Crispus Attucks

Si Crispus Attucks (c. 1723 – 5 Marso 1770) ay isa sa limang taong napatay sa Masaker sa Boston sa Boston, Masatsutets. Malimit siyang tinatawag bilang unang martir ng Rebolusyong Amerikano at ang nag-iisang biktima ng Masaker sa Boston na palagiang naaalala ang pangalan. Nananatili siyang isang mahalaga at inspirasyonal na katauhan sa kasaysayan ng Amerika.

Crispus Attucks
Kapanganakan	1723 (Middlesex County, Massachusetts, Estados Unidos ng Amerika)
Kamatayan	5 Marso 1770 Boston (Suffolk County, Massachusetts, Estados Unidos ng Amerika)
Libingan	Granary Burying Ground
Mamamayan	Kaharian ng Gran Britanya
Trabaho	Mandaragat

Kaunti lamang ang nalalaman hinggil kay Attucks maliban na lamang sa kaganapang Masaker sa Boston. May pirapirasong mga ebidensiya ang nagmumungkahing maaaring nagmula sa liping Aprikanong Amerikano at Katutubong Amerikano (mga Indiyan sa Estados Unidos). Noong kaagahan ng ika-19 daantaon, habang nakabubuwelo na ang kilusang Abolisyonista sa Boston, iniangat si Attucks bilang isang halimbawa ng isang itim na Amerikanong nagkaroon ng gampanin bilang isang bayani sa kasaysayan ng Estados Unidos. Dahil maaaring mayroon din siyang mga ninunong Amerikanong Indiyanong Wapanoag, may kahalagahan din ang kanyang salaysay sa maraming mga Katutubong Amerikano.

Ang lathalaing ito na tungkol sa Talambuhay at Estados Unidos ay isang usbong. Makatutulong ka sa Wikipedia sa pagpapalawig nito.