Sagisag

Ang sagisag ay isang bagay na nagrerepresenta, tumatayo o kaya naman ay nagpapahiwatig ng isang ideya, larawan, paniniwala, aksyon o kaya naman ng isang bagay. Kinukuha ng mga simbolo ang anyo nga mga larawan, at ginagamit upang magpahiwatig ng mga kaisipan at paniniwala. Halimbawa, ang pulang oktagon na sumisimbulo sa "STOP". Sa isang mapa, ang litrato ng isang tolda ay maaaring magrepresenta ng isang campsite. Ang mga numero ay simbulo ng mga bilang. Ang mga letrang Abakada ay sumisimbulo sa tunog o bigkas. Ang mga pangalang pansarili ay sumisimbulo sa pagkakaiba-iba ng bawat isa. Ang pulang rosas ay sumisimbulo sa pag-ibig at pakikiramay.

Ang pulang oktagon ay sumisimbulo sa "stop" kahit na walang salitang ginagamit.

Paul Tillich

Ikinakatwiran ni Paul Tillich na habang ang mga senyas ay iniimbento at kinakalimutan, ang mga simbulo ay ginagawa at nawawala. Sa gayon, may mga buhay at patay na mga sagisag. Ang isang buhay na sagisag ay maaaring magbunyag sa tao ng mga tagong antas ng kahulugan ng mga relihiyosong katotohanan o usapan. Sa palagay ni Tillich, ang sagisag ay palaging may mas malalim na kahulugan. Ang mga sagisag ay komplikado, at ang kanilang mga kahulugan ay maaaring magbago habang ang mga tao at ang kultura ay nagbabago. Kapag ang isang simbulo ay nawalan na ng kahulugan at diwa para sa tao o kultura, ito ay magiging isang patay na simbulo. 

Kapag ang isang sagisag ay inihalo na sa mas malalim na konsepto ng realidad, ito ay nagiging isang kaisipan na idolatrous dahil ang simbulo ay isinabuhay na. Ang sagisag mismo ang pinapalit para sa mas malalim na kahulugang nais nitong ipakita.