Wikipedia:Walang pinapanigang pananaw

(Idinirekta mula sa Wikipedia:Neutral Point of View)
Patakaran ng Wikipedia
Patakarn pang-Artikulo
Walang Pinapanigang Pananaw
Impormasyong mapapatunayan lamang
Walang Sariling Paggalugad
Pagdagdag ng Sanggunian
Ang Wikipedia ay hindi...
Talambuhay ng mga buhay na tao
Pakikisama sa iba
Magkaroon ng positibong pananaw
Sibilidad at mabuting asal
Walang personal na atake
Paglutas sa alitan

Dapat nakasulat o nakalarawan ang lahat ng nilalaman sa Wikipedia na walang pinapanigang pananaw (neutral point of view o NPOV). Kabilang dito ang lahat ng nilalaman ng artikulo, pati na rin ang mga ilustrasyon, mga mapa, mga padron, mga kategorya at mga portal. Nangangahulugan ang "walang pinapanigang pananaw" na pinapakita ang lahat ng makabuluhang pananaw na nilathala ng mga maaasahang sanggunian ng isang paksa sa pamamaraang patas, proporsyonal, at, hangga't maari, walang pagkiling na pagpapatnugot.

Isang prinsipyong pundamental ng Wikipedia at ibang proyekto ng Wikimedia ang "walang pinapanigang pananaw", Ito din ang isa sa tatlong sentrong polisiya ng Wikipedia sa mga nilalaman nito; ang dalawang iba pa ay "Pagpapatunay" at "Walang orihinal na pananaliksik". Pinagsama-samang tinutukoy ng mga polisiyang ito ang uri at kalidad ng materyal na tatanggapin sa mga artikulo ng Wikipedia, at dahil gumagana ang mga ito ng iisa, hindi dapat ipakahulugan ang mga ito na hiwalay sa bawat isa. Hinihimok ang mga patnugot na maging pamilyar sa tatlong patakaran na ito.

Hindi nadadaan sa negosasyon ang patakaran na ito, at ang mga prinsipyo kung saan nakabatay ito ay hindi maaring palitan ng ibang polisiya o gabay, o kahit pa ng konsenso ng mga patnugot.

Kasaysayan

Ang "Walang Pinapanigang Pananaw" ay isa sa mga pinakalumang konseptong pamamahala sa Wikipedia. Orihinal na lumabas sa loob ng Nupedia na pinamagatang "Non-bias policy" ("Walang kinikilingang polisiya"), binalangkas ito ni Larry Sanger noong 2000. Minungkahi ni Sanger noong 2001 na gawin ang "iwasan ang may kinikilingan" bilang isa sa "ikunsiderang patakaran" sa Wikipedia. Naisakodigo ito sa layunin ng "walang pinapanigang pananaw" na makagawa ng ensiklopedyang walang kinikilingan. Idinagdag ang orihinal na patakarang NPOV sa Wikipediang Ingles ni Sanger noong Disyembre 26, 2001. Inaangkop ni Jimmy Wales ang NPOV bilang "di maaring magkaroon ng negosasayon" ng paulit-ulit sa iba't ibang usapan: pahayag noong 2001, Nobyembre 2003, Abril 2006, Marso 2008

Sa Wikipediang Tagalog na nagsimula noong Disyembre 2003, awtomatikong itong inaangkop dahil ang prinsipyong "walang pinapanigang pananaw" ay panlahat o unibersal sa lahat ng proyekto ng Wikimedia.

Tingnan din

Para sa gabay kung paano makakapasa ang artikulo sa istilong walang pinapanigan, tingnan ang pagtuturo sa NPOV .

Tingnan ang katumbas na artikulo sa Wikipediang Ingles para sa mas malawak na pagtalakay ng paksang ito.