Bulaklak
Ang bulaklak (Ingles: flower) ay anumang bahagi ng halaman na may talulot (halamang namumulaklak) tulad ng gumamela, sampagita, sampaga, rosas, at magnolya.[1] Ang bulaklak ay ginagamit din ng halaman upang makapagparami.
Mga endemikong bulaklak ng Pilipinas
baguhin- Waling-waling (Vanda sanderiana)
Ang waling-waling ay isang endemikong orchid ng Mindanao sa lalawigan ng Davao, Cotabato, at Zamboanga kung saan ito ay matatagpuang nakatangan sa mga dipterocarp na mga puno. Namumukadkad ito ng isang beses kada taon mula Hulyo hanggang Oktubre. Ito ay tinaguriang "Reyna ng mga Pilipinong bulaklak" at itinuturing na diwata ng mga Bagobo.
- Summer Hoya (Hoya obscura)
Ito ay isang endemikong hoya na matatagpuan sa timog na ibayo ng malawak na pulong Luzon. Ito ay may di-gaano kalaking mga maugat na dahon na nagiging matingkad na itim-lunti kapag lumago sa lilim na nagiging matingkad na pula kapag lumago sa sinag ng araw. Ang mga bulaklak ay may kaaya-ayang halimuyak na lalong lumalayo ang abot tuwing gabi.
- Tayabak (Strongylodon macroborys)
Ito ay isang espesye ng naglalagas na baging na nasa pamilya ng patani. Isa itong katutubo ng mga maulang kagubatan ng Quezon at Rizal. Ang mga baging nito ay kayang humaba ng 18 metro. Ang mga bulaklak nito ay namumukadkad lamang ng isang beses sa isang taon tuwing Marso o Abril, na tumatagal lamang ng dalwang linggo.
- Rafflesia Philipensis
Ito ay isang parasitikong halaman na walang dahon na sumisipsip ng lakas mula sa isang natatanging espesye ng halaman. Matatagpuan lamang ang espesyeng ito sa isang nag-iisang tipon sa Bundok Banahaw.[2]
Mga sanggunian
baguhin- ↑ English, Leo James. Diksiyunaryong Tagalog-Ingles. Maynila: Kongregasyon ng Kabanalbanalang Tagapag-ligtas; ipinamamahagi ng National Book Store. p. 1583. ISBN 971-91055-0-X.
- ↑ "Endemic & Endangered Plants and Animals in the Philippines". Scribd. Nakuha noong 17 Abril 2025.
Ang lathalaing ito na tungkol sa Bulaklak, Halaman at Botanika ay isang usbong. Makatutulong ka sa Wikipedia sa pagpapalawig nito.