Halaga (agham pangkompyuter)

Sa agham pangkompyuter, ang isang halaga o value ay isang ekspresyon na hindi maaring i-evaluate pa (isang pangkaraniwang anyo o normal form). Ang mga miyembro ng isang type ay mga value ng type na iyon. Halimbawa, ang ekspresyon na 1 + 2 ay hindi isang halaga dahil maari pang mapababa bilang ekspresyon na 3. Hindi na maaring mapababa pa ang ekspresyon na ito (at kasapi ito ng type na Nat o likas na bilang) at samakatuwid ay isang halaga o value.

Sa mga wikang pamprograma na declarative, kailangang referentially transparent ang mga value o halaga nito. Nangangahulugan ito na ang resultang halaga ay malaya sa lokasyon na kung saan ang isang (sub-)ekspresyon na kailangan upang tuusin ang halaga ay inimbak.