobuchi na mahirap matatanggap ng mga fan ang pagbabago na ito at baka hindi pa ito magustuhan ng iba pero kaniyang ipinagtanggol ito para maiba ang palabas sa panahon na lahat ng napapanood ay masaya at nakatutuwa, na ang istorya ay hindi nagbabago na parang paulit-ulit ang buhay.[49]

Sa isang panayaw sa Ultra Jump Egg ay ibinida ni Urobuchi kung paano siya nagsusulat, sinabi na naniniwala siya na ang istorya ng isang palabas ay mas importante kaysa sa mga karakter, na iisipin niya muna kung ano ang gagawin ng mga karakter at kung ano ang magyayari sa kanila bago pa man siya makaisip ng mga pangalan nito, imbis na gumawa muna ng mga karakter at saka gawin ang istorya. Idinepensa niya ulit ang kaniyang desisyon na patayin si Mami, na maalala pa raw ng mga fan si Mami dahil rito at sinabi na "Sa tingin ko ay may mga karakter na naging parang imortal dahil sila ay namatay tulad ni Caesar Zeppeli sa JoJo's Bizarre Adventure o si Raoh sa Fist of the North Star. Dahil sa pamamaraan kung paano sila namatay sila ay nabuhay habang-buhay."

Disenyo ng mga Karakter

baguhin

Ayon kay Urobuchi, si Sayaka ang kanyang paboritong karakter dahil nalibang siya sa pagsulat ng kanyang kwento.[53] Dahil sa kanyang trahedya sa dulo ng serye, na sa paniniwala ni Shinbo ay "unfair" ay sinabi niya kay Urobuchi na pwede bang baguhin ang istorya para mailigtas si Sayaka. Hindi pumayag si Urobuchi dahil ayon sa kanya ay importanta ang pagkamatay ni Sayaka sa buong istorya.[52] Nagpumilit si Shinbo at kinausap muli si Urobuchi kung papwede bang buhayin si Sayaka dahil napamahal na siya sa kanya. Hindi na naman pumayag muli si Urobuchi, na sumagot na imposible raw ito dahil nagawa na ang balangkas ng kwento.[54] Ma-alangang tinanggap ito ni Shinbo pero naniniwala na siya na masyadong mabigat ang pasaning inilagay sa mga karakter na mga batang babaeng estudyante.[52]

Ang karakter na alien na si Kyubey ay naisip rin at ginawa ni Urobuchi. Sinabi ni Iwakami na bilang ang mga pangunahing kontrabida sa serye "the mash-up of cuteness and darkness is the central theme to Madoka, and Kyubey is an epitome of that theme"[54]. Isang layunin sa pagsulat ni Urobuchi ay idiin ang magkasalungat na moralidad at paniniwala sa gitna ni Kyubey at ng mga babaeng magical girls, na naipakita sa serye sa pamamagitan ng mga scene kung saan kinaan ni Kyubey ang sarili niyang bangkay para makatipid sa enerhiya.[51] Kinompara niya ang karakter sa mga Eldritch Abomination at halimaw sa mga likha ng manunulat na si H.P. Lovecraft, at sabi niya kay Kyubey na hindi ito masama, kaya siya mukhang masama ay dahil wala siyang nararandaman.[55] Nag-komento rin si Urobuchi sa malabong moralidad na ipinapahiwatig ng serye sa panayam sa Asahi Shimbun at binanggit ang teroristang Al-Qaeda: "Al-Qaeda brought down the Twin Towers due to their self-righteousness. Justice for some people is an evil for others. Good intentions, kindness, and hope will not necessarily make people happy."[56]

Dahil sa mga problema sa schedule sa Shaft, ang paggawa ng seryes ay naantala ng tatlong taon pagkayari matapos ang istorya. Pagkayari maresolbahan ang mga isyu ay nagpatuloy ulit ang paggawa.[54] Ang animation studio ang gumawa ng konsepto at disenyo ng mga witch at ginawa ang backstory ng mga indibidwal na karakter.[52] Unang naisip ni Urobuchi na gawin parang mga pang-karaniwang halimaw ang mga witch tulad ng Godzilla, pero ng makita niya ang surreal at wirdong concept art ng isa sa mga witch na Walpurgisnacht ay naisip niya "Paano ba makakalaban ni Homura ito?". Nagdagdag ang mga designer mula sa Shaft ng mga sipi mula sa German na folkrolist na si Faust sa serye[53]. Sa paggawa ay may kalayaan ang grupo ng animation production na Gekidan Inu Curry na magdagdag ng mga bagong detalye at magbago ng mga nasulat na sa iskrip, halimbawa - sa isang scene sa huling episode kung saan nagdagdag ng mga itim na pakpak kay Homura bagamat hindi naman ito kasama sa gawa ni Urobuchi. Pinuri ni Urobuchi ang aspeto nito ng produksiyon at sinabing nakadagdag din sa misteryo at gumanda ang mga karakter dahil sa mga pagbabago ng animation production team at kapagka wala sila ay mahirap magsulat ng mga panibagong kwento sa mundo ng serye.[51]

