Mitolohiyang Romano: Pagkakaiba sa mga binago

Ang '''Mitolohiyang Romano''' ang katawan ng mga kwentong tradisyonal na nauukol sa mga maalamat na pinagmulan ng [[Sinaunang Roma]] at paniniwalang pangrelihiyon ng mga Sinaunang Romano. Ang mga kwentong ito ay itinuring ng mga Sinaunang Romano na nangyari sa kasaysayan kahit naglalaman ng mga elementong mahimala at supernatural. Ang mga kwento ay kadalasang nauukol sa politika at [[moralidad]] na naayon sa batas ng kanilang mga Diyos. Ang kabayanihan ay isang mahalagang tema sa mga kwentong Romano. Kapag ang nagbibigay linaw sa mga kasanayang pangrelihiyon ng mga Sinaunang Romano, ang mga kwento ay nauukol sa ritwal at mga institusyon sa halip na teolohiya o [[kosmogoniya]]. Ang mga pangunahing sanggunian ng mitolohiyang Romano ang [[Aenid]] ni [[Virgil]], kasaysayan ni [[Livy]], Fasti ni [[Ovid]], isang anim na tulang nakaistruktura sa kalendaryong relihiyoso ng mga Romano at ikaapat na aklat ng mga elehiya ni [[Propertius]]. Ang mga mitolohiyang Romano ay lumitaw rin sa mga dibuhong nasa pader sa Roma, mga baryang Romano at mga iskultura partikular sa mga relief.

==Mga mitong Romano==
Ang isa sa pinakakilala sa mga mitong Romano ang pagkakatatag ng Roma ng kambal na sina [[Romulus at Remus]] na anak ng Diyos ng Digmaan na si [[Marte (mitolohiya)|Marte]] (''Mars'') at birheng si [[Rhea Silvia]]. Ang kambal ay pinaniniwalaang ipinanganak noong 771 BCE. Ang kwentong ito ay pinagkasundo sa kwentong nauukol sa ninuno nina Romulus at Remus na prinsipe ng [[Troya]] na si [[Aeneas]] ng anak ng Diyosang si [[Venus (diyosa)|Venus]](ang ina ng mga Romano) at prinsipe [[Anchises]] na lumikas tungo sa Italya at nagtatag ng liping Romano sa pamamagitan ng kanyang anak na si [[Ascanius]] na nagpuno sa puwang na 400 taon pagitan ng pagtira ni Aeneas sa Italya at pagkakatatag ng Roma noong mga 753 BCE nina Romulus at Remus. Ang pamilya ni [[Julio Cesar]] at ni [[Cesar Augusto]] ay nag-angking inapo ni Aeneas. Kabilang din sa mga mitong Romano ang [[panggagahasa sa mga babaeng Sabino]] na nagsasalaysay ng pagkakabuo ng kulturang Romano, kwento ni [[Numa Pompilius]] na nagtatag ng mga institusyong pambatas ng Roma, kwento ni [[Servius Tullius]] na kasintahan ng Diyosang si [[Fortuna]], ang [[Batong Tarpeian]] kung bakit ito ginamit para patayin ang mga taksil sa Roma, kwento ni [[Lucretia]] na ang pag-alay ng kanyang sarili ang nagtulak sa pagpapabagsak ng maagang monarkiyang Romano at pagkakatatag ng Republika, ang kwento ni [[Horatius Cocles]], kwento ni [[Gaius Mucius Scaevola|Mucius Scaevola]], kwento ni [[Caeculus]] at pagkakatatag ng [[Praeneste]].<ref>J.N. Bremmer and N.M. Horsfall, ''Roman Myth and Mythography'' (University of London Institute of Classical Studies, 1987), pp. 49–62.</ref>, kwento ni [[Marcus Manlius|Manlius at ang gansa]] na nauukol sa pamamagitan ng Diyos sa Paglusob na Gallic sa Roma, kwento ng mga pistang [[Caprotinia|Nonae Caprotinae]] at [[Poplifugia]], kwento ni [[Gaius Marcius Coriolanus|Coriolanus]] na nauukol sa politika at moralidad, kwento ng siyudad ng [[Corythus]] bilang duyan ng kabihasnang Troyano at Italyano, at pagdating ng Dakilang Inang Cybele sa Roma.