Buksan ang pangunahing menu

Ang pangangatwiran (Ingles: justification[1]) ay isang uri ng pagpapahayag na ang pangunahing layunin ay magpatunay ng katotohanan at pinaniniwalaan at ipatanggap ang katotohanang iyon sa nakikinig o bumabasa. Ang isang nangangatwiran ay dapat magtaglay ng sapat na kaalaman tungkol sa paksang pinangangatwiran. Kailangang ang katwiran ay nakabatay sa katotohanan upang ito ay makahikayat at makaakit nang hindi namimilit.

Isaalang-alangBaguhin

Sa isang mabisang pangangatwiran, mahalagang isaalang-alang ang mga sumusunod:

  • Malalim na kaalaman at pagkaunawa sa paksang ipagmamatuwid
  • Dapat maging maliwanag at tiyak ang pagmamatuwid
  • May sapat na katwiran at katibayang pakapagpapatunay sa pagmamatuwid
  • Dapat ay may kaugnayan sa paksa ang katibayan at katwiran upang makapanghikayat
  • Pairalin ang pagsasaalang-alang, katarungan at bukas na kaisipan sa pagpapahayag ng kaalamang ilalahad.

PakikipagdebateBaguhin

Isang paraan upang maipakita ang kasanayan sa pangangatwiran ay sa pamamagitan ng pakikipagdebate. Ito ay binubuo ng pagtatalo ng dalawang koponan o pangkat na nagbibigay-katwiran sa isang proposisyon o paksang napagkasunduan nilang pagtalunan. Kadalasan, binibigkas ang pagtatalo subalit mayroon din namang pasulat.

Mga Hakbang sa Paghahanda sa PakikipagdebateBaguhin

Pangangalap ng DatosBaguhin

Ito ang mga katotohanang gagamitin sa pagmamatuwid at kinukuha ang mga ito sa napapanahong aklat, sanggunian, magasin at pahayagan. Dalawang sanggunian ang karaniwang pinagkukunan ng mga datos: ang sariling karanasan at ang pagmamasid ng ibang awtoridad sa paksa. Maituturing na awtoridad ang isang tao kung siya ay dalubhasa o kilala sa kanyang larangan.

DagliBaguhin

Ito ang balangkas ng inihandang mga katwiran. Sa ibang salita, ito'y pinaikling pakikipagdebate. Mayroon itong simula, katawan at wakas.

  1. Simula - inihahayag ang paksang pagtatalunan at ang kahalagahan nito sa kasalukuyan. Ginagawa rin dito ang pagbibigay-katuturan sa mga termino at pagpapahayag sa isyu.
  2. Katawan - inilalahad ang mga isyung dapat na sagutin. Bawat isyu ay binubuo ng mga patunay, mga katibayan o mga katwirang magpapatotoo sa manig na ipinagtatanggol.
  3. Wakas - ang buod ng isyungbinigyang-patunay

PagtatanongBaguhin

Bahagi ng pagdedebate ang pagtatanong. Narito ang ilang paalala sa pagtatanong sa debate.

  • Magtanong lamang ng mga tanong na ang sagot ay oo o hindi.
  • Huwag payagang magtanong ang kalaban kung ikaw ay nagtatanong. Maaaksaya ang iyong oras ng pagtatanong.
  • Kung lumalabag sa alituntunin ng pagtatanong ang isa sa kanila, dapat ipaalam sa tagapangasiwa ng pagdedebate.

PanunuligsaBaguhin

May panunuligsa (rebuttal) din sa debate. Narito ang mga dapat tandaan sa panunuligsa.

  • Ilahad ang mga mali sa katwiran ng kalaban.
  • Ipaalam ang walang katotohanang sinabi ng kalaban.
  • Ipaliwanag ang kahinaan ng katibayan ng kalaban.
  • Ipaalam kung labas sa buod ang katwiran o katibayan ng kalaban.
  • Magtapos sa pagbubuod ng sariling katwiran at katibayan.

Tingnan dinBaguhin

Mga SanggunianBaguhin

Mga SipiBaguhin

  1. Gaboy, Luciano L. Justification, justify - Gabby's Dictionary: Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.

Mga PinagkukunanBaguhin

  • Pinagyamang Pluma 9, by Ailene G. Baisa-Julian, Mary Grace G. del Rosario, Nestor S. Lontoc ISBN 978-971-06-3652-5, pp. 82-83


  Ang lathalaing ito ay isang usbong. Makatutulong ka sa Wikipedia sa pagpapalawig nito.