Estatwa ng Kalayaan

Para sa iba pang monumento ng kalayaan, tingnan ang Bantayog ng Kalayaan.

Ang Kalayaang Nagbibigay ng Liwanag sa Mundo (Ingles: Liberty Enlightening the World, Pranses: La liberté éclairant le monde), na mas kilala sa pangkaraniwang katawagang Estatwa ng Kalayaan (Ingles: Statue of Liberty, Pranses: Statue de la Liberté), ay isang malaking estatwa na iniregalo ng Pransiya sa Estados Unidos noong 1886. Nakatayo ito sa Liberty Island - o Pulo ng Kalayaan - (isang bahagi ng New York subalit pisikal na nasa gawing New Jersey ng Daungan ng New York). Nagsisilbi ito bilang pambati sa lahat ng mga panauhin, mga imigrante, at mga nagbabalik-bayang mga Amerikano. Itinalaga ang estatwang ito na nababalutan ng tansong patina noong 28 Oktubre 1886 upang alalahanin ang sentenyal ng Estados Unidos at bilang pagpapakita ng pagkakaibigan ng Pransiya sa Amerika. Nililok ni Frédéric Auguste Bartholdi ang estatwa at nakatanggap ng patente mula sa Estados Unidos na nagamit sa pagipon ng mga laang salapi para sa pagpapagawa sa pamamagitan ng pagbibili ng mga maliliit na estatwang kahawig. Si Alexandre Gustave Eiffel (ang dumisenyo ng Toreng Eiffel) ang nagsilbing inhinyero para sa panloob na kayarian ng estatwa. Samantalang si Eugène Viollet-le-Duc naman ang nagkaroon ng tungkulin sa pagpili ng tansong gagamitin para sa paggawa ng estatwa, siya rin ang may katungkulan sa paggamit ng pamamaraang repoussé sa pagawaing ito.

Pambansang Bantayog ng Estatwa ng Kalayaan
IUCN category III (natural monument or feature)
Estatwa ng Kalayaan
Location	Liberty Island, New York, Estados Unidos
Nearest city	Jersey City, New Jersey
Area	12 acres (49,000 m²)
Established	Itinalaga ang estatwa noong 28 Oktubre 1886; Inilunsad bilang Pambansang Bantayog noong 15 Oktubre 1924
Visitors	4,235,595 (kabilang ang Ellis Island NM) (in 2005)
Governing body	Palingkuran ng Pambansang Liwasan

Estatwa ng Kalayaan

Pandaigdigang Pamanang Pook ng UNESCO
Pamantayan	Pangkalinangan: i, vi
Sanggunian	307
Inscription	1984 (ika-8 sesyon)

Sanggunian

Ang lathalaing ito na tungkol sa Estados Unidos ay isang usbong. Makatutulong ka sa Wikipedia sa pagpapalawig nito.