Kipot ng Cebu

Ang Kipot ng Cebu, tinatawag din na Kipot ng Bohol, ay isang kipot sa rehiyon ng Kabisayaan sa gitnang Pilipinas. Inuugnay nito ang kanlurang bahagi ng Dagat ng Bohol sa Dagat ng Camotes, at hinihiwalay nito ang mga pulo-lalawigan ng Cebu at Bohol.

Ang Kipot ng Cebu at ang pulo ng Cebu sa likuran.

Ang kipot ay isang pangunahing ruta sa dagat na kumokonekta ng Lungsod ng Cebu sa hilagang dulo sa mga daungang-lungsod sa timog tulad ng Dumaguete at Cagayan de Oro. Sa hilagang dulo ng kipot matatagpuan ang Pulo ng Mactan, ang kinaroroonan ng Paliparang Pandaigdig ng Mactan–Cebu na isa sa mga pangunahing paliparan sa bansa.