Seksuwalidad ng tao: Pagkakaiba sa mga binago

Ang '''seksuwalidad na pantao''' o '''seksuwalidad ng tao''' ay ang paraan ng isang tao kung paano siya naaakit sa iba pang mga tao. Ang maaari nilang maramdaman ay maaaring [[heteroseksuwal]] (naaakit sa katapat o kasalungat na [[kasarian]]), [[homoseksuwal]] (naaakit sa kaparehong kasarian), o kaya [[biseksuwal]] (naaakit sa kapwa mga kasarian). Ito ang kakayahan ng mga tao na magkaroon ng mga karanasan at mga pagtugong [[erotiko]].<ref>[http://www.definition-of.com/human%20sexuality ''Human sexuality'']</ref> Maaari rin itong tumukoy sa paraan ng pagkaakit ng isang tao sa iba pang tao, na bukod sa pagkaakit sa may katulad na kasarian o sa dalawang kasarian, ay maaari ring sa lahat ng mga [[katauhang pangkasarian]] ([[panseksuwalidad]]), o kaya ay hindi maakit kaninuman sa paraang seksuwal ([[aseksuwalidad]]).<ref>University of California, Santa Barbara's SexInfo</ref> Ang seksuwalidad ng tao ay nakakaapekto sa pangkalinangan, pampulitika, pambatas, at pampilosopiyang mga aspeto ng buhay. Maaari itong tumukoy sa mga paksa ng [[moralidad]], [[etika]], [[teolohiya]], [[espirituwalidad]], o [[pananampalataya]]. Subalit, hindi ito tuwirang nakatali sa [[kasarian]].

 

Ang hangarin o pagkakaroon ng hilig sa [[gawaing seksuwal]] ng tao ay tumataas kapag umabot na ang isang indibidwal sa panahon ng [[kabagungtauhan]].<ref>Carlson, Neil R. at C. Donald Heth. "Psychology: the Science of Behaviour." ika-4 na edisyon. Toronto: Pearson Canada Inc., 2007. 684.</ref> Mayroong mga mananaliksik na naghihinala na ang kaasalang seksuwal ay mapag-aalaman sa pamamagitan ng larangan ng [[henetika]], ngunit mayroon din namang iba na ipinipilit na ito ay hinuhubog ng kapaligiran.<ref>Michael Jones Nature vs. Nurture Debates Over Sexuality (Change.org News) http://news.change.org/stories/nature-vs-nurture-debates-over-sexuality</ref> Ito ang tinatawag na pagtatalo hinggil sa "kalikasan laban sa pag-aaruga" o ''[[nature versus nurture]]'', kung saan sa pariralang ito ang "kalikasan" ay ang mga katangian sa pag-uugali na sanhi ng likas, katutubo, o talagang mga katangian ng isang tao katulad ng mga [[instinto]] at mga [[motibasyon]] o "[[drive (sikolohiya)|tulak]]" ng damdamin at isipan upang makamit ang satispaksiyon o kabusugan ng pangangailangan. Samantala, ang diwa ng pag-aaruga ay maaaring bigyan ng kahulugan bilang mga bagay-bagay na pankapaligiran o [[estimulo]]ng panlabas na nakakaimpluwensiya sa ugali, mga damdamin, at pag-iisip ng isang tao.<ref>Sophiemonster Human Sexuality and the Nature vs Nurture debate (Sex and Science) http://sexandscience.org/blog/?p=292</ref> Kabilang sa mga pagkakaibang pambiyolohiya at pisikal ang umiikot o umuulit na panahunan ng pagtugon ng lalaki at ng babaeng tao sa seksuwalidad na kaugnay sa kanilang pagiging tao.<ref name="ReferenceA">“Human Sexuality Today” by Bruce M. King (ISBN# 978-0-13-604245-7)</ref>

 

Ang mga teoriyang nakatuon sa [[seksuwalidad]], katulad ng kay [[Sigmund Freud]] at ng kay [[Carl Jung]], ay mahalaga sa pag-unawa ng seksuwalidad. Ang mga ebolusyonaryong pananaw hinggil sa [[pagtatambalan]] ng tao, kasama ang [[teoriya ng mga estratehiyang seksuwal]], ay nagbibigay rin ng pananaw ukol sa seksuwalidad,<ref>“Sexual Strategies Theory: An Evolutionary Perspective on Human Mating” nina David M. Buss at David P. Schmitt</ref> pati na ang [[social learning theory|teoriya ng pagkatuto sa pakikipagkapwa]].<ref>''“Using social learning theory to explain individual differences in human sexuality - The Use of Theory in Research and Scholarship on Sexuality”'' nina Matthew Hogben at Donn Dyrne http://findarticles.com/p/articles/mi_m2372/is_n1_v35/ai_20746724/pg_12/?tag=content;col1</ref> Kabilang sa mga aspetong sosyo-kultural (panlipunan at pangkalinangan) ng seksuwalidad ang mga kaunlarang pangkasaysayan at mga paniniwalang pampananampalataya, kabilang na ang mga pananaw na [[pang-Hudyo]] ukol sa kasarapang seksuwal sa loob ng kasal at ang mga pananaw na [[pang-Kristiyano]] hinggil sa pag-iwas sa mga kasarapang seksuwal.<ref name="ReferenceA"/> Ang pag-aaral ng seksuwalidad ay kinabibilangan ng mga impeksiyon at mga [[sakit na nakukuha mula sa pakikipagtalik]] at mga pamamaraan ng [[pagpigil sa pag-aanak]].