Laban ng Demokratikong Pilipino

Ang Laban ng Demokratikong Pilipino ay isang partidong pampolitika sa Pilipinas na itinatag noong taong 1988. Ang kasalukuyang pinuno ng partido ay si Senador Juan Edgardo Angara.

Laban ng Demokratikong Pilipino
PinunoBellaflor Angara-Castillo
TagapanguloSonny Angara
Punong-KalihimArthur Angara
ItinatagSetyembre 16, 1988
Humiwalay saPDP–Laban
Punong-tanggapan3-B Osmena Bldg., 1991 A. Mabini St., Malate, Manila
PalakuruanFiscal conservatism
Liberal conservatism
Big tent
Posisyong pampolitikaCentre to Centre-right
Kasapaing pandaigdigCentrist Democrat International
Opisyal na kulay          Asul at Dilaw
Website
www.edangara.com

Sa kalagitnaan ng dekada '80, naging kasapi ang Partido ng Demokratikong Pilipino (PDP), at ang partidong Lakas ng Bansa sa koalisyong UNIDO na sumusuporta sa kandidatura ni Corazon Aquino bilang Pangulo at Salvador Laurel bilang Pangalawang Pangulo sa Snap Election noong Pebrero 1986. Noong taong 1986, nagsanib ang PDP at Lakas ng Bayan (LABAN), at nabuo ang PDP-LABAN.

Noong Halalan 1987, ang UNIDO (bilang Lakas ng Bayan) ay naging dominant party sa parehong kapulungan ng Kongreso, at naihalal nila si Ramon Mitra bilang Ispiker ng mababang kapulungan. Hindi nagtagal at nabuwag ang UNIDO. Noong 1988, nahati ang PDP-LABAN sa dalawang paksiyon: ang paksiyon na pinamumunuan ni Aquilino Pimentel, Jr., at ang paksiyon ni Jose "Peping" Cojuangco. Nabuo ang LDP mula sa pagsasanib ng dalawang partido: ang paksiyon ni Cojuangco (ng PDP-LABAN), at ang Lakas ng Bansa ni Ramon Mitra noong 1988.

Noong 1994, nagsanib puwersa ang LDP sa partido Lakas upang bumuo ng alyansa o koalisyon para sa Halalan ng sumunod na taon, at nakakuha sila ng mayorya sa parehong kapulungan ng Kongreso.

Sinuportahan ng LDP ang pagtakbo ni Joseph Estrada bilang Pangulo, at nakipag-alyansa sa dalawa pang partido at itinawag itong Laban ng Makabayang Masang Pilipino.


Pilipinas Ang lathalaing ito na tungkol sa Pilipinas ay isang usbong. Makatutulong ka sa Wikipedia sa pagpapalawig nito.