Night Owl: A Nationbuilder's Manual

Tungkol sa the 2021 memoir ni Anna Mae Yu Lamentillo ang artikulo na ito. Para sa other uses of the term, tingnan ang Night Owl (disambiguation).

Ang Night Owl: A Nationbuilder’s Manual ay isang talang-gunita na isinulat ni dating Build Build Build Committee Chairperson Anna Mae Yu Lamentillo, na nagbibigay ng komprehensibong pagsiyasat ng patakaran sa imprastraktura ng Pilipinas sa ilalim ng Build Build Build program ni dating Pangulong Rodrigo Duterte. In-edit ni Manila Bulletin Lifestyle Editor AA Patawaran, at inilathala noong Disyembre 10, 2021 ng Manila Bulletin Publishing Corporation, ang aklat ay maaring makuha ng hardbound, paperback, eBook, at audio version.

Night Owl

Book Cover
Patnugot	AA Patawaran
May-akda	Anna Mae Yu Lamentillo
Ilustrasyon	Isabella Concepcion, Christian John Santos
Gumawa ng pabalat	Jethro Razo
Bansa	Philippines
Wika	English
Serye	A Nationbuilder's Memoir
Paksa	Autobiography Political memoir
Tagapaglathala	Manila Bulletin
Petsa ng paglathala	December 10, 2021
Uri ng midya	Print
Mga pahina	380
ISBN	9789719488088 hardcover
OCLC	1333930441
Dewey Decimal	352.7709599
Klasipikasyon ng Aklatan ng Kongreso	HC460.C3 L36 2021
Websayt	nightowl.ph

Inilatag sa libro ang mahahalagang impormasyon tungkol sa tinutukoy ng administrasyong Duterte bilang Golden Age of Infrastructure ng Pilipinas, kabilang ang mga pangunahing proyekto nito tulad ng EDSA Decongestion Program , Luzon Spine Expressway Project , Mega Bridge Masterplan, Metro Manila Logistics Network, at ang Mindanao Road Development Network .

Kasama sa ikalawang edisyon ng aklat ang bagong kabanata tungkol sa isinusulong na Build Better More ng administrasyon ni Pangulong Ferdinand “Bongbong” R. Marcos Jr.

Kasaysayan

Ang Night Owl: A Nationbuilder’s Manual ay ang unang libro ni Anna Mae Yu Lamentillo, isang opisyal ng gobyerno na nagsilbing tagapangulo ng Build Build Build Committee at tagapagsalita ng Department of Public Works and Highways (DPWH), sa pamumuno ng dating DPWH Secretary at ngayon ay Senador Mark Villar.

Idinetalye ni Lamentillo sa librong ito ang programang Build Build Build mula sa pagsisimula nito noong 2016 hanggang sa mga natapos nito noong 2021 nang magbitiw si Villar sa DPWH para tumakbong senador.

Ibinahagi niya ang kaniyang personal na kaalaman tungkol sa programa, kabilang na ang mga pinagdaanang hamon, tulad ng pandemya ng COVID-19 na pansamantalang nagpahinto sa pagtatayo ng mga proyekto at nag-urong ng mga timeline, ngunit ang muling pagpapatuloy nito ay sinasabing pangunahing tumulong sa pagbawi ng ekonomiya ng Pilipinas. Sinubukan din niyang pabulaanan ang mga pahayag ng mga kritiko ng programa.

Nagsilbi rin si Lamentillo bilang Undersecretary for Foreign Relations and Public Affairs ng Department of Information and Communications Technology (DICT). Sa ikalawang edisyon ng libro, isinama niya ang isang kabanata sa digital infrastructure strategy ng administrasyong Marcos Jr.

Ang pamagat ng libro ay kinuha sa pangalan ng kaniyang dalawang beses sa isang linggo na column, ang Night Owl, sa seksiyong Opinyon ng Manila Bulletin, kung saan walong taon na siyang nagsusulat.

Nilalaman

Sa paglabas ng libro noong Disyembre 2021 , inilarawan ito ni Lamentillo bilang isang “pagpupugay sa lahat ng bumuo at nagplano sa tinaguriang Golden Age of Infrastructure ng Pilipinas, at para sa lahat ng 6.5 milyong manggagawang Pilipino na nagsagawa ng mga proyekto sa ilalim ng Build, Build, Build.”

Kabilang dito ang mga paunang salita mula kay dating Pangulong Duterte, dating Executive Secretary Salvador C. Medialdea, at Senador Mark Villar.

Unang Edisyon

Ang Night Owl: A Nationbuilder's Manual ay unang inilunsad noong Disyembre 2021 na may 11 kabanata at 366 na pahina.