Musika

baguhin

Kinuha nina Iwakami at Shinbo si Yuki Kajiura para i-kompose ang tugtog sa serye pagkayari siya i-rekomenda ni Urobuchi. Nakatrabaho na ni Shinbo si Kajiura sa Le Portrait de Petit Cossette at ibinida ni Urobuchi na naging inspirasyon sa kanya ang musika mula sa serye na iyon habang siya ay nagsusulat ng iskrip. Inamin din ni Urobuchi na naging fan siya ng mga tugtog sa anime na gawa ni Kajiura at pinuri ang kanyang istilo ng pagtatrabaho, na aalamin muna ni Kajiura ang kwento ng isang likha bago pa man siya gumawa ng tugtugan para rito.[52] Ikinuha rin ang Japanese pop music na duo na sina ClariS para kantahin ang opening theme na "Connect" (コネクト Konekuto)[10]. Binantayan ni Iwakami ang paggawa ng mga kanta para tiyaking babagay ito sa mood ng serye, ito ang mga kaunting beses na siya ay personal na nakihalubilo sa aspeto ng produksiyon.[54] Parehong ang "Connect" at ang ending theme "Magia" na kinanta nila Kalafina ay inanunsyo sa isang komersyal sa telebisyon mga linggo bago ang pagpapalabas ng serye sa Japan.[10]

