Canismajor

Isa lamang akong Filipinong na naniniwalang uusbong ang wika hangga't lagi itong ginagamit sa iba't ibang konteksto -- kahit kung saan hindi tayo sanay. Kung lagi natin itong ginagamit, masasanay din tayo.

Mga Aking Palagay

Hindi ako naniniwalang namamatay na ang Filipino. Hangga't mayroong gumagamit nito, hindi ito mamamatay. Subalit, hindi nga lang ito ginagamit nang madalas. Hindi ko matatanggap kahit ang ganoong sitwasyon. Sa mundo kung saan bumabagsak na ang mga dingding ng kultura, ito ang panahon kung kailan mainam ikalat ang paggamit ng Filipino. Kung ano ang umabot sa Internet, lagi na itong mananatili.

Hindi masamang tingnan ang mga ugat. Ngunit, kung hindi tayo lalampas sa ating mga ugat, hindi tayo aangat mula sa lupa. Kung hayaan natin ang wika na umusbong sa pagkakagamit, aabutin din natin ang bunga na patunay na maganda ang ating wika.