Ikalawang Edisyon

Ang ikalawang edisyon ay nailathala noong 2022 ngunit opisyal na inilunsad noong Marso 2023 kasama ang Edisyong Filipino. Mayroon itong 12 na kabanata at 375 na pahina. Sa ika-12 na kabanata, isinalaysay ni Lamentillo kung paano siya bumalik sa serbisyo publiko sa pamamagitan ng DICT at ang pagtuloy ng administrasyong Marcos Jr. sa layunin ng Build Build Build sa pamamagitan ng Build Better More na kinabibilangan ng mga imprastraktura para sa digitalisasyon.

Buod

Isinulat ang aklat sa perspektibo ni Lamentillo bilang tagapangulo ng Build Build Build Committee. Madalas niyang banggitin ang 6.5 milyong Pilipino na mahalaga sa pagkumpleto ng lahat ng mga proyektong imprastraktura na itinayo sa pagitan ng 2016 at 2021—29,264 kilometro ng mga kalsada, 5,950 na mga tulay , 11,340 na mga estrukturang pangontrol sa baha, 222 na evacuation centers, 150,149 na mga silid-aralan, 214 na mga proyekto sa paliparan, at 451 proyektong daungan.

Ibinahagi rin niya sa libro ang kaniyang mga karanasan habang nasa programa bilang pagtatangka na magbigay ng mas mahusay na pag-unawa sa mga pinagdaanan ng karamihan sa mga proyekto bago ang pagsisimula ng konstruksiyon hanggang sa pagtatapos.

Mga Highlight

Book Cover Night Owl (Bisaya nga Edisyon)

EDSA Decongestion Program

Malawakang tinalakay sa libro ang EDSA Decongestion Program, isang planong lumikha ng mga alternatibong ruta kaugnay sa hangarin na maibsan ang trapiko sa kahabaan ng 90-taong gulang na highway na lumampas na sa maximum capacity nito na 288,000 na sasakyan kada araw. Binubuo ito ng 25 proyekto, kabilang ang mga kalsada at tulay tulad ng Metro Manila Skyway Stage 3, ang NLEX Harbour Link C3-R10 Section, ang Radial Road 10, ang Fort Bonifacio-Nichols Field Road, ang Estrella-Pantaleon Bridge, at ang Laguna Lake Highway.

Pag-uugnay sa Luzon, Visayas, at Mindanao sa pamamagitan ng paglalakbay sa lupa Sa tatlong kabanata ng libro, tinalakay ni Lamentillo ang mga nagawa ng Build Build Build sa bawat rehiyon ng Pilipinas. Ayon sa kanya, sa kauna-unahang pagkakataon ay pantay ang katayuan ng Luzon, Visayas, at Mindanao kung ang pag-uusapan ay ang pondo sa mga proyektong pang-imprastraktura.

Kabilang sa Build Build Build ang Mega Bridge Project na ang layunin ay tuluyang maiugnay ang tatlong pangunahing isla ng Luzon, Visayas, at Mindanao sa pamamagitan ng paglalakbay sa lupa. Kabilang sa mga proyektong ito ay ang Bataan-Cavite Interlink Bridge, ang Panglao-Tagbilaran City Offshore Connector Bridge, ang Guicam Bridge, ang Panay-Guimaras-Negros Island Bridge, ang Cebu-Mactan Bridge at Coastal Road Construction Project, ang Panguil Bay Bridge, at ang Samal Island-Davao City Connector Bridge.

Mga Reporma

Isinalaysay ni Lamentillo kung bakit kinailangang magsagawa ng mga bagong solusyon upang matugunan ang mga lumang problema na humahadlang sa kahusayan ng pagpapatupad ng proyekto.

Sinabi rin sa libro na ang mga ghost project ay nawala sa pamamagitan ng drone monitoring at satellite technology. Ang Infra-Track App ay nagbibigay sa DPWH ng real-time na mga update sa katayuan ng mga proyekto sa pamamagitan ng paglalagay ng mga larawang isinumite para sa pagsubaybay sa eksaktong geographic coordinate kung saan sila kinuha.

Ipinaliwanag ni Lamentillo sa aklat na ang problema sa pagkuha ng right-of-way (ROW), na kadalasang dahilan na nagpapatagal sa pagsisimula o pagkumpleto ng isang proyekto sa imprastraktura, ay natugunan sa pamamagitan ng paglikha ng mga Right-of-Way Task Force para sa bawat proyektong ipinapatupad, at ang desentralisasyon ng ROW acquisition function kaya ang mga panrehiyong opisina ay nagkaroon ng kapasidad dahil sa kanilang sariling right-of-way division.

