Spam sa email

Ang spam sa email, tinutukoy din bilang junk email (o basurang email), ay ang hindi hinihiling na mga mensahe na ipinadala ng maramihan (pag-spam).

Isang folder ng email box na pinuno ng mga mensaheng spam.

Nagmula ang pangalan mula sa isang maikling dula ng Monty Python kung saan ang Spam ay nakikita sa lahat ng dako, hindi maiwasan at paulit-ulit. Tuloy-tuloy na lumago ang spam sa email simula pa noong maagang dekada 1990, at noong 2014 tinatayang nasa 90% ito sa lahat ng trapiko sa email.

Yayamang nasa tatanggap ang gastos ng spam, ito ang pinakaepektibong koreo na patalastas. Ito ang pinakamahusay na halimbawa ng isang negatibong eksternalidad.