Paramore

Paramore
Paramore
	(L–R): Zac Farro, Hayley Williams, touring member Joey Howard, and Taylor York performing in 2018
Kabatiran
Pinagmulan	Franklin, Tennessee, USA
Genre	Alternative rock, emo, pop punk, pop rock, power pop, emo pop
Taong aktibo	2004–present
Label	Fueled by Ramen
Miyembro	Hayley Williams; Taylor York; Zac Farro
Dating miyembro	Josh Farro; Jerry Davis; Jason Bynum; John Hembree ; Hunter Lamb
Website	paramore.net

Ang Paramore ay isang Amerikanong banda mula sa Franklin, Tennessee, na nabuo noong 2004. Ang banda ay binubuo nina Hayley Williams, bilang bokalista; Jeremy Davis, bilang bahista; at ni Taylor York, bilang gitarista. Inilabas ng banda ang kanilang unang album na All We Know is Falling, noong 2005; at ang ikalawa, ang album na pinamagatang Riot! noong 2007 na nagkamit ng Platinum sa Estados Unidos at Ginto sa mga bansang Australia, Canada, New Zealand at UK. Ang kanilang ikatlong album, Brand New Eyes ay nailabas noong 2009 na siyang pinakahitik sa masa hanggang sa ngayon.

Historya

Taong 2002-2004: Ang Pagkakabuo

Taong 2002, sa edad na 13, ang bokalistang si Hayley Williams ay lumipat mula sa kanyang tinitirhan sa Meridian, Mississippi patungong Franklin, Tennessee; kung saan nakilala niya ang magkapatid na sina Josh Farro at Zac Farro habang nag-aaral siya sa isang pribadong paaralan. Pagkadating niya, nagsimula siya sa paghasa ng kanyang boses sa tulong ni Brett Manning. Bago pa man mabuo ang Paramore, si Hayley at ang bahistang si Jeremy Davis kasama ang kaibigang si Kimee Read, ay magkakasama sa bandang The Factory; habang sina Josh at Zac naman ay nagpapraktis ng magkasama pagkatapos ng kani-kanilang klase. Ang mga sumunod na naging miyembro ng Paramore ay hindi lubos na sigurado kung kukunin nga ba nilang bokalista si Hayley Williams dahil sa isa syang babae; subalit, dahil sa sila ay magkakaibigan, nagsimula si Hayley na magsulat ng mga kanta para sa grupo. Sinabi ni Hayley sa kanyang mga kabanda nung una nya itong makilala na, "Sila yung mga taong una kong nakilala na ganun na lang yung pagmamahal sa musika katulad ko." Ang banda ay opisyal na nabuo taong 2004 nina Josh Farro, bilang gitarista; Zac Farro, bilang drummer; Jeremy Davis, bilang bahista; at ni Hayley Williams, bilang bokalista, at nadagdagan pa ng isang gitarista na si Jason Bynum, isang kapitbahay ni Hayley. Nang magpraktis ang banda, nagulat si Jeremy ng malamang 12-anyos lang ang kanilang drummer. Inamin nya na hindi talaga siya umaasang magiging maganda ang pagsasama ng banda sapagkat mga bata pa nga yung iba. Ang sabi ni Jeremy Davis,"Napakaliit talaga ng paniniwala ko sa bawat miyembro ng grupo dahil nga sa batang edad nila. Naalala ko na naisip ko pang hindi magiging maayos ito dahil sa ang babata pa nila subalit ang unang araw ng aming ensayo ay napakagaling. Kung kaya alam kong may ibubuga kami." Ayon kay Hayley, ang pangalang “Paramore” ay nagmula sa apelyido ng ina ng kanilang naunang bahista. Nang malaman ng ibang miyembro na ang kasingtunog na salita nitong “paramour” ay nangangahulugang “lihim na mangingibig”, napagdesisyunan nilang gamiting pangalan ito ngunit gamit ang pagbaybay na “Paramore”.

