Estasyon ng 5th Avenue (LRT)

5th Avenue
5th Avenue
Sistema ng Light Rail Transit ng Maynila
	Estasyong 5th Avenue
Pangkalahatang Impormasyon
Lokasyon	242 Karugtong ng Abenida Rizal pgt. Ika-5 Abenida (Daang C-3), Grace Park East, Caloocan 1403
Pagmamayari ni/ng	Kagawaran ng Transportasyon (DOTr); Pangasiwaan ng Light Rail Transit (LRTA)
Linya	Unang Linya ng LRT
Plataporma	Mga plataporma sa gilid
Riles	2
Konstruksiyon
Uri ng estruktura	Nakaangat
Ibang impormasyon
Kodigo	5A
Kasaysayan
Nagbukas	Mayo 12, 1985
Serbisyo

Ang Estasyong 5th Avenue ng LRT, o Estasyong Ika-5 Abenida ng LRT, ay isang estasyon sa Manila LRT (LRT-1). Katulad ng mga iba pang estasyon ng LRT-1, nakaangat ang estasyong 5th Avenue. Matatagpuan ito sa Karugtong ng Abenida Rizal, Barangay Grace Park East, Caloocan. Ito'y nasa tabi ng 5th Avenue (Ika-5 Abenida) o C-3 Road, kung saan nagmula ang pangalan ng estasyon.

Nagsisilbi bilang pang-apat na estasyon ang estasyong 5th Avenue para sa mga treng LRT-1 na patungo sa Dr. Santos at pang-dalawamput-dalawang estasyon para sa mga treng patungo sa Fernando Poe Jr.. Isa rin ito sa dalawang nakompletong estasyon ng LRT na naglilingkod sa lungsod ng Caloocan, ang isa pang estasyon ay Monumento.

Mga kalapit na palatandaang pook

Kabilang sa mga kalapit na palatandaang pook nito ay Sementeryo ng La Loma, Thai To Taoist Temple Pagoda, Ung Siu Si Buddhist Temple, Northern Rizal Yorklin Chinese School at Philippine Cultural College (Annex).

Mga kawing pangpanlalakbay

Maaaring sumakay ang mga mananakay ng mga dyipni, bus, at taksi papuntang estasyong 5th Avenue.

Pagkakaayos ng Estasyon

L2 Mga plataporma	Platapormang pagilid, magbubukas ang mga pinto sa kanan
	Plataporma A	← Unang Linya ng LRT patungong Fernando Poe Jr.
	Plataporma B	→ Unang Linya ng LRT patungong Dr. Santos →
	Platapormang pagilid, magbubukas ang mga pinto sa kanan
L2	Lipumpon	Mga faregate, bilihan ng tiket, sentro ng estasyon, mga tindahan
L1	Daanan

14°37′50.31″N 120°58′53.03″E / 14.6306417°N 120.9813972°E / 14.6306417; 120.9813972