Sauna: Pagkakaiba sa mga binago

Ang salitang ''sauna'' ay isang sinaunang salitang [[wikang Pinlandes|Pinlandes]] (wikang ''Finnish'' sa Ingles) na tumutukoy sa tradisyunal na paliguang Pinlandes pati na rin sa talagang bahay-paliguan mismo. Ang [[proto-wika|proto-Piniko]]ng [[rekonstruksiyong lingguwistiko|rekonstruksiyon]] o muling pagbubuo ay *''savńa''. Mayroon itong mga katumbas na pang-etimolohiya sa mga [[wikang Finiko]] (''Finnic'') katulad ng [[wikang Ingriano|Ingriano]] at [[Votic]] na salitang ''sauna'', [[wikang Estoniano|Estonyano]]ng ''saun'', at [[wikang Livoniano|Livoniano]]ng ''sōna''. Ang salitang ''suovdnji'' sa [[wikang Sami|Sámi]] ay may kahulugang hukay na hinukay mula sa niyebe, katulad ng isang butas para sa isang ''[[Lagopus lagopus]]'' (isang [[manok gubat]] na nakilala sa Ingles bilang ''[[Willow Grouse]]'' o ''[[Willow Ptarmigan]]''). Sa wikang Baltiko-Pinlandes, ang ''sauna'' ay hindi kailangan na talagang mangahulugan bilang isang gusali o espasyong itinayo para sa pagligo. Maaari rin itong mangahulugang isang maliit na kabina o kamarote o kaya isang dampa (''cottage'' sa Ingles), katulad ng salong o kubo ng isang mangingisda.<<ref name="Hakkinen">Häkkinen, Kaisa (2004): ''Nykysuomen etymologinen sanakirja''. WSOY: Helsinki. pp. 1131–1132</ref> Sa mga bansang [[Rusopono]] o nagsasalita ng [[wikang Ruso]], laganap ding ginagamit ang salitang "Banya" (Ruso: Баня) kapag tinutukoy ang isang publikong paliguan.