Mga sanggunian

baguhin
  1. ↑ "Gekijoban: Maho Shojo Madoka Magica — Shinpen — Hangyaku no Monogatari". The Japan Times. Inarkibo mula sa orihinal noong Agosto 11, 2018. Nakuha noong Agosto 12, 2017.{{cite web}}: CS1 maint: date auto-translated (link)
  2. ↑ "New Shinbo/Shaft Anime to Be Mahō Shōjo Madoka Magica". Anime News Network. Nakuha noong 30 Oktubre 2010.{{cite web}}: CS1 maint: date auto-translated (link)
  3. ↑ 3.0 3.1 "Bakemonogatari's Shinbo, Phantom's Urobuchi Launch New Anime". Anime News Network. Nakuha noong 30 Oktubre 2010.{{cite web}}: CS1 maint: date auto-translated (link)
  4. ↑ 4.0 4.1 新房昭之×虚淵玄×蒼樹うめ×シャフト 1大プロジェクト始動. Megami Magazine (in Japanese) (127): 115. October 25, 2010.
  5. ↑ "魔法少女まどか☆マギカ 番組公式". December 24, 2010.
  6. ↑ "This Week's Madoka Magica Not Aired in 'Self-Restraint'". Anime News Network. March 16, 2011. Hinango noong March 16, 2011.
  7. ↑ "Madoka Magica's Airing, Streaming Delayed 'For Now' (Updated)". Anime News Network. March 23, 2011. June 12, 2018.
  8. ↑ 8.0 8.1 "Anime/Manga Releases Delayed, Cancelled After Quake". Anime News Network. March 15, 2011. Retrieved June 11, 2018.
  9. ↑ "Madoka Magica USA Official Website, News and Trailer". madokamagicausa.com.
  10. ↑ 10.0 10.1 10.2 "News: Noragaki, Puella Magi Madoka MagicaPromos Streamed". Anime News Network. December 8, 2010. Retrieved December 24, 2010.
  11. ↑ https://web.archive.org/web/20110820094138/http://www.madoka-magica.com/special/yokokugallery/
  12. ↑ 12.0 12.1 魔法少女まどか☆マギカ×まんがタイムきららフォワード 驚愕の3大プロジェクト始動 [Puella Magi Madoka Magica × Manga Time Kirara Forward: The Start of Three Large Surprising Projects] (in Japanese). Houbunsha. Retrieved June 1, 2011.
  13. ↑ "Yen Press Adds Madoka Magica, Soul Eater Not, Yuki-chan". Anime News Network. October 14, 2011. Retrieved October 14, 2011.
  14. ↑ "Yen Press Adds Madoka Magica Spinoff Manga, Last K-ON Volumes". Anime News Network. October 13, 2012. Retrieved October 13, 2012.
  15. ↑ "Puella Magi Kazumi Magica by Magica Quartet, story by Masaki Hiramatsu, art by Takashi Tensugi". Yen Press. Retrieved April 26, 2013.
  16. ↑ "New Madoka Magica Manga by 1st Manga's Hanokage Debuts". Anime News Network. June 9, 2015. Retrieved October 1, 2015.
  17. ↑ 魔法少女まどか☆マギカ　アンソロジーコミック　第1巻 [Puella Magi Madoka Magica Anthology Comic Vol. 1] (in Japanese). Houbunsha. Retrieved August 18, 2011.
  18. ↑ Manga Time Kirara Magica (まんがタイムきらら☆マギカ Manga Taimu Kirara Magika)
  19. ↑ "Madoka Magica Anime Gets Its Own Dedicated Magazine". Anime News Network. April 23, 2012. Retrieved April 23, 2012.
  20. ↑ 魔法少女まどか☆マギカ ~The different story~ (上)[Puella Magi Madoka Magica: The Different Story (1)] (in Japanese). Amazon.co.jp. ASIN 4832242032.
  21. ↑ "Puella Magi Madoka Magica: The Different Story story by Magica Quartet, art by Hanokage". Yen Press. Retrieved December 16, 2014.
  22. ↑ 魔法少女すずね☆マギカ (1) [Puella Magi Suzune Magica (1)] (in Japanese). Amazon.co.jp. ASIN 4832243705.
  23. ↑ 23.0 23.1 "Yen Press Adds Durarara!! Novels, Strike the Blood, Black Bullet, Rust Blaster Manga". Anime News Network. January 9, 2015. Retrieved July 21,2015.
  24. ↑ 24.0 24.1 小説版 魔法少女まどか☆マギカ 初回限定版 [Novel Edition Puella Magi Madoka Magica Limited Edition] (in Japanese). Amazon.co.jp. Retrieved September 2,2011.
  25. ↑ "Madoka Magica Anime's Story 'Draft #0' to Be Published". Anime News Network. October 3, 2011. Retrieved October 3, 2011.
  26. ↑ 26.0 26.1 "Madoka Magica Portable PSP Game's 3rd Promo Streamed". Anime News Network. February 24, 2012. Retrieved February 24, 2012.
  27. ↑ "魔法少女まどか☆マギカ ポータブル | バンダイナムコゲームス公式サイト" [Puella Magi Madoka Magica Portable | Namco Bandai Games Official Site] (in Japanese). Namco Bandai Games. Retrieved August 13,2011.
  28. ↑ 28.0 28.1 Romano, Sal (September 19, 2013). "Madoka Magica: The Battle Pentagram dated in Japan". Gematsu. Retrieved September 19, 2013.
  29. ↑ Romano, Sal (September 17, 2013). "Madoka Magica: The Battle Pentagram details and screenshots". Gematsu. Retrieved April 29, 2014.
  30. ↑ "Madoka Magica‍'s Mami Inspires Free Smartphone Game App". Anime News Network. October 7, 2011. Retrieved October 7, 2011.
