Atomium

Ang Atomium
Ang Atomium
	Tanawin ng Atomium sa harap
Pangkalahatang impormasyon
Katayuan	Bukas
Estilong arkitektural	Modernismo
Pahatiran	Square de l'Atomium / Atomiumsquare; B-1020 Laeken
Bayan o lungsod	Lungsod ng Bruselas, Punong Rehiyon ng Bruselas
Bansa	Belhika
Mga koordinado	50°53′41″N 4°20′28″E / 50.89472°N 4.34111°E
Natapos	1958
Taas
Taluktok ng antena	102 m (335 tal)
Disenyo at konstruksiyon
Arkitekto	André at Jean Polak
Inhinyero	André Waterkeyn
Websayt
	Opisyal na website

Ang Atomium ( /əˈtoʊmiːəm/ ə-TOH-mee-əm) ay isang palatandaang-pook na gusali sa Bruselas (Belhika) na unang itinayo para sa Peryahang Pandaigdig ng Bruselas ng 1958 (Expo 58). Matatagpuan ito sa Talampas ng Heysel, kung saang ginanap ang pagtatanghal. Museo na ito sa kasalukuyan.^[1]

Ang gusali, na dinisenyo nina inhinyero André Waterkeyn at arkitekto André at Jean Polak,^[1] ay may taas na 102 metro (335 talampakan). Magkaugnay ang siyam na nikeladong mga espera, bawat isa ay may diyametrong 18 metro (60 talampakan), sa paraang nakabuo ito ng hugis ng isang yunit ng selula ng isang bubog na α-iron (perita) na pinalaki nang 165 bilyong beses. Ang mga tubong may 3 metro (10 talampakan) na diyametro ay nag-uugnay ng mga espera sa sentro sa kahabaan ng 12 mga gilid ng kubo (cube) at lahat ng walong mga verteks. Pinalilibutan ng mga ito ang mga hagdan, eskalador, at isang elebador (sa pinakagitna at patayong tubo) upang magkaroon ng daan papunta sa limang matitirhang mga espera, na taglay ang mga exhibit hall at ibang pampublikong mga espasyo. Taglay ng espera sa tuktok ang isang restoran na nagbibigay ng tanawing panoramiko ng Bruselas.