Asuncion

Ang Asunción (NK /əˌsʊnsiˈɒn/, EU /ɑːˌsuːnsiˈoʊn,_ɑːsuːnˈsjoʊn/, Kastila: [asunˈsjon]) ay ang kabisera at ang pinakamalaking lungsod ng Paraguay. Matatagpuan sa kaliwang pampang ng Ilog Paraguay, halos pinagtatagpo ang ilog na ito sa Ilog Pilcomayo, sa lupalop ng Timog Amerika. Hinihiwalay ng Ilog Paraguay at ang Look ng Asunción sa hilagang-kanluran ang lungsod mula sa Rehiyong Oksidental ng Paraguay at Arhentina sa timog na bahagi ng lungsod. Pinapalibot ang natitirang bahagi ng lungsod ng Gitnang Departamento.

Asuncion Nuestra Señora Santa María de la Asunción
capital region, lungsod, big city, border city, largest city
Watawat Eskudo de armas
Mga koordinado: 25°18′00″S 57°38′00″W
Bansa	Paraguay
Lokasyon	Capital District, Paraguay
Itinatag	1537 (Huliyano)
Ipinangalan kay (sa)	Pag-aakyat sa Langit kay Maria
Lawak
• Kabuuan	117 km2 (45 milya kuwadrado)
Populasyon  (2022)
• Kabuuan	462,241
• Kapal	4,000/km2 (10,000/milya kuwadrado)
Kodigo ng ISO 3166	PY-ASU
Websayt	https://www.asuncion.gov.py/

Isang awtonomong kabiserang distrito ang lungsod, na hindi bahagi ng kahit anong departamento. Tinatawag na Gran Asunción ang kalakahang lugar, na kinabibilangan ng San Lorenzo, Fernando de la Mora, Lambaré, Luque, Mariano Roque Alonso, Ñemby, San Antonio, Limpio, Capiatá at Villa Elisa, na bahagi ng Gitnang Departamento. Umaabot sa mga dalawang milyon ang mga naninirahan sa kalakhang lugar ng Asunción. Nakalista ang munisipalidad ng Asunción sa Palitan ng Sapi (o Stock) ng Asunción bilang MUA.

Isa ang Asunción sa pinakamatandang lungsod sa Timog Amerika at ang pinakamahabang patuloy na tinitirhan na lugar sa Palanggana ng Rio de la Plata; sa kadahilanang ito, nakilala ito bilang "ang Ina ng mga Lungsod." Mula Asunción, ang mga ekspedisyong kolonyal ay umalis upang maghanap ng ibang lugnsod, kabilang ang ikalawang pagkakatatag ng Buenos Aires at ibang mahahalagang lungsod ng Villarrica, Corrientes, Santa Fe at Santa Cruz de la Sierra.