Marawi siege

Nang matapos ang digmaan sa Marawi, kabilang ang DPWH sa mga ahensyang bumuo ng Task Force Bangon Marawi para magsagawa ng plano sa rehabilitasyon para sa lungsod na nawasak ng ilang buwan ng digmaan.

Sa libro ay nagbigay si Lamentillo ng estado ng konstruksyon ng mga proyektong pang-imprastraktura para sa rehabilitasyon ng Marawi.

COVID-19

Idinetalye ng aklat kung paano umano nakatulong ang Build Build Build na mabawasan ang epekto ng COVID-19 sa ekonomiya ng bansa sa pamamagitan ng patuloy na pampublikong pamumuhunan at paglikha ng mga trabaho.

Kabilang sa mga nagawa ng programa ay ang pagsasaayos ng mga kasalukuyang pasilidad upang maging COVID-19 isolation center at dormitoryo para sa mga kawani sa ospital, gayundin ang pagtatayo ng mga modular na ospital para sa mga pasyenteng may malubhang sintomas.

Paglalathala

Detalye ng paglabas

Ang Ingles na bersyon na Night Owl ay inilabas sa paperback, hardcover, eBook, at audio version. 
Inilathala ang libro ng Manila Bulletin Publishing Corporation noong Disyembre 10, 2021. .

• Paperback:
  • Lamentillo, Anna Mae (Disyembre 10, 2021). Night Owl: A Nationbuilder's Manual (sa wikang Ingles). Philippines: Manila Bulletin Publishing Corporation. ISBN 978-621-8392-03-8.{{cite book}}: CS1 maint: date auto-translated (link)

• Hardcover:
  • Lamentillo, Anna Mae (Disyembre 10, 2021). Night Owl: A Nationbuilder's Manual (sa wikang Ingles) (ika-1st (na) edisyon). Philippines: Manila Bulletin Publishing Corporation. ISBN 978-971-94880-8-8.{{cite book}}: CS1 maint: date auto-translated (link)
  • Lamentillo, Anna Mae (Disyembre 10, 2021). Night Owl: A Nationbuilder's Manual (sa wikang Ingles) (ika-2nd (na) edisyon). Philippines: Manila Bulletin Publishing Corporation. ISBN 978-621-96635-8-8.{{cite book}}: CS1 maint: date auto-translated (link)

• Mobi/Kindle:
  • Lamentillo, Anna Mae (Disyembre 10, 2021). Night Owl: A Nationbuilder's Manual (sa wikang Ingles) (ika-2nd (na) edisyon). Philippines: Manila Bulletin Publishing Corporation. ISBN 978-621-8392-02-1.{{cite book}}: CS1 maint: date auto-translated (link)

• PDF Downloadable:
  • Lamentillo, Anna Mae (Disyembre 10, 2021). Night Owl: A Nationbuilder's Manual (sa wikang Ingles) (ika-2nd (na) edisyon). Philippines: Manila Bulletin Publishing Corporation. ISBN 978-621-8392-04-5.{{cite book}}: CS1 maint: date auto-translated (link)

Mga Pagsasalin

Bukod sa Ingles, ang Night Owl: A Nationbuilder’s Manual ay naisalin na sa tatlong wika: Tagalog , Ilokano , at Bisaya . Inaasahang ilalabas ng Manila Bulletin ang edisyong isinalin sa Hiligaynon . sa 2024.

Wika	Titulo	Nagsalin	Tagapaglathala	Petra ng paglathala	Print	eBook
Tagalog	Night Owl	Richard De Leon	Manila Bulletin	November 17, 2020	ISBN 978-621-96635-7-1 (hardcover) ISBN 978-621-96635-9-5 (paperback)	ISBN 978-621-8392-06-9 (pdf downloadable) ISBN 978-621-8392-05-2 (mobi/kindle)
Ilokano	Night Owl	Cles B. Rambaud and Juan Al. Asuncion	Manila Bulletin	September 18, 2023	ISBN 978-621-8392-00-7 (hardcover) ISBN 978-621-8392-01-4 (paperback)	ISBN 978-621-8392-08-3 (pdf downloadable) ISBN 978-621-8392-07-6 (mobi/kindle)
Bisaya	Night Owl	Richel G. Dorotan	Manila Bulletin	September 18, 2023	ISBN 978-621-8392-09-0 (hardcover) ISBN 978-621-8392-11-3 (paperback)	ISBN 978-621-8392-12-0 (pdf downloadable) ISBN 978-621-8392-10-6 (mobi/kindle)