Alfonso V ng Aragon

Si Alfonso ang Mapagbigay (1396 – Hunyo 27, 1458) ay ang Hari ng Aragon at Hari ng Sicilia (bilang Alfonso V) at ang pinuno ng Korona ng Aragon mula 1416 at Hari ng Napoles (bilang Alfonso I) mula 1442 hanggang sa kaniyang kamatayan. Isa siya sa mga pinakakilalang politikal na personalidad ng unang bahagi ng Renasimyento.

Maagang buhay

Ipinanganak sa Medina del Campo, siya ay anak ni Fernando ng Trastámara at Eleanor ng Alburquerque. Si Fernando ay kapatid ni Haring Enrique III ng Castilla, at si Alfonso ay ipinagkasal sa anak na babae ng kaniyang tiyuhing si Haring Enrique na si Maria noong 1408. Noong 1412, napili si Ferdinand upang magmana sa mga teritoryo ng Korona ng Aragon. Ang kasal nina Alfonso at Maria ay ipinagdiwang sa Valencia noong Hunyo 12, 1415.