Kawalan ng pang-itaas
Ang Kawalan ng pang-itaas na damit o pagiging walang pang-itaas o topless (mula sa Ingles: Topless) ay isang katayuan ng hindi pagsusuot ng anumang kasuotan mula sa baywang paitaas, na may ibig sabihing nakikita at nakalantad ang mga suso. Dahil sa ang suso ng babae ay kadalasang kaugnay ng seksuwalidad, maraming mga bansa ang tumuturing dito bilang katanggap-tanggap kung mga lalaki ang walang pang-itaas na damit habang nasa pangmadlang mga pook, subalit hindi para sa mga babae. Subalit, may ilang mga bansa na tumuturing dito bilang pangkaraniwang para sa kababaihan ang walang pang-itaas o hubad ang katawan paitaas mula sa baywang, pangkaraniwan na ang dahil sa likas na init ng panahon o klima.