  31. ↑ "Madoka Magica 3rd-Person Shooter App With Homura Unveiled". Anime News Network. December 8, 2011. Retrieved December 8, 2011.
  32. ↑ "Mami Stars in New "Madoka Magica" Android Third-Person Shooter". Crunchyroll. August 9, 2012. Retrieved August 9, 2012.
  33. ↑ "New Madoka Magica Android Game Stars Kyōko, Sayaka With Baseball Bat". Anime News Network. October 16, 2012. Retrieved October 16, 2012.
  34. ↑ "News". Shaft. Retrieved March 25, 2013
  35. ↑ "God Eater Burst Adds Madoka Magica, IndexCostumes". Anime News Network. July 27, 2011. Retrieved July 27, 2011.
  36. ↑ "Madoka Magica Costumes Offered in Tales of Xillia 2". Anime News Network. September 23, 2012. Retrieved September 23, 2012.
  37. ↑ "Phantasy Star Online 2‍'s Madoka MagicaCostumes Revealed". Anime News Network. October 11, 2013. Retrieved October 12, 2013.
  38. ↑ "ファントム オブ キル×まどか☆マギカ～コラボプロジェクト情報発信ページ～" (in Japanese). Fuji&gumi Games. Retrieved October 1, 2015.
  39. ↑ Loveridge, Lynzee (August 2, 2016). "Madoka Magica Slot Machine Boasts New Animated Footage". Anime News Network. Retrieved August 2,2016.
  40. ↑ "Girl Friend Note Rhythm Game Gets Web Anime in October". Anime News Network. August 9, 2016. Retrieved August 9, 2016.
  41. ↑ "Madoka Magica Franchise Gets Magia Record Smartphone Game". Anime News Network. September 30, 2016. Retrieved December 27, 2016.
  42. ↑ "Madoka Magica Magia Record Smartphone Game Reveals Key Visual, Story". Anime News Network. December 26, 2016. Retrieved December 27, 2016.
  43. ↑ "Madoka Magica Magia Record Smartphone Game's 1st Video Previews Theme Song". Anime News Network. February 10, 2017. Retrieved February 11, 2017.
  44. ↑ Alvarez, Simon (September 2, 2018). "Madoka Magica Magia Record Game To Get Anime Series". Inquisitr. Retrieved September 3, 2018.
  45. ↑ https://www.madoka-magica.com/tv/special/keyword/junko.html
  46. ↑ 46.0 46.1 新房昭之×虚淵玄×蒼樹うめ×シャフト 1大プロジェクト始動 [Akiyuki Shinbo × Gen Urobuchi × Ume Aoki × Shaft: The Start of One Large Project]. Megami Magazine (in Japanese). Gakken (127): 115. October 25, 2010.
  47. ↑ 47.0 47.1 47.2 Manry, Gia (September 7, 2011). "Interview: Atushio Iwakami". Anime News Network. Hinango noong 29 Abril 2014
  48. ↑ "Magica Anime Adds Composer Kajiura, Durarara's Kishida". Anime News Network. October 28, 2010. Retrieved April 29, 2014.
  49. ↑ 49.0 49.1 49.2 49.3 "脚本家　虚淵玄さんインタビュー　ウルトラジャンプ本誌『ULTRA NEXT』増補版" [Interview with scriptwriter Gen Urobuchi - Ultra Jump 'Ultra Next' extended version] (in Japanese). Ultra Jump Egg. July 27, 2011. Retrieved May 6, 2013.
  50. ↑ 50.0 50.1 Kajita, Mafia (June 17, 2011). 鬼哭街」から「沙耶の唄」「魔法少女まどか☆マギカ」までミッチリ質問攻め！ [Very hard barrage of questions from Kikoku street, Song of Saya to Magical Girl Madoka ☆ Magika!] (in Japanese). 4Gamer.net. Retrieved May 8, 2014.
  51. ↑ 51.0 51.1 51.2 51.3 51.4 Ransom, Ko (January 29, 2012). "Report: Kazuo Koike and Gen Urobuchi Chat". Anime News Network. Retrieved May 5, 2012.
  52. ↑ 52.0 52.1 52.2 52.3 52.4 52.5 Sevakis, Justin (July 27, 2012). "Gen Urobuchi Focus panel". Anime News Network. Retrieved May 8, 2014.
  53. ↑ 53.0 53.1 Urobuchi, Gen (July 27, 2013). "Nitro+ Q&A Panel". AnimagiC 2013 (Interview). Bonn, Germany.
  54. ↑ 54.0 54.1 54.2 54.3 Manry, Gia (September 7, 2011). "Interview: Atushio Iwakami". Anime News Network. Retrieved May 9,2014.
  55. ↑ Lamb, Lynzee (April 6, 2012). "Gen Urobuchi, Katsushi Ota and Atsuhiro Iwakami Q&A". Anime News Network. Retrieved May 12, 2014.
  56. ↑ Loo, Egan (August 8, 2011). "Madoka Magica Writer Urobuchi Compares Plot to Al-Qaeda". Anime News Network. Retrieved May 6, 2014.

Malayang pagbabasa

baguhin

Mga tanda

baguhin
  1. ↑ Manunulat ng opisyal na manga "Puella Magi Madoka Magica".
  2. ↑ Tagaguhit sa mga larawan sa nobelisasyon ni Hajime Ninomae.
  3. ↑ Tagaguhit ng larawan ng opisyal na manga "Puella Magi Kazumi Magica: The Innocent Malice".
  4. ↑ Manunulat ng opisyal na manga "Puella Magi Oriko Magica".
  5. ↑ Tagadisenyo ng mga karakter ng serye.

Mga kawing panlabas

baguhin
Kinuha sa "https://tl.wikipedia.org/w/index.php?title=Puella_Magi_Madoka_Magica&oldid=2138191"