Si Hayley ay orihinal na nakakontrata bilang isang soloista sa Atlantic Records noong 2003. Siya ay ipinakilala kay Atlantic A & R Tom Storms sa pamamagitan nina Kent Marcus at Jim Zumwalt, mga abogado nina Dave Steunebrink at Richard Williams (tagapamahala ni Hayley Williams) at sumunod ang paglagda ng kontrata sa pamamagitan ni Jason Flom. Si Steunebrink at Richard Williams ang nakatuklas kay Hayley at siyang nagpakontrata sa isang produksiyon na di naglaon ay binili ng Atlantic Records. Ang orihinal na plano ay gawin syang isang mangangawit ng Pop, pero sinabi ni Hayley na gusto nyang tumugtog ng musikang alternative rock kasama ang banda. Sa isang panayam sa HitQuarters, ang A & R ng banda sa Atlantic na si Steve Robertson, ang sabi, “Gusto ni Hayley siguraduhing na hindi namin sya kikilalanin bilang isang artistang sisikat agad at makakaabot sa listahan ng nangungunang apatnapung mangangawit ng Pop. Gusto nyang siguraduhin na siya at ang kanyang mga kabanda ay makakakuha ng oportunidad na ipakita ang kanilang talento bilang isang banda na gumagawa ng sarili nilang mga awitin.” Ang presidente ng Label na si Julie Greenwald at ang mga tauhan nito ay napagdesisyunang hayaan si Hayley sa kanyang mga kagustuhan. Ang orihinal na namamahala sa banda ay sina Dave Steunebrink; ang tagapamahala ng bandang Creed, sina Jeff hanson at si Mark Mercado.

Ang Paramore ay dapat talagang ipapalabas ng Atlantic Records pero naisipang ng mga humahawak sa banda na mas mainam kung sila ay hindi agad maikakawit sa isang sikat na pangalan. Sa halip, inilabas nila ang kanilang musika sa pamamagitan ng mas naaayong tatak ng Fueled by Ramen. Ang pinuno ng grupong Warner Music na si Lyor Cohen ay natukoy ang Fueled by Ramen bilang isang tatak na dapat ipareha sa banda at napagdesisyunang rock ang nababagay na tatak para sa banda. Ayon kay Robertson, nang ipakita sa CEO ng Fueled by Ramen na si John Janick, nakita agad nito ang posibilidad ng pagkasikat ng banda. Dumayo rin si Janick sa isang pagtatanghal ng grupo ang Taste of Chaos sa Orlando, Florida upang makitang magtanghal ito sa personal. Noong Abril 2005, matapos ang maliit at pribadong tugtugan ng banda, lumagda sila sa Atlantic Records at Fueled by Ramen. Ang unang awiting isinulat ng banda nang magkakasama ay “Conspiracy”, na di naglaon ay ginamit sa kanilang debut album. Noong 2004, naipalabas ang kanilang banda sa Purple Door. Sa ngayon, nililibot nila ang Timog-Silangan kasama ang mga magulang ni Hayley Williams. Ang sabi niya, “Noon pa man, alam kong iisa lang ang gusto naming gawin. Pagkatapos ng klase, deretso sa bahay tapos ensayo. Iyon talaga ang gusto naming ginagawa para magkasiyahan at hanggang nagyon. Hindi ko iniisip na may isa sa aming nakaisip na lahat ay magiging ganito.”

2005-2006: All We Know Is Falling

Bumalik ang Paramore sa Orlando, Florida, ngunit pagdating nila doon ay nilisan ni Jeremy Davis ang banda dahil sa mga personal nitong kadahilanan. Ang natirang apat na miyembro na Paramore ay nagpatuloy sa kanilang album habang isinusulat ang awiting “All We Know” tungkol sa pag-alis ni Jeremy, at nang huli ay napagdesisyunang iyon ang gawing tema ng buong kantang “All We Know Is Falling”. Ang album ay sumasalamin sa kalungkutang nadama ng Paramore. Ang paliwanag ni Hayley,”Iyong supa sa pabalat ng All We Know Is Falling na walang nakaupong tao at anino lamang na naglalakad palayo, lahat iyon ay tungkol sa paglisan sa amin ni Jeremy at nagparamdam sa amin ng isang kawalan.” Inabot ng tatlong linggo ang pagtatala ng mga awitin at sa mismong album ay tanging ang natitirang apat na miyembro lamang ang ipinakita.

