Jose C. Abriol: Pagkakaiba sa mga binago

Si '''Jose C. Abriol'''<ref name=MCathedral/> ([[Pebrero 4]], [[1918]] - [[Hulyo]] [[2003]]) ay isang paring monsenyor ng [[Simbahang Katoliko]] sa [[Pilipinas]]. Isa rin siyang tagapagsalinwika ng Bibliya patungong [[wikang Filipino]]. Naging ganap siyang miyembro ng kaparian noong Mayo 14, 1942. Isa rin siyang rektor ng [[Katedral ng Maynila]] mula 1962 magpahanggang 1975. Kasabay ito ng pagkakatalaga sa kaniya bilang ''chancellor'' ng [[Arsodiyosesis ng Maynila]]. May dalubhasang kaalaman at kakayahan siya sa may walong mga wika: [[wikang Kastila]], [[wikang Latin|Latin]], [[wikang Griyego|Griyego]], [[wikang Hebreo|Hebreo]], [[wikang Italyano|Italyano]], [[wikang Ingles|Ingles]], at [[wikang Filipino|Filipino]]. Animnapung taon siyang naglingkod bilang isang pari. Noong Pebrero 2003, pinarangalan siya ng Pandaigdigang Lundayang Pangtalambuhay (Internasyunal na Sentrong Biyograpiko, o ''International Biographical Centre'', IBC) ng Inglatera bilang isa sa dalawang libong mga Bukodtanging Intelektuwal ng ika-21 Daantaon (''2000 Outstanding Intellectual of the 21st Century). Siya ang kauna-unahang at nag-iisang Pilipinong nagkamit ng ganitong uri ng pagkilala. Sumakabilang buhay siya noong 2003 sa edad na 85.<ref name=MCathedral>[http://www.manilacathedral.org/rectors/abriol.htm Msgr. Jose C. Abriol (1962-1975)], Basilika Menor ng Imakulada Konsepsyon, Metropolitanong Katedral ng Maynila, ManilaCathedral.org</ref>

Kaugnay ng kaniyang gawain sa pagpapakalat ng Katolisismo sa Pilipinas, sumulat at nagsalinwika siya sa [[wikang Filipino]] ([[wikang Tagalog]]) ng dadaaning mga aklat at mga [[nobena]]. Kabilang sa mga ito ang unang salin ng kabuoan ng mga aklat ng [[Bibliya]]ng [[Katoliko Romano]], ang [[Katekismo]] ng Simbahang Katoliko, ang Ordenaryo ng Misal ng Ikalawang Batikano, ang Sakramentaryo, at ang Leksyonaryo. Habang naglilingkod bilang rektor ng Katedral ng Maynila, tuwiran niyang isinalin ang ''Ang Banal na Biblia'' mula sa orihinal na Hebreo at Griyego.<ref name=MCathedral/>

Bukod sa pagiging rektor ng Katedral ng Maynila at ''Chancellor'' ng Arsodiyosesis ng Maynila (1962-1975), dati rin siyang nanungkulan bilang [[kura paroko]] sa [[parokya]] ng San Miguel ang Arkanghel sa [[Jala-Jala, Rizal]] (1947-1951), kura paroko sa San Rafael, Balut, Tondo sa Maynila (1951-1962), at kura paroko ng Basilikang Menor (Mababang Basilika) ng Itim na [[Nazareno]] sa [[Quiapo, Maynila]] (1976-1993). Naging kasapi rin siya ng Komisyon g Arsodiyesis ng Maynila para sa Konserbasyon (Pagpapanatili at Pangangalaga) ng Patrimonya ng Sining at Kasaysayan ng Simbahan (''Manila Archdiocesan Commission for the Conservation of the Patrimony of the Art and History of the Church'') mula 1993 hanggang 1999. Naging Bikaryong Panlahat o Bikaryo Heneral rin siya ng Arsodiyosesis ng Maynila mula 1965 hanggang Hulyo 2003.<ref name=MCathedral/>

Sa Pilipinas, tumanggap si Abriol ng Gawad Bukas Palad (''Bukas Palad Award'') noong 1999 mula sa [[Pamantasan ng Ateneo ng Maynila]], ng Gawad Bukodtanging Manilenyo noong 2000 (''Outstanding Manilan Award'') mula sa sa [[Lungsod ng Maynila]], at ng Gawad Pagkilala noong 2000 mula sa [[Komisyon ng Wikang Filipino]] (dating ''National Language Institute'').<ref name=MCathedral/>

Bukod sa pagtanaw kay Abriol ng IBC - isang pangunahing tagapaglathala ng mga akdang pangtalambuhay at mga tala, katulad ng ''Dictionary of International Biography'' (Talahuluganan ng Pandaigdaigang Talambuhay) at ''Who's Who in the Pacific Nations'' (Sino ang Sino sa mga Bansang Pasipiko) bilang isang Bukodtanging Intelektuwal noong 2003, naparangalan rin siya bilang isa sa mga dalawang libong Bukodtanging Siyentipiko ng ika-21 Daantaon (''2000 Outstanding Scientists of the 21st Century'') at bilang isa sa dalawang libong Bukodtanging Iskolar ng ika-21 Daantaon (''2000 Outstanding Scholars of the 21st Century''). Nakatala na sa kasalukuyan ang pangalan at talambuhay ni Abriol sa edisyon na pangtaong 2003 ng lathalaing ''2000 Outstanding Intellectuals of the 21 st21st Century''.<ref name=MCathedral/>

Kabilang sa mga akda ni Abriol ang mga sumusunod:<ref name=Paulines>[http://www.paulines.ph/products/bookscat_scriptures.htm "Msgr. Jose C. Abriol" (tagapagsalin ng "Banal na Biblia, Ang")], Paulines.ph.</ref>

:*''Ang Banal na Biblia'' (tagapagsalin, 2000)<ref name=MCathedral/>