Thomas Lynch, Jr.

Para sa iba pang mga taong pinangalanang Thomas Lynch, tingnan ang Thomas Lynch (paglilinaw).

Si Thomas Lynch, Jr.^[1] (5 Agosto 1749 – 1779), ay isang Amerikanong politiko at tagapaglagda sa Pagpapahayag ng Kasarinlan ng Estados Unidos bilang kinatawan ng South Carolina.

Lagda ni Lynch

Talambuhay

Isinilang siya sa Parokya ng Prince George, Winyah^[1], sa isang pook na kilala ngayon bilang Georgetown County, South Carolina, na anak na lalaki ni Thomas Lynch. Nag-aral siya sa Paaralang Lipunang Indigo sa Georgetown bago ipadala sa Inglatera, kung saan nakapag-aral siya sa Kolehiyong Eton at sa Kolehiyong Gonville at Caius. Nag-aral siya ng abogasya sa London, at nagbalik sa Amerika noong 1772. Sa pagbabalik na ito, nahalal siya sa maraming mga mahahalagang tanggapang pangpamahalaan.^[1] Naging komandante siya ng isang kompanyang pang-hukbo sa ika-1 rehimiyento ng South Carolina noong 1775, naging kasapi ng Asambleyang Heneral noong 1776, at nahalal sa Kongresong Kontinental (1776 hanggang 1777).^[1] Nagkaroon siya ng karamdaman noong mga huling panahon ng 1776 at naglayag, kapiling ang kaniyang asawa, patungong West Indies. Nawala ang kanilang barko habang nasa dagat at hindi na muling natagpuan.

Bago maglayag para sa kaniyang hindi matagumpay na biyaheng ito, nakasulat siya ng kasulatan ng pagmamana. Ipinahayag ng nasusulat na kaloobang ito na ang kaniyang mga tagapagmanang mga kamag-anak na kaibigan ay dapat magpalit ng kanilang mga apelyido - baguhin at gawing Lynch - upang mamana nila ang mga pag-aaring lupain ng pamilya. Magpahanggang sa ngayon, nakatayo pa rin ang Hopsewee, ang pag-aaring lupa ng mag-anak, na nasa South Carolina. Nag-iisang anak lamang si Lynch, Jr.

Naging amain niya sa pakinabang^[2] (pangalawang ama) ang gobernador ng South Carolina na si William Moultrie; pamangkin niya ang isa pang gobernador ng Hilagang Carolina na si James Hamilton Jr. Lolo niya si Jonas Lynch na nagmula sa Galway, Ireland, ang hanay ng mga ninunong Lynch na pinalayas at pinatalsik mula sa Ireland pagkaraan ng pagkatalo ng mga ito noong panahon ng mga digmaang Irlandes ni William ng Orange.

Sanggunian

↑ ^1.0 ^1.1 ^1.2 ^1.3 "Thomas Lynch, Jr.". The New Book of Knowledge (Ang Bagong Aklat ng Kaalaman), Grolier Incorporated. 1977.{{cite ensiklopedya}}: CS1 maint: date auto-translated (link)
↑ "Stepfather, "amain sa pakinabang"". Inarkibo mula sa orihinal noong 2016-03-06. Nakuha noong 2008-07-10.{{cite web}}: CS1 maint: date auto-translated (link)

Mga panlabas na kawing

May kaugnay na midya ang Wikimedia Commons tungkol sa artikulong:

Founding Fathers of the United States

[NBK-1] 1.0 ^1.1 ^1.2 ^1.3 "Thomas Lynch, Jr.". The New Book of Knowledge (Ang Bagong Aklat ng Kaalaman), Grolier Incorporated. 1977.{{cite ensiklopedya}}: CS1 maint: date auto-translated (link)

[Bansa-2] "Stepfather, "amain sa pakinabang"". Inarkibo mula sa orihinal noong 2016-03-06. Nakuha noong 2008-07-10.{{cite web}}: CS1 maint: date auto-translated (link)

[1]

[2]