Joiada

(Idinirekta mula sa Jehoiada)

Si Joiada[1] o Jehoyada[2] (Hebreo: יְהוֹיָדָעYəhōyāḏā‘, "alam ni Yahweh") sa Bibliyang Hebreo, ay isang prominenteng pari sa Kaharian ng Juda noong paghahari ni Ocozias (namuno c. 842 - 841 BCE), Atalia (namuno c. 841–835 BCE), at Joas (namuno c. 836–796 BC). Naging bayaw ni Joiada si Haring Ocozias nang nakasal siya kay prinsesa Jehoseba.[3] Parehong anak ni Haring Joram ng Juda (naghari c. 849 – 842 BCE) sina Jehoseba at Ocozias. Namatay si Ocozias isang taon pagkatapos maluklok sa trono, na inagaw ng kanyang inang si Atalia, na inutos ang pagbitay sa lahat ng kasapi ng pamilyang rehiyo.

Joiada from Promptuarii Iconum Insigniorum

Niligtas nina Jehoseba at Joiada ang isang taong gulang na apo ni Atalia, si Joas, mula sa pagpatay ng anak na babae ni Atalia. Sa loob ng anim na taon, tinago nila ang nag-iisang nakaligtas sa trono sa loob ng Templo ni Solomon. Naging kasangkapan si Joiada sa pagsisimula ng isang kudeta na pinatalsik at pinatay si Atalia. Sinulat sa salaysay 2 Cronica 23:1 ang pagpapatibay ni Joiada (naglakas-loob si Joiada sa Magandang Balita Biblia, gumawa na ng hakbang si Jehoyada sa Ang Salita ng Dios, mga salita na hindi lumitaw sa kaparis na talata na 2 Hari 11:4).[4] Sinalarawan ang kudeta ni Atalia bilang akto ng pagtataksil (2 Cronica 23:13).

Sa ilalim ng gabay ni Joiada, tinalikuran ang pagsamba kay Baal, at winasak ang altar at templo ni Baal.[3] Kapansin-pansin si Joiada para sa kanyang pambasang tipan na ginawa niya ang "kasunduan (k)ina Jehoyada, ang mga tao, at ang hari na magiging mamamayan sila ng Panginoon." (2 Cronica 23:16, MBBTAG). Sang-ayon sa Bibliya, nabuhay si Joiada ng 130 taon at lubhang marangal na nilibing kasama ang mga hari sa lungsod ni David (2 Cronica 24:15, MBBTAG).[3] Pinatay ni Haring Joas ang anak ni Joiada, si Zecarias, pagkatapos nitong ikundena ang rebelyon ni Joas at kanyang bayan sa Diyos.

Pari o Punong Pari? baguhin

Hindi lumilitaw ang pangalan ni Joiada sa tala ng dinastiyang Zadokito sa 1 Cronica 5:30–40 (6:4-15 sa ibang salin).

Binanggit ni Flavio Josefo si Joiada bilang ang "punong pari sa kanyang Sinaunang Panahon ng mga Hudyo Aklat 9, Kabanata 7,"[5] "Paano namuno si Atalia sa Jerusalem sa loob ng lima [o anim na] taon, kung pinatay siya ni Joiada na Punong Pari." Bagaman, hindi binanggit ni Josefo si Joiada sa kanyang tala ng mga Punong Pari (10:151-153).

Sinabi sa Aklat ng Cronica, kabanata 24, talata 6, [6] na "pinuno ng mga pari na si Joiada".

Mga sanggunian baguhin

  1. 2 Hari 11:4 (Magandang Balita Biblia)
  2. salita ng diyos 2 Hari 11:4
  3. 3.0 3.1 3.2 "Jehoiada", Jewish Encyclopedia (sa Ingles)
  4. Barnes, W. E. (1899),Cambridge Bible for Schools and Colleges sa 2 Cronica 23:1 (sa Ingles)
  5. The Complete Works of Flavius Josephus - Pahina 237 William Whiston (sa Ingles)
  6. 2 Cronica 24:6