Imprimi potest

Ang imprimi potest (Latin sa "maaaring ilimbag") ay ang deklarasyon ng isang superyor mayor ng institusyong panrelihiyon ng Simbahang Katoliko na ang mga panunulat ng isang kasapi ng institusyon na may usapíng panrelihiyon at asal ay maaaring ipalimbag. Maaaring lamang ibigay ng superyor ang naturang deklarasyon kapag nagawaran na ng nihil obstat—isang deklarasyon ng walang pagtutol—ng mga sensurang inatasang sumuri sa mga panunulat. Ang huling pag-apruba ay maaaring iparaan sa imprimatur ("hayaang mailimbag") ng obispo ng may-akda o obispo ng limbagan kung saan ito ipalalathala.

Isang imprimi potest, nihil obstat at imprimatur (ni Richard Cushing) sa isang aklat na inilathala ng Random House noong 1953. Ang aklat na tinutukoy ay ang salin sa Ingles ni Louis J. Gallagher, S.J. ng De Christiana expeditione apud Sinas ni Matteo Ricci, S.J. at Nicolas Trigault, S.J.

Tignan din

• Index Librorum Prohibitorum