Abenida Tomas Morato
Ang Abenida Tomas Morato (Ingles: Tomas Morato Avenue) ay isang kilalang kalye sa Lungsod Quezon na may apat na linya (dalawa sa bawat direksyon) at haba na 1.6 kilometro (1 milya). Nagsisimula ito sa sangandaan ng Abenida Eulogio Rodriguez Sr. sa Baranggay Mariana, New Manila, at nagtatapos ito sa Kalye Eugenio Lopez (dating Kalye Scout Albano). Sa sangandaan ng kalye at Abenida Timog matatagpuan ang monumento na ala-ala sa 22 Boy Iskawt na nasawi sa pagbagsak ng eroplano noong papunta sila sa 11th World Scout Jamboree. Sa nasabing sangandaan din matatagpuan ang dating kinalalagyan ng Ozone disco.
| Abenida Tomas Morato Tomas Morato Avenue | |
|---|---|
 Abenida Tomas Morato sa sangandaan ng Kalye Scout Delgado. | |
| Impormasyon sa ruta | |
| Haba | 1.6 km (1.0 mi) |
| Pangunahing daanan | |
| Dulo sa hilaga | Eugenio Lopez Drive sa Barangay South Triangle |
| |
| Dulo sa timog | Abenida Eulogio Rodriguez Sr. sa Barangay Mariana |
| Sistema ng mga daan | |
| Mga daanan sa Pilipinas | |
Kilala ang kalye bilang hilera ng mga restoran sa pook panlibangan ng Lungsod Quezon (lalo sa bandang paligid ng sangandaan ng Abenida Timog).[1] Kilala rin ang kalye sa mga bar, disco, karaoke, at klab pang-komedya nito.
Kasaysayan
baguhinAng Abenida Tomas Morato, na ibinuksan sa publiko noong mga 1940, ay dating tinawag na Sampaloc Avenue. Pinangalanan ito dahil sa pagiging laganap ng mga punong sampalok sa kabuuan ng kalye sa mga unang taon nito. Pinaniniwalaan na itinanim nina Tomas Eduardo Morato y Bernabeu (unang alkalde ng Lungsod Quezon, 1939–1942), dating pangulo Manuel Luis Quezon, Alejandro Roces (na isang mamamahayag) ang mga nasabing puno.[2] Subalit noong 2012, dalawang punong sampalok na lamang ang natitira, sapagkat ipinutol na ang mga puno upang mabigyang-daan sa pagtatayo ng mga espasyo pamparadahan.[2][3]
Noong 1966, binigyan ng bagong pangalan ang abenida, mula sa unang alkalde ng Lungsod Quezon.[4][5] Pagpasok ng dekada-1990, napalitan ng porma ang kalye at naging patok na lugar na may mga bar na nakalinya rito katulad ng Tia Maria's.[3] Noong 1996, naganap sa sangandaan ng abenida sa Abenida Timog ang isa sa mga pinaka-nakakamatay na sunog sa nightklab sa kasaysayan ng Pilipinas.
Noong 2003, isinailalim sa isang pagsasaayos ang kalye kung saan pinaganda ang mga bangketa nito at nilagyan ng mga railing sa mga sulok nito upang maiwasan ang double parking.[6]
Mga sanggunian
baguhin- ↑ "Business brings more fun in Quezon City". Quezon City Business. Inarkibo mula sa orihinal noong 2015-05-18. Nakuha noong 12 Mayo 2015.
{{cite web}}: CS1 maint: date auto-translated (link) - ↑ 2.0 2.1 "The vanishing sampaloc trees along Tomas Morato Avenue in Quezon City". GMA Network News. Nakuha noong 12 Mayo 2015.
{{cite web}}: CS1 maint: date auto-translated (link) - ↑ 3.0 3.1 "Lifestyle mini guide to Morato Avenue's changing foodscape". Philippine Daily Inquirer. Nakuha noong 12 Mayo 2015.
{{cite web}}: CS1 maint: date auto-translated (link) - ↑ "Republic Act No. 4749". Chan Robles Virtual Law Library. Nakuha noong 11 Mayo 2015.
{{cite web}}: CS1 maint: date auto-translated (link) - ↑ "Milestones in History". Quezon City Government. Inarkibo mula sa orihinal noong 18 Mayo 2015. Nakuha noong 12 Mayo 2015.
{{cite web}}:|archive-date=/|archive-url=timestamp mismatch (tulong)CS1 maint: date auto-translated (link) - ↑ "Morato Avenue is public domain – City Hall". The Philippine Star. Nakuha noong 12 Mayo 2015.
{{cite web}}: CS1 maint: date auto-translated (link)