Bago lumisan para sa isa na namang paglilibot, idinagdag ng banda si John Hembree na maging kanilang bahista para palitan si Jeremy Davis. Nang tag-init niyon, ang Paramore ay kasamang naipalabas sa entablado ng Shira Girl noong Warped Tour nila noong 2005. Nang tanungin muli si Jeremy matapos ang limang buwan ay bumalik naman ito upang palitan si John Hembree. Ang awiting "All We Know Is Falling" ay nailabas 24 Hulyo 2005 at pang-tatlumpo sa Billboard’s Heartseeker’s Chart. Sunod na inilabas ng banda ang awiting “Pressure” bilang ikauna nitong awitin kung saan ang video na pinangunahan ni Shane Drake; ganunpaman, hindi napabilang ang kantang ito sa tsart. Ipinakita sa kanilang video na ang banda ay tumutugtog sa isang bodega habang nababasa sila ng tubig at nagpapakita ng isang away ng magkasintahan. Noong Hulyo, ang ikalawa nilang awitin na “Emergency” ay inilabas ang video nito kung saan muling nagkasama ang banda Ito ay muling pinangunahan ni Shane Drake at itinatampok si Hunter lamb, ang bagong gitarista ng banda na pumalit kay Jason Bynum. Ang video ng awiting ito ay nagbigay-daan upang magkaroon ng panibagong imahe ang banda suot ang madudugong damit. Ang ikatlo nilang awitin, ang All We Know ay inilabas sa limitadong panahon lamang kung saan ang video ay binubuo ng kanilang iba’t-ibang kuha sa mga pagtatanghal at sa likod ng entablado.

Noong Enero, 2006, ang banda ay may ginampanang parte sa Winter Go West Tour kung saan kasama nilang tumugtog ang mga bandang mula Seattle ang Amber Pacific at The Lashes. Pebrero ng taong ding iyon, si Hayley ay natampok sa awiting “Keep Dreaming Upside Down” ng October Fall. Nang sumapit ang tagsibol, ang Paramore ay nangunang magtanghal para sa paglilibot ng mga bandang Bayside at kinalaunan ay ng The Rocket Summer. Lumibot ang Paramore sa UK mula ika-5 ng hanggang 15 Oktubre 2006, kung saan nagtapos sila sa London sa Mean Fiddler. Ginamit din ng banda ang awiting, “My Hero” ng Foo Fighters para sa gagamiting kanta sa Sound of Superman na inilabas noong 25 Hunyo 2006.

Tag-init ng taong ding iyon, lumahok din ang Paramore sa Warped Tour, pangunahin sa Volcom at Hurley Stages. Ang pinakaunang paglilibot ng banda sa Estados Unidos ay nagsimula 2 Agosto 2006 na dinaluhan ng napakaraming tao na sinuportahan naman ng mga bandang This Providence, Cute Is What We Aim For, at ng Hit The Lights. Ang huling palabas ay sa Nashville. Nang taon ding iyon ay tinanghal na "Pinakamagaling na Pinakabagong Banda" ang Paramore at si Hayley Williams ay ibinotong ikalawa na pinakabalingkinitang babae ng mga manbabasa ng magasing, Kerrang!.

Taong 2007, umalis si Hunter Lamb sa banda para magpakasal. Ganunpaman, ipinagpatuloy pa rin ng iba ang pagbabanda. Ayon sa magasing NME, ang Paramore ay isa sa sampung bandang dapat abangan sa bahagi ng kanilang magasin, ang “New Noise 2007”. Enero ng taong iyon, ang banda ay tumugtog sa isang eksibisyon para sa isang grandeng pagbubukas ng eksibisyon ng Warped Tour na “Rock and Roll Hall of Fame”, at ang damit na gamit ni Hayley ay ipinakita din doon.

