Kilusang Kasarinlan ng Hong Kong

Ang Kilusang Kasarinlan ng Hong Kong (Tsino: 香港獨立運動) ay isang kilusang naglalayong maging isang estadong soberano ang Hong Kong. Kasunod ng paglipat ng soberaniya ng Hong Kong sa Pangmadlang Republika ng Tsina, marami sa mga taga Hong Kong ang nagpahayag ng kanilang pagkabahala at mga huna-huna ukol sa pamumuno ng Partidong Komunista ng Tsina tungkol sa mga suliraning mayroong kaugnayan sa katarungan, kalayaan, demokratikong pag-unlad, at maging ang matiwasay na paglago ng ekonomiyang pagkapaligiran matapos maging Espesyal na Administratibong Rehiyon ng Pangmadlang Republika ng Tsina. Nais din ng iba sa kanila na maging soberanong lungsod-estado ang Hong Kong katulad ng Singgapur, na dati ring koronang kolonyal ng Imperyong Britaniko. Ayon sa engkwesta (poll) ng HKPOP noong 2007, 25% sa mga taga Hong Kong ang mga namili ng nagsasariling Hong Kong sa halip na pamunuan ng Pangmadlang Republika ng Tsina, isang pagtaas mula sa 22% noong 2005, habang ang 64.7% ng mga nakapanayam ay salungat sa pagsasarili. 33% ng mga nakapanayam ang nagsabi na pipiliin nila ang kasarinlan kung patuloy pa ring mamumuno ang partidong komunista ng Tsina sa taóng 2047, kapag natapos na ang Pinagsamang Deklarasyong Sino-Britaniko, ngunit pinahayag na pipiliin nilang maging bahagi ng bansa kung ang Komunistang Partido ay magkakaroon ng reporma para sa buong demokrasya na may panglahatang suprahiyo (paghahalal).

Ang watawat na pang-kolonyal ng Hong Kong (kasama ang mga junks sa eskudo sa watawat na dilaw, sa halip na kulay na kape/korinto, bilang maling paglalarawang malawakang kumakalat online, katulad ng nakalarawan sa itaas) ay bahagyang kinikilala bilang sagisag ng kilusang pang-kasarinlan.

Watawat na pang-kasarinlan ng Hong Kong na idinisenyo ng mga aktibista batay sa eskudong pang-kolonyal na mayroong karagdagan ng mga titik na "香港" ("Hong Kong" sa Tsino) sa mismong eskudo.

Isa pang watawat na pang-kasarinlan ng Hong Kong. Batay ito sa logo n Konsehong Panlunsod na noo'y binuwag.

Sanggunian

• Associated Press, 15 November 2004 Naka-arkibo 11 March 2007 sa Wayback Machine.
• Associated Press, 16 November 2004

Kawing panlabas

• Hong Konger Front

Ang lathalaing ito ay isang usbong. Makatutulong ka sa Wikipedia sa pagpapalawig nito.