Pandaigdigang katubigan

Katubigang labas ng anumang hangganang pambansa

Ang taguring pandaigdigang katubigan ay tumutukoy sa mga sumusunod na anyong tubig na lumalampas sa pandaigdigang hangganan: karagatan, malalaking marine ecosystem, bahagya o ganap na napalilibutang mga rehiyonal na dagat at mga wawa, ilog, lawa, groundwater, at laitan.[1]

Mga lugar sa labas ng eksklusibong sonang pang-ekonomiya ay kulay maitim na bughaw.

Ang mga karagatan, dagat, at katubigang nasa labas ng hurisdiksiyon ng isang bansa ay tinatawag ding kalautan o sa Latin ay mare liberum (ibig sabihin ay malayang karagatan).

Nasa hurisdiksiyon ng bansang nakawatawat (kung mayroon man) ang mga sasakyang pandagat sa kalautan;[2] ngunit, kung sangkot ang isang sasakyang pandagat sa ilang gawaing kriminal, gaya ng pamimirata,[3] maaaring ipasailalim ito sa hurisdiksiyon ng alin mang bansa sa ilalim ng doktrinang universal jurisdiction. May kaibahan ang pandaigdigang katubigan sa katubigang panloob, katubigang teritoryal at eksklusibong sonang pang-ekonomiya.


Mga sanggunian baguhin

  1. International Waters Naka-arkibo 2009-01-27 sa Wayback Machine., United Nations Development Programme
  2. UNCLOS article 92(1)
  3. UNCLOS article 105