Itinampok muli ang bandang Paramore sa magasing Kerrang! subalit naniniwala si Hayley na hindi makatotohanan ang artikulong nakasulat para sa banda dahil natatanging sa kanya lamang umikot ang paksain ng artikulo. Di naglaon, ipinaliwanag ni Hayley sa pamamagitan ng LiveJournal ng banda kung saan ang sabi niya, “may magagawa kami kahit walang magsulat para sa amin. Pasensiya sa mga masasaktang manunulat ng Kerrang! pero sa palagay ko, walang katotohanan ang anumang isinulat ninyo sa inyong artikulo.” Noong Abril, ang pag-awit ni Hayley ay naitampok sa “Then Came To Kill” ng The Chariot. Sila ang nangunang banda sa paglibot noong 2007 kasama ng This Providence, The Almost at Love Arcade.

2007-2008: Ang Riot! At iba pang proyekto

Ang bokalistang si Hayley Williams (kaliwa) at ang gitaristang si Taylor York (kanan) ay nagtanghal sa Vans Warped Tour sa Vancouver, Hulyo 2007

Ang Paramore ay nag-umpisang magtala ng awitin sa kanilang album na Riot!. Noong Enero, 2007. Natapos ang produksiyon noong Marso ng wala ang gitaristang si Hunter Lamb (na umalis ng maaga noong 2007 pagkatapos magpakasal); dahil wala si Lamb, kinailangan ni Josh Farro na tugtugin ang parehong gitara sa album. Si Taylor York, na nakasama na sa banda ng magkapatid na Farro bago pa man nila nakilala si Hayley, ay sumali bilang kapalit ni Lamb.Pagkatapos kumbinsihin ng mga produser na sina Neal Avron at Howard Benson, ang Paramore ay nagdesiyong itala ang mga awitin ng Riot! kasama ang produser ng New Jersey na si David Bendeth (Your Vegas, Breaking Benjamin), inilabas nila ang album noong 12 Hunyo 2007. Ang Riot! ay pumasok sa Billboard 200 bilang ika-20, sa mga tsart ng United Kingdom bilang ika-24, at bumenta ng 44,000 sa kanyang unang linggo sa Estados Unidos.

Ang pangalang Riot! ay pinili dahil sa kahulugan nitong “isang biglaang paglabas ng hindi makontrol na emosyon”, at ang salitang iyon ang “nagbuod sa lahat”. Ang unang kanta mula sa album na inilabas noong 21 Hunyo 2007, “Misery Business”, ay ayon kay Williams, “Mas matapat kaysa sa kahit na anong kantang naisulat ko, at natugmaan ng mga kabanda ko ang emosyon na iyon sa pamamagitang ng musika.”

Tag-init ng 2007 ay ipinakita ang Paramore na nakilahok sa kanilang ikatlong Warped Tour at naglalahad ng kanilang karanasan sa “yourhereblog for MTV”. Noong Hunyo, idineklara sila ng “Rolling Store” bilang “Ones to Watch” ang Paramore na unang ipinalabas sa telebisyon sa pang-araw-araw na palabas ng Fuse Network, ang The Sauce. Ang pangalawang kanta mula sa Riot! “Hallelujah”, ay inilabas noong 30 Hulyo 2007, at nakikita lamang sa internet at telebisyon sa United Kingdom. Ang video, tulad ng “All We Know”, ay nagpapakita ng mga sandali sa likod ng entablado at mga pagtatanghal.

