Pamamahinga sa higaan: Pagkakaiba sa mga binago

Ang '''pamamahinga sa higaan''' ay ang pagpapahinga sa anumang maginhawang higaan, atna maaaring gawin sa ospital, ngunit mas pangkaraniwang nasa tahanan o bahay ng pasyente. Sa larangan ng [[panggagamot]], isa itong reseta o preskripsyon ng manggagamot sa isang pasyente upang maglaan ng sapat na panahon ng pahinga habang nasa ibabaw ng isang himlayan, araw man o gabi. Isa itong pagbibigay-lunas sa isang karamdaman o kalagayang pang-panggagamot. Partikular itong pinipili bilang pampagaling mula sa sakit o isang katayuang medikal sa halip na nagbubuhat mula sa isang masidhing pagkakaratay o sa pagkakaroon ng nagbabadyang kamatayan ng isang tao. Sa pamamahingang ito, maaari ring nakadapa ang pasyente, alinsunod sa pangangailangang pangkalusugan.

Karaniwang kinakailangan ang pagkakaroon ng kasangkapan, kagamitan, o aparato sa higaan upang maiangat ng nakasandal ang pang-itaas na bahagi ng katawan ng pasyenteng imbalido at namamahinga sa higaan, katulad ng sa mga may sakit sa puso. Sa pagkakataon ng [[Emergency|emerhensiya]], pansamantalang ginagamit ang isang upuang ibinalintuwad na ipinatong sa kama at nilagyan ng malalambot na mga unan ang panlikurang bahagi. Para sa mas matagalang paggamit, mas minamainam ang pagkakaroon o pagbili ng isang aparatong naaangkop para sa ganitong kalagayan o situwasyon.<ref name=TMHP>{{cite-TMHP|''Bed rest''}}, pahina 86.</ref>