Sinturong pangpuson
Ang sinturong pangpuson o pahang pangtiyan (Ingles: abdominal belt) ay isang uri ng malapad na paha o sinturon na pangmedisinang ginagamit na pangsuporta sa dingding ng puson sa pamamagitan ng presyon.[1]
Layunin baguhin
Ginagamit ang ganitong paha sa panahon ng pagdadalang-tao at pagkatapos manganak ng isang babae, maging para sa panahon pagkaraan ng mga operasyon o siruhiya sa puson, kapag may herniya ng puson, at kung may biseroptosis o paglawlaw ng mga laman ng puson. Upang maging epektibo at maginhawa, kinakailangang tama ang pagkakasuot ng sinturong ito.[1]
Mekanismo ng presyon baguhin
Nakakamit ng sinturong pangpuson ang matatag na presyon sa apektadong laman ng puson sa pamamagitan ng paglalangkap sa loob ng pahang ito ng hinabing elastiko o nababanat na tela, pagdaragdag ng mga pantali at sintas, at paglalagay sa loob ng sinturon ng isang pad o sapin – solido o supot na may lamang hangin – na may naangkop na sukat at hugis. Kaugnay ng saping ito, nadaragdag ang presyon kapag nagsasama ng isang uri ng kaayusan ng mga ispring o rekolyo.[1]
Sanggunian baguhin
- ↑ 1.0 1.1 1.2 Robinson, Victor, pat. (1939). "Abdominal belt". The Modern Home Physician, A New Encyclopedia of Medical Knowledge. WM. H. Wise & Company (New York)., pahina 4.
Ang lathalaing ito ay isang usbong. Makatutulong ka sa Wikipedia sa pagpapalawig nito.