Pika

Ang pika ( /ˈpaɪkə/ PY-kə; lumang pagbabaybay pica) ay isang maliit na mamalyang may maiikling bisig at hita, mabilog na mga tainga, at maikli o walang buntot. Ang pangalang "pika" ay ginagamit sa kahit aling miyembro ng pamilyang Ochotonidae, isang pamilya ng mga hayop na napapaloob sa order ng mga lagomorphs, kung saan kasama rin ang mga Leporidae, ang uring kinabibilangan ng mga kuneho. Ang isang genus, ang Ochotona, ay kinikilalang kasama sa nasabing pamilya na naglalaman ng 30 species. Kilala din itong "whistling hare" dahil sa matinis nitong huni kapag nagmamadali itong magtago sa lungga. Sa Estados Unidos, ang pika ay karaniwang tinatawag na "coney", isang pangkalahatang tawag na maaari ding tumukoy sa mga kuneho at mga hyrax. Ang pangalang pika ay maaaring nanggaling sa salita mula sa mga wikang Tungus na "piika".

Pika Temporal na saklaw: Oligocene–Recent PreЄ Є O S D C P T J K Pg N
American Pika, (Ochotona princeps), in Sequoia National Park
Klasipikasyong pang-agham
Kaharian:	Animalia
Kalapian:	Chordata
Hati:	Mammalia
Orden:	Lagomorpha
Pamilya:	Ochotonidae Thomas, 1897
Sari:	Ochotona Link, 1795
Tipo ng espesye
Ochotona minor Link, 1795 (= Lepus dauuricus Pallas, 1776)

Tirahan

Collared pika sa Hatcher Pass sa Alaska

Ang mga pika ay makikita sa mga lugar sa Asya, Hilagang Amerika at mga bahagi ng Silangangn Europa na malamig ang klima. Karamihan sa mga uri ay naninirahan sa mga mababatong bundok, kung saan naglulungga sila sa mga pagitan ng mga bato. May ilang uring katutubo sa mga steppes ang naghuhukay ng sarili nilang lungga. Sa kabundukan naman ng Eurasia, ang mga pika ay naninirahan sa mga lungga kasama ang mga snowfinch na doon din sa parehong lungga namumugad.

Katangian

Ochotona sp. fossils

Ang mga Pikas ay maliliit na mamalya, maikli ang mga biyas at hita at mabibilog ang tainga. Gaya ng mga kuneho, sila'y dumudumi ng maliliit na ipot na kulay luntian na muli nilang kinakain upang mas makakuha ng nutrisyon, bago nila ilabas muli ito bilang mga dumi na animoy butil. May ilang mga pika gaya ng collared pika na nag-iimbak ng mga patay na ibon sa kanilang lungga bilang pagkain sa panahon ng tag-lamig.

Ang mga hayop na ito'y kumakain ng maraming uri ng halaman gaya ng mga damo, lumot at iba pa. Kagaya ng ibang logamorphs, gumagamit sila ng mga inscisors at wala silang mga pangil.

Ang mga pika na nakatira sa mga batuhan ay mas kaunti pa sa lima ang anak di tulad ng mga uri na nag-huhukay ng kanilang lungga na mas marami ang nagiging anak. Marahil ito ay dahil sa mas maraming mapagkukunan ng pagkain ang mga pikang naghuhukay sa kanilang mga lugar panirahan. Ang mga pika ay nagpapasuso sa loob ng 25 hanggang 30 araw.

Mga Gawi

Tambak ng mga dahong pinapatuyo sa mga bato para itago bilang pagkain. Lambak ng Gad, Snowbird Ski Resort sa Little Cottonwood Canyon, Utah

Ang American pika may kagat-kagat na tuyong damo sa Sequoia National Park, CA

Ang mga pika ay aktibo sa araw. May mga uring nakatira sa mas matataas na lugar na higit na aktibo pag maliwanag. Pinakamasigla sila sa panahong pinakamalapit na ang tag-lamig. Hindi nagha-hibernate ang mga pika kaya't inuubos nila ang kanilang panahon sa tag-init sa pag-iimbak ng pagkain. Ang bawat isang uri ng pika na sa batuhan naninirahan ay may sariling dayamihan ng pagkain. Habang naglulungga, karaniwang nagsasalu-salo ang mga pika sa mga naitago nilang pagkain. Ang karamihan sa gawi at huni ng pika ay may kinalaman sa pagtatanggol ng kanilang dayamihan.

Ang mga Eurasian pikas ay karaniwang naninirahan ng pamipamilya at naghahati-hati sa gawaing pagkuha ng pagkain at pagbabantay ng lungga. Ang mga pika sa Hilagang Amerika ay karaniwang mag-isang namumuhay maliban na lamang kung panahon ng pagpaparami.