Trikomonyasis

Para sa ibang mga gamit, tingnan ang Sakit na tulo.

Ang trikomonyasis (Ingles: trichomoniasis) ay isang impeksiyong dulot ng isang protosoa (Ingles: protozoa) na kabilang sa mga sakit na nakukuha sa pakikipagtalik. Sanhi ito ng mikrobyong trikomonas baynalis (Ingles: trichomonas vaginalis), isang parasito. Tinatawag din itong trich.

Mga palatandaan

Sa mga kalalakihan at kababaihan, nagiging madalas at mahapdi ang pag-iihi, may malubhang pangangati sa paligid ng ari ng lalake, ari ng babae at sa labasan ng dumi, at mayroon ding abnormal na pagdurugo. Sa mga kababaihan, nagkakaroon ng makatas na tulong naninilaw, luntian, may mabahong amoy at mabula. Bilang dagdag anim sa bawat sampung indibidwal na babaeng may ganitong sakit ang hindi kakikitaan ng mga sintomas.

Maaari ring kasabay ng trikomonyasis ang iba pang mga uri ng sakit na nakukuha sa pagtatalik.

Kumplikasyon

Sa mga lalaki at babae

Kabilang sa mga kumplikasyon ang (Ingles: pelvic inflammatory disease, PID), pamamaga sa bayag (partikular na ang implamasyon ng iskrotum), at rayuma.

Sa mga sanggol

Nagkakaroon ng pamamaga ng matang kilala sa medisina bilang optalmitis (Ingles: Opthalmitis) ang nahawahang mga sanggol.

Dahil sa kakulangan sa paggamot

Kapag hindi nakumpleto ang pagpapagamot, may pagkakataong manumbalik ang karamdaman.

Tingnan din

• Gonorea
• Klamidya