Wikipedia

Queen Harish

Indiyanong mananayaw (1979–2019)

Si Harish Kumar (1979 - Hunyo 2, 2019) na kilala bilang Queen Harish ay isang mananayaw-pambayan mula sa Rajasthan, India. Isang taong nagsumikap tungo sa muling pagkabuhay ng mga katutubong sayaw ng Rajasthani,[4] ang kaniyang mga pagtatanghal ay kinabibilangan ng iba't ibang porma ng katutubong sayaw mula sa Rajasthan tulad ng Ghoomar, Kalbelia, Chang, Bhawai, at Chari.

Queen Harish
Kapanganakan1979[1]
  • (Jaisalmer tehsil, Jaisalmer district, Jodhpur division, Rajasthan, India)
Kamatayan2 Hunyo 2019[2]
MamamayanIndia
Trabahokoreograpo[3]

Talambuhay

baguhin
 
Queen Harish na nakakasuotang drag

Si Harish Kumar ay ipinanganak noong 1979, sa isang pamilya ng karpintero sa komunidad ng Suthar sa Jaisalmer sa Rajasthan.[5] Nagsimula siyang sumayaw sa edad na 13.[6] Si Harish, na nawalan ng mga magulang, ay dumating upang sumali sa sayaw na drag para tustusan ang kaniyang mga kapatid na babae.[kailangan ng sanggunian] Dahil sa inspirasyon ni 'Annu Master', ang unang tagapagtanghal na drag sa rehiyon ng Jaisalmer, nagsimula siyang matuto ng sayaw na drag sa ilalim niya.[kailangan ng sanggunian] Nagsanay siya ng Amerikanong estilong tribong belly dance para maging mas may kakayahan ang kaniyang katawan sa lahat ng galaw ng babae.[7]

Si Harish ay nagtanghal ng Ghoomar, Kalbelia, Chang, Bhavai, Chari, at iba pang katutubong sayaw ng estado ng Rajasthan, sa halos 60 bansa.[5] Ang kaniyang pagtatanghal ay isa sa mga highlight ng taunang Pampanitikang Pistang Jaipur Literary.[8] Lumahok siya sa Raqs Congree sa Bruselas, Belly Dancing Championship sa Seoul at Desilicious sa New York City.[9] Siya ay lumabas sa reality television show na 'India's Got Talent' at ilang Bollywood na pelikula kabilang ang Appudappudu (2003), Jai Gangaajal (2016) at The Accidental Prime Minister.[10][11] Noong 2007, nagbida siya sa dokumentaryo na When the Road Bends: Tales of a Gypsy Caravan ng Amerikanong tagagawa ng pelikula na si Jasmine Dellal.[12][13] Sa pakikipagtulungan sa pamahalaan ng Rajasthan, nagpatakbo siya ng pang-araw-araw na palabas sa gabi sa Jaisalmer na tinatawag na The Queen Harish Show.[14] Isa rin siyang koreograpong may mahigit dalawang libong estudyante sa Hapon lamang.[kailangan ng sanggunian]

Personal na buhay at kamatayan

baguhin

Naiwan ni Harish ang kaniyang asawa at dalawang anak na lalaki.[15] Namatay siya sa edad na 39, noong 2019 Hunyo 2, sa isang aksidente sa kalsada sa isang Highway sa Kaparda nayon malapit sa Jodhpur sa Rajasthan.[16]

Mga sanggunian

baguhin
  1. ↑ https://fox-walk.com/queenharish-passed/.
  2. ↑ https://www.dnaindia.com/india/report-who-was-queen-harish-kumar-2756490.
  3. ↑ https://www.indiawest.com/news/india/renowned-folk-dancer-queeny-harish-killed-in-road-accident/article_d23beb4a-8631-11e9-9d4f-8fb4922e131b.html.
  4. ↑ "Farewell, Queen Harish – India's most famous drag queen". Times of India Blog. 21 Hunyo 2019.{{cite news}}: CS1 maint: date auto-translated (link)
  5. ↑ 5.0 5.1 "Jaipur diary: Rajasthan mourns folk dancer Queen Harish". The New Indian Express.
  6. ↑ "Obituary | Queen Harish, India's 'Dancing Desert Drag Queen'". The Wire.
  7. ↑ "Blush.me". Blush (sa wikang Ingles). Inarkibo mula sa orihinal noong 2022-02-07. Nakuha noong 2022-03-17.{{cite web}}: CS1 maint: date auto-translated (link)
  8. ↑ Swaminathan, Chitra (6 Hunyo 2019). "Dance like Queen Harish". The Hindu (sa wikang Ingles).{{cite news}}: CS1 maint: date auto-translated (link)
  9. ↑ "Queen Harish of Jaisalmer, Traditional Dancers from Jaisalmer". www.jaisalmeronline.in (sa wikang Ingles).
  10. ↑ "Who was Queen Harish Kumar?". DNA India (sa wikang Ingles).
  11. ↑ "Harish". IMDb.
  12. ↑ Roy, Sandip (22 Hulyo 2008). "Queen Harish dances in drag". SFGATE.{{cite web}}: CS1 maint: date auto-translated (link)
  13. ↑ "Rajasthani folk dancer Queen Harish dies in road accident". The Indian Express (sa wikang Ingles). 3 Hunyo 2019.{{cite news}}: CS1 maint: date auto-translated (link)
  14. ↑ "Queen Harish: The Man, The Woman, The Performer". eNewsroom India. 4 Marso 2018.{{cite news}}: CS1 maint: date auto-translated (link)
  15. ↑ Soparrkar, Sandip (10 Hunyo 2019). "Queen Harish: The man, the woman & the mystery will stay the same forever". The Asian Age.{{cite news}}: CS1 maint: date auto-translated (link)
  16. ↑ ഡെസ്ക്, വെബ് (2 Hunyo 2019). "നാടോടി നർത്തകൻ ക്വീൻ ഹാരിഷ് വാഹനാപകടത്തിൽ മരിച്ചു". www.madhyamam.com (sa wikang Malayalam).{{cite news}}: CS1 maint: date auto-translated (link)
Kinuha sa "https://tl.wikipedia.org/w/index.php?title=Queen_Harish&oldid=2058633"