Ang kapeng dalgona (Koreano: 달고나커피) ay isang inuming gawa sa pamamagitan ng pagbabati ng pantay na sukat ng pulbos ng madaliang kape, asukal, at mainit na tubig hanggang sa maging makrema ito at pagkatapos ay idinaragdag ito sa malamig o mainit na gatas.[2] Paminsan-minsan, nilalagyan ito ng kapeng pulbos, kakaw, durog na biskuwit, o pulot.[3] Pinasikat ito sa social media noong pandemya ng COVID-19, noong ang mga taong umiiwas sa paglalabas ay nagsimulang gumawa ng mga bidyo ng pagbabati ng kape sa bahay, sa pamamagitan ng kamay nang hindi gumagamit ng mga de-kuryenteng panghalo.[4] Nagmula ang pangalan sa dalgona, isang Koreanong konpeksyon, dahil sa pagkakahawig niya sa lasa at hitsura, kahit na karaniwang wala talagang dalgona ang kapeng dalgona.

Kapeng dalgona
Dalgona coffee.jpg
Kapeng dalgona na gawang-bahay
UriKape
Bansang pinagmulanTimog Korea, Indiya[1]
Ipinakilala2020
LasaDalgona
KasangkapanKape, asukal, tubig at gatas

KasaysayanBaguhin

Unang nauso ang pagbabahagi ng mga resipi at larawan ng kapeng sariling-gawa (do-it-yourself o DIY) noong iniutos ang panlipunang pagdidistansiya sa Timog Korea, at sa kadahilanang ito ay tinawag na 'quarantine drink' (inuming pangkuwarentena) o 'quarantine coffee' (kapeng pangkuwarentena).[4][5] Inuukol ang paglikha ng pangalan kay Jung Il-woo, isang Timog Koreanong aktor, na bumili ng binating kape sa isang kainan sa Macau noong lumitaw siya sa Stars 'Top Recipe sa Fun-Staurant (신상출시 편스토랑), isang palabas sa telebisyon. Inihalintulad niya ang lasa sa dalgona, isang uri ng Koreanong honeycomb toffee.[6][7]

Sa ilalim ng hashtag #dalgonacoffeechallenge, nagsimulang kumalat ang mga gawang-bahay na bersyon ng kapeng dalgona sa mga Timog Koreanong YouTube channel bago mag-viral sa TikTok.[8][9] Ipinapalagay na tumaas ang interes dito noong panahon ng kuwarentena dahil sa mga napapakalmang, mala-ASMR epekto ng pagnood sa mga bidyong DIY online.[10][11] Bagaman pinasikat ang inumin bilang gawang-bahay na bersyon ng binating kape, unti-unting dumadami ang nagbebenta nito sa mga kapihan sa Timog Korea.[12]

Sinasabing magkakahawig din ang inumin sa Indyanong inumin na kilala bilang kapeng phenti hui, kapeng phitti hui, o binating kape.[13][14] Ang pagkakaiba lamang ay kapag gumawa ng kapeng phenti hui, ibinubuhos ang gatas sa ibabaw ng binating halo sa halip na ikutsara ang binating halo sa ibabaw ng gatas.

Habang kadalasang hindi talaga naglalaman ng dalgona ang kapeng dalgona, pinagsasama ng isang Timog Koreanong kapihan ang dalgona at milk tea o kape.[15] Hindi posibleng ipang-dalgona ang giniling na buto ng kape; nakalilikha ang madaliang kape ng makapal at mabulang pang-ibabaw, at may kinalaman ang dahilan sa paraan ng pagpapatuyo ng mga butil-butil ng kape.[16]

Tingnan dinBaguhin

TalasanggunianBaguhin

  1. "Why S. Korea's Dalgona coffee trend should remind India of its food-diplomacy potential". ThePrint. Nakuha noong 2020-04-07.
  2. "Dalgona coffee". Nakuha noong 2020-04-07.
  3. Baes, Patricia (27 March 2020). "What is dalgona coffee & why is it on everyone's instagram now?". MSN. Nakuha noong 4 April 2020. The drink itself has origins from Rajasthan(India) where it is also known as whipped coffee or beaten coffee
  4. 4.0 4.1 "S Korea's Dalgona coffee is the new quarantine fad - Times of India". The Times of India (sa Ingles). Nakuha noong 2020-04-14.
  5. Singer, Jenny. "Dalgona Coffee Is the Internet's Favorite, Fluffiest Quarantine Drink. Here's How to Make It". Glamour (sa Ingles). Nakuha noong 2020-04-14.
  6. "400번을 저어 만든★수타 달고나 커피! 일우 눈이 번쩍! [신상출시 편스토랑/Stars Top Recipe at Fun-Staurant] 20200103". Youtube. 3 January 2020.
  7. Navarra, Ruth L. (22 March 2020). "How to make the South Korean trend Dalgona Coffee". Philippine Daily Inquirer. Nakuha noong 1 April 2020. The trend is credited to actor Jung Il-woo after appearing on the show “Pyunstorang.” He went to Macau where he was served with a handmade drink. Jung said it was delicious and reminded him of dalgona candy. He called it Macau Dalgona coffee.
  8. Frishberg, Hannah (26 March 2020). "How to make whipped Dalgona coffee, TikTok's latest viral trend". New York Post (sa Ingles). Nakuha noong 30 March 2020. The craze started percolating in late January, according to Google Trends, then gained traction near the end of February when a Korean YouTuber posted a now viral, ASMR-style video of how to make the creamy drink.
  9. "Dalgona coffee: does the internet's new favourite drink actually work?". BBC Food (sa Ingles). Nakuha noong 30 March 2020. That’s why, over the last few days, people have been sharing their attempts (especially on TikTok) at making Dalgona coffee.
  10. Makalintal, Bettina (2020-03-20). "People All Over the World Are Making Frothy 'Dalgona' Coffee, Thanks to Quarantine". Vice (sa Ingles). Nakuha noong 2020-04-04.
  11. Haasch, Palmer (3 April 2020). "Dalgona coffee is the whipped coffee drink that's everywhere on TikTok". Insider (sa Ingles). Nakuha noong 2020-04-06.
  12. Vreeland, Vaughn (2020-04-14). "How to Make Whipped Coffee". The New York Times (sa Ingles). ISSN 0362-4331. Nakuha noong 2020-04-14.
  13. Gupta, Arunima (2020-04-05). "Why S. Korea's Dalgona coffee trend should remind India of its food-diplomacy potential". ThePrint (sa Ingles). Nakuha noong 2020-04-14.
  14. Makalintal, Bettina (2020-04-15). "A Dive Into the Disputed History of 'Dalgona Coffee'". Vice (sa Ingles). Nakuha noong 2020-04-19.
  15. "띵~ 할만큼 달아서… 코로나 두통이 날아가네". news.chosun.com (sa Koreano). 2020-03-10. Nakuha noong 2020-04-04.
  16. "Dalgona Coffee: The Latest Instant Coffee Trend From South Korea". Waka Coffee (sa Ingles). Nakuha noong 2020-04-07.