Noong Agosto 2007, ang Paramore ay ipinakita sa MTV na nagtatanghal ng acoustic na salin ng kanilang mga awitin o kaya’y umaarte sa mga patalastas ng MTV. Bilang “MTV Artist Of the Week”, ang banda ay nagsagawa ng mga kunwaring pagkakamping sa ilang lugar sa Queens, New York, lahat ay isinulat na pinangunahan ni Evan Silver at Gina Fortunato. Ang MTV.com ay mayroon ding koleksiyon ng mga maiikling video kasama ang Paramore para sa promosyon ng kanilang album na Riot! Sa lahat ng linggo ng Agosto, ang video ng “Misery Business”, ay nanguna sa MTV.com. Sa 8 Oktubre, ang Paramore ay tinugtog ang “Misery Business” sa Late Night with Conan O’Brien, ito ay nagging possible nang dahil sa pagkakaibigang nabuo sa banda at kay Max Weinburg noong 2007 Warped Tour. Noong Agosto, ang Paramore ay nakilahok sa New Found Glory para gumawa ng sarili nitong salin ng awitin at video para sa awiting “Kiss Me” ng Sixpence None The Rocher.

Noong 11 Oktubre 2007, ang video ng awiting “Crushcrushcrush” ay naipahayag sa Estados Unidos bilang sumunod na awitin ng kanilang album sa Riot!. Ang video ng “Crushcrushcrush” ay itinatampok na ang banda ay tumutugtog sa isang disyerto habang may mga nag-eespiya sa kanila at nang huli ay sinira nila ang mga gamit nito. Ang awiting ito ay inilabas sa Estados Unidos 19 Nobyembre at sa United Kingdom naman 12 Nobyembre 2007. Si Hayley Williams ay nagtala ng kanyang pag-awit para sa mga kantang “The Church Channel” at “Plea” para sa konseptong “Say Anything” ng album na In Defense of The Genre na inilabas noong 23 Oktubre 2007. Ang grupo ay tumugtog sa estilong acoustic sa Boston noong 29 Nobyembre 2007 para sa FNX Radio. Sa 31 Disyembre 2007, ang Paramore ay nagtanghal sa programang "Bisperas ng Bagong Taon ng MTV" na tumagal mula 11:00 ng gabi hanggang 1:00 ng umaga.

Ang Paramore sa The Social, Orlando, Florida noong 23 Abril 2007.

Ang Paramore ay nailathala sa paksain ng ika-Pebrerong edisyon, taong 2008 ng magasing Atlantic Press at naibotong “Pinakamagaling na Banda” ng taon ding iyon ng mga mambabasa. Ang banda rin ay nanomina na "Pinakamagaling na Bagong Artista" sa 50th Annual Grammy Awards na ipinalabas noong 10 Pebrero 2008 subalit natalo nang dahil kay Amy Winehouse. Maaga ng taong 2008 ay nakita sila sa paglilibot sa United Kingdom bilang pagsuporta sa album nitong Riot! kasama ang mga bandang New Found Glory, Kids in Glass Houses at Conditions. Pebrero din ng taong 2008, ang banda ay nagsimulang maglibot sa Europa, subalit 21 Pebrero 2008, inanunsiyo nila ang pagkansela ng anim sa kanilang mga palabas dahil sa mga isyung personal. Isinulat ni Williams sa websayt ng kanilang banda na ang pansamantalang pagtigil na ito ay magbibigay sa banda ng pagkakataon at panahon upang maayos ang kani-kanilang problema. Iniulat ng MTV.com na ang mga tagahanga ng Paramore ay napapaisip tungkol sa hinaharap ng banda nang dahil sa mga kumakalat ng balita na nagsimula nang magalit si Josh Farro sa midya sapagkat ang tanging binabalingan nito ng atensiyon ay tanging si Hayley lamang at hindi ang buong banda. Ang banda, ganunpaman, ay bumalik sa kanilang mga tahanan para magtala ng video para sa ika-apat nilang awitin na “That’s What You Get”, na ipinalabas naman noong 24 Marso 2008.

Ang banda ay lumibot kasama ang bandang Jimmy Eat World sa Estados Unidos noong Abril at Mayo taong 2008. Ang banda ay naging paulo sa ginanap na pagdiriwang sa United Kingdom, ang Give It A Name noong ika-10 at 11 Mayo 2008. Ang banda rin ay nagtanghal sa New Music We Trust Stage na Radio 1’s One Big Weekend sa Mote Park, Kent noong 11 Mayo 2008. Tumugtog sa unang pagkakaton sa Ireland ang Paramore sa RDS sa Dublin noong 2 Hunyo 2008 at sinundan ng 2008 Vans Warped Tour mula ika-1 hanggang 6 Hulyo.

Sa palabas na TRL ng MTV noong 7 Mayo 2008, ang mang-aawit na si Hayley Williams ay nagpahayag na pinagtatrabahuhan na ng banda ang kanilang ikatlong album at inaasahang mailalabas iyon sa susunod na tag-init. Sinabi ni Hayley Williams na siya at ang banda ay ineensayo ang mga awitin para sa kanilang ikatlong album habang isinasaayos nila ang tunog ng mga gamit nila noong naglilibot pa sila. Sa pabalat na istorya ng Alternative Press, nakahayag na ang komento ni Zac Farro na ang darating na album ay maihahalintulad sa mga tunog ng mga bandang Mew, Thrice at Arcade Fire.

Sa 19 Mayo 2008, inanunsiyo ng Paramore ang kanilang websayt na muli silang maglilibot at ang paglilibot na ito ay tatawaging “The Final Riot!” na simula ay sa 25 Hulyo at matatapos sa 1 Setyembre. Sa paglilibot na ito, tinugtog ng banda ang isang parte sa awiting “Hallelujah” na orihinal ni Leonard Cohen. Noong 2 Setyembre 2008 ay ipinahayag ng Paramore ang pagsasamang magaganap kasama ang Hurley Clothing base sa kanilang album na Riot! Lahat ng mga maiipon nila ay mapupunta sa Love146 Foundation.

Ang awiting “Decode” ng Paramore ay ginamit na pangunahing kanta sa pelikulang hango sa isang nobelang “Twilight”. Ang isa pa nilang awitin na “I Caught Myself” ay ginamit din dito. Ang “Decode” ay inilabas noong 1 Oktubre 2008 sa Club Site ng mga tagahanga ng Paramore pati sa websayt ng may-akda ng librong Twilight na si Stephenie Meyer. Ang banda ay nagsimulang magtrabaho para sa video noong 13 Oktubre at ipinalabas ito 3 Nobyembre. Ang Hot Topic ang siyang nagabay sa mga makikinig ng kanta noong 24 Oktubre 2008 at ang album ay nailabas 4 Nobyembre 2008. Naglabas ang Borders ng eksklusibong salin ng awitin na pagtatampok ng acoustic na bersyon nito.

Naglabas ang banda ng kanilang mismong album na pinamagatang “The Final Riot!” noong 25 Nobyembre 2008. Ang album ay may kasamang libreng plaka kung saan nakatala ang buong pagtugtog nila sa Chicago, kasama din ang mga kuha sa likod ng kamera. 9 Abril 2009, ang album na The Final Riot! ay nagkamit ng Gold sa Estados Unidos.

2009-2010: Ang Brand New Eyes at ang paglilibot

Enero ng taong 2009, si Josh Farro ay nagsalita ukol sa paparating na ikatlong album ng kanilang banda. Habang nakikipag-usap sa Kerrang!, sinabi ni Farro na: “Susubukan naming magtala ng awitin sa Nashville. Sa palagay ko, mas maeengganyo kaming magsulat doon, at kung magtatala kami doon mas madali dahil mas makakatulog kami sa aming mga kama sa gabi kaysa sa mga hotel tulad ng nagdaang 300 araw n gaming taon. Hindi pa kami sigurado kung sino ang tutulong sa amin sa pagtatala. Ginawa naming ang “Decode” kasama ang produser na si Rob Cavallo at iyon ay isang napakagandang karanasan, pero naghahanap pa din kami at ayaw naming magdesisyon hangga’t wala pa kaming nagagawang maraming kanta at alam namin kung ano ang hinahanap naming. Masaya talaga kame sa mga buhay na tunog at gusto naming ng isang produser na magagawang makikita iyon.”

Ang Paramore sa kanilang paglilibot ang Brand New Eyes World Tour sa the Warfield sa US

21 Enero 2009, naianunsiyo na ang Paramore ay maging ispesyal na panauhin kasama ang Bedouin Soundclash, The Sounds at si Janelle Monae sa No Doubt Summer Tour 2009, na magsisimula sa Mayo,2009 sa labas ng mga ampiteyatro at mga arena sa US at Kanada.

Naisulat at natapos ng Paramore ang kanilang pinakabagong tala, ang Brand New Eyes noong 2009. Ang unang awiting ipinalabas ay ang “Ignorance” noong 7 Hulyo 2009. Ang opisyal na video pangmusika nag “Ignorance”ay naipakita sa lahat ng MTV platform, network at mga websayt noong 13 Agosto 2009. Ang Paramore, kasama ang Paper Route at The Swellers ay lumibot para suportahan ang Brand New Eyes sa taglagas ng 2009. Ang ilan sa mga petsa ng kanilang paglilibot ay naudlot dahil sa sakit ni Hayley na laryngitis. Ang mga awiting “Brick By Boring Brick”, “The Only Exception”, “Careful” at “Playing God” ay ang mga sumunod sa album. Para ipakilala ang album, nagtala ang banda ng pagtatanghal sa MTV Unplugged.

Ang Paramore ay sumunod na tumugtog sa isang paglilibot sa Europa na nagtagal ng 15 na araw kasama ang You Me At Six, Paper Route at Now Now Every Children. Ang kanilang pinagtanghalan ay sa Wembly Arena ng London na may bilang na manunuod na umabot ng 12,500. Ang banda ay tumugtog noong 2010 sa Australian Soundwave Festival kasabay ang mga bandang Faith No more, Placebo, You Me At Six, All Time Low, Jimmy Eat World at Taking Back Sunday. Bago pa man ang paglilibot na ito, ang gitaristang si Josh Farro ay nag-anunsiyo sa pamamagitan ng kanilang LiveJournal na siya ay malapit ng ikasal. Si Justin York, na kapatid ni Taylor York, ang pumalit sa kanya sa paglilibot. Ang banda, sa pagbabalik ni Josh Farro, ay muling naglibot sa US noong tagsibol ng bandang dulo ng Abril. Sinuportahan ng Paramore ang Green Day sa mga piling petsa ng kanilang paglilibot sa Dublin at Paris.

Sa Abril ng 2010, inanunsiyo ng banda na sila ang mangunguna sa Honda Civic Tour nang taong iyon. Ang paglilibot ay nagsimula 23 Hulyo sa Raleigh, NC at natapos 19 Setyembre sa Anaheim, California. Matapos ang maikling paglibot sa United Kingdom noong Nobyembre ng 2010, muling nag-anunsiyo ang banda noong 2 Disyembre na ang opisyal na petsa ng kanilang paglilibot sa Timog Amerika ay magaganap sa Pebrero at Marso, taong 2011.

Sa isang panayam sa MTV sa Z100 Jingle Ball noong 11 Disyembre 2011, si Hayley at Taylor ang nag-anunsiyo na ang banda ay pansamantalang magpapahinga pagkatapos ng kanilang paglilibot sa Timog Amerika taong 2011 upang magsulat ng awitin para sa kanilang ikaapat na album.

Ang Paglisan ni Josh at Zac Farro

Noong 18 Disyembre 2010, isang mensahe mula kina Hayley, Jeremy, at Taylor ay inilabas sa pamamagitan ng Paramore.net na nagsasabing si Josh at Zac ay aalis ng banda. Sinabi sa mensahe ang sumusunod:

“A couple of months ago, Josh and Zac let us know they would be leaving the band after our show in Orlando last Sunday. None of us were really shocked. For the last year it hasn't seemed as if they wanted to be around anymore. We want Josh and Zac to do something that makes them happy and if that isn't here with us, then we support them finding happiness elsewhere. But we never for a second thought about leaving any of this behind." “As we look back, and now as we look with excitement to the future, in all of this what truly matters are the good times. The pictures of us with our arms around each other, the long van rides, your faces while you sing along as we play. Thank you for getting us right here to this very moment. We look forward to our best times. And we hope you will go there with us.”

Sinabi din sa mensahe na ang mga natitirang miyembro ay walang intensiyon na mag disbanda. Kinumprima din ng banda na ang naka-takda na South American tour ay magaganap pa din.

Si Josh Farro ay gumawa ng sariling sagot sa kanyang pag-alis sa pamamagitan ng kanyang Blogger na account, ibang-iba ito sa sinabi ng banda, sinabi nya na ang banda daw ay “ a manufactured product of a major-label.” Inakusa nya si Hayley Williams na minamanipula ng kanyang management, tinuturing nya daw ang ibang myembro bilang kanyang ”solo project”, at sinasabi pa daw niya na siya lang ang tanging myembro ng banda na naka-pirma sa Atlantic Records, habang ang kanyang mga kabanda ay sinasabing “riding on the coattails of her dream.”

30 Disyembre 2010, Nag-interview ang MTV News kina, Williams, York at Davis sa Franklin, Tennessee tungkol sa masasabi nila sa nagging reaksiyon ni Farro. Pinalabas ang panayam sa MTV.com noong ika-7 ng enero, 2011 bilang Paramore: The Last Word. Habanng kinumpirma nila ang marami sa sinabi ni Farro, lalo na ang sinabi nyang si Williams lamang ang tanging myembro ng banda na naka-pirma sa Atlantic, sinabi nila na hindi naman importante yun, dinagdag pa nila na matagal na daw nilang nasagot ang isyu na iyon tungkol sa banda nila.

2011-kasalukuyan: Ang Paramore na walang magkapatid na Farro

Noong 10 Enero 2011, sa isang panayam sa MTV, sinabi ni Hayley Williams na kahit na nawalan ang banda ng dalawa sa mga miyembro na bumuo nito, maglalabas parin sila ng bagong awitin sa 2011, ngunit hindi parin alam kung magagawa nilang mag-rekord ng isang full-album para ilabas ngayong taon, o di kaya’y maglalabas lang ng ilang kanta. Inamin din nya na ang style ng Paramore ay malamang na mag-bago dahil sa bagong line-up, ngunit kinlaro nya na ang kanilang sariling tunog ay hindi magbabago.

2 Pebrero 2011, Kinumpirma ni Josh Farro ang pangalan ng kanyang bagong banda, Novel American. Si Zac din ay kinumpirma ang kanyang bagong banda, ang 'Half Noise.

17 Pebrero 2011, kinumpirma ni Hayley Williams na ang banda papasok na sa studio sa pagbalik nila mula sa kanilang South Americn tour, upang mag-rekord ng mg kantang ilalabas sa tag-init, bago maglabas ng isang bagong full-length na album sa dulo ng kasalukuyang taon o sa 2012. Isa sa mga bagong kantang ilalabas ay ang “In the Mourning”, na unang ipinakita ni Williams sa kanyang pahina sa Tumblr'.

Ika-21 ng marso, 2011, Sinabi ng Paramore sa kanilang iba’t ibang social networking accounts na papasok sila sa isang studio sa Los Angeles kasama ang producer na si Rob Cavallo upang mag record ng sunod nilang album.

3 Hunyo 2011, nilabas ng Paraore ang kantang “Monster”, na kasama sa soundtrack ng 'Transformers: Dark of the Moon, sa Youtube. Ito ang unang kantang inilabas ng banda nang wala ang magkapatid na Farro.

9 Hunyo 2011, sinabi ni Hayley Williams na ang banda ay nag-uumpisa nang mag-sulat ng kanilang ika-apat na album, na inaasahan nilang maumpisahang i-rekord sa katapusan ng taon, upang mahanda na syang ilabas ng maaga sa 2012.