Respeto

Para sa ibang kahulugan ng galang, tingnan ang Galang.

Ang respeto, galang, dangan o paggalang (Ingles: respect, esteem o honor), ay isang positibong pakiramdam o mapitagang gawi na ipinapakita sa isang tao o isang bagay na itinuturing na mahalaga o hinahangaan. Isa itong pakiramdam ng malalim na paghanga para sa isang tao o isang bagay buhat ng kanilang mga kakayahan, katangian, o mga nagawa. Ito ay proseso rin ng pagkilala sa isang tao sa pamamagitan ng pagpapakita ng kalinga, malasakit, o konsiderasyon alang sa kanilang mga pangangailangan o damdamin.

Isang karatula na nagsasaad ng "katahimikan at respeto" sa Arlington National Cemetery

Sa maraming kultura, binibigyan ng natatanging dangan, respeto o galang ang mga taong may napatunayang nararapat o sinasang-ayunan. Ang mga ilang tao ay maaaring magkaroon ng espesyal na respeto o dangan sa pamamagitan ng kanilang mga huwarang aksyon o tungkulin sa lipunan. Sa tinatawag na "honor cultures" o "mga kultura ng karangalan", ang respeto ay mas madalas na nakukuha sa ganitong paraan kaysa ibinibigay bilang default o sadya.

Tingnan din

• Karangalan (dangal)
• Paghanga (admirasyon)
• Etiketa
• Pagkamagalang
• Kortesiya
• Lapastangang Pananalita sa Tagalog
• Lapastangang Pananalita