Anjō
Ang Anjō (安城市 Anjō-shi) ay isang lungsod sa Prepektura ng Aichi, Hapon. Magmula noong 1 Oktubre 2019[update], may tinatayang populasyon na 188,693 katao ang lungsod sa 76,087 mga kabahayan,[1] at may kapal ng populasyon na 2,193 mga tao sa bawat kilometro kuwadrado. Ang kabuoang lawak ng lungsod ay 86.05 square kilometre (33.22 mi kuw).
Anjō 安城市 | |||
|---|---|---|---|
.jpg)    Paikot sa kanan mula sa taas: Liwasang Den; Honshōji (Templo ng Honshō); Gusaling panlungsod ng Anjō; Pista ng Anjō Tanabata | |||
| |||
 Kinaroroonan ng Anjō sa Prepektura ng Aichi | |||
  Anjō | |||
| Mga koordinado: 34°57′31.4″N 137°4′49.2″E / 34.958722°N 137.080333°E | |||
| Bansa |  Hapon | ||
| Rehiyon | Chūbu (Tōkai) | ||
| Prepektura | Aichi | ||
| Pamahalaan | |||
| • Alkalde | Gaku Kamiya | ||
| Lawak | |||
| • Kