Si '''Black Panther''' ay isang kathang-isip na ''superhero'' na lumalabas sa [[Amerikano]]ng [[komiks]] na nilalathal ng [[Marvel Comics]]. Nilikha ang karakter ng manunulat-patnugot na si [[Stan Lee]] at manunulat-tagaguhit na si [[Jack Kirby]], unang lumabas ito sa ''[[Fantastic Four]]'' #52 (nakapetsa noong Hulyo 1966) sa Tansong Panahon ng Komiks. '''T'Challa''' ang tunay na pangalan ni Black Panther, at isinasalarawan siya bilang tagapagtanggol ng kathang-isip na bansang Aprikano na [[Wakanda]]. Kasama ng pagkakaroon ng pinabuting kakayahan na natamo sa pamamagitan ng sinaunang ritwal ng taga-Wakanda sa pag-inom ng hugis-pusong halamang-gamot, umaasa din si T'Challa sa kanyang husay sa [[siyensiya]], mabagsik na pisikal na [[pagsasanay]], kasanayan sa mano-manong pakikipaglaban, at mapagkukunang yaman at masulong na [[teknolohiya]] ng Wakanda upang labanan ang mga kalaban.
Si Black Panther ang unang ''superhero'' na mula sa lahing [[Aprika]]no sa pangunahing Amerikanong komiks, na unang lumabas bago ang ibang mga ''superhero'' na itim tulad ng mga karakter ng Marvel Comics na sina [[Falcon (komiks)|Falcon]] (1969), [[Luke Cage]] (1972), at [[Blade (komiks)|Blade]] (1973) o ang mga karakter ng [[DC Comics]] na sina [[John Stewart (komiks)|John Stewart]] na naging [[Green Lantern]] (1971). Sa isang linya ng istorya, ang katauhang Black Panther ay pinamamahalaan ni Kasper Cole, isang pulis ng [[Lungsod ng New York]] na maraming lahi. Nagsimula bilang isang manggagaya, kinuha ni Cole ang pangalang White Tiger at naging kakampi ni T'Challa. Ang pagganap ni Black Panther at ang pamunuan ng Wakanda ay binigay din sa kapatid ni T'Challa na si [[Shuri (komiks)|Shuri]] sa sandaling panahon.
Lumabas si Black Panther sa maraming pagpapakita sa iba't ibang palabas sa telbisyon, animasyong pelikula at [[larong bidyo]]. Si [[Chadwick Boseman]] ang gumanap sa karakter na Black Panter sa mga pelikula ng [[Marvel Cinematic Universe]] na kinabibilangan ng ''[[Captain America: Civil War]]'' (2016), ''[[Black Panther (pelikula)|Black Panther]]'' (2018), ''[[Avengers: Infinity War]]'' (2018), at ''[[Avengers: Endgame]]'' (2019), at binosesan ang karakter sa unang ''season'' ng animasyong serye na ''What If...?'' (2021).
Noong 2011, nakaranggo si Black Panther sa ika-51 sa kabuuang tala ng IGN na "Pinakamataas na 100 Bayani sa Komiks" list.<ref>{{cite web |url=http://www.ign.com/lists/comic-book-heroes/51 |title=IGN's Top 100 Comic Book Heroes: #51 Black Panther |website=IGN|language=en}}</ref>
