Daang Panlihis ng Pili

Ang Daang Panlihis ng Pili (Pili Diversion Road) ay isang daan sa bayan ng Pili, kabisera ng lalawigan ng Camarines Sur, na may habang apat na kilometro.

Daang Panlihis ng Pili Pili Diversion Road
Impormasyon sa ruta
Pinangangasiwaan ng Kagawaran ng Pagawaing Bayan at Lansangan Tanggapang Inhinyero ng Ikalawang Distrito ng Camarines Sur
Haba	4 km (2 mi)
Bahagi ng	N673
Pangunahing daanan
Dulo sa hilaga	N1 / AH26 (Lansangang Maharlika)
Dulo sa timog	N630 (Pambansang Lansangan ng Governor Jose Fuentebella)
Lokasyon
Mga lawlawigan	Camarines Sur
Mga bayan	Pili
Sistema ng mga daan
Mga daanan sa Pilipinas Mga lansangan Mga mabilisang daanan Talaan

Paglalarawan ng ruta

Nilalampasan ng Daang Panlihis ng Pili ang kabayanan ng Pili, at nagsisilbing alternatibong ruta papuntang timog sa halip ng patuloy na dumaan sa Lansangang Maharlika, na dumadaan sa kabayanan (o "poblasyon) nito. Isa rin itong tuwirang ruta patungong bayan ng Caramoan. Malinaw na matatanaw ang katimugang gilid ng Bundok Isarog mula sa daang ito.

Bilang ng ruta

Sa ilalim ng pagpapatupad ng sistemang pamilang ng mga ruta ng Kagawaran ng Pagawaing Bayan at Lansangan (DPWH) noong 2014, ang buong daang panlihis ay isang bahagi ng Pambansang Ruta Blg. 673 (N673) ng sistema ng lansangang bayan sa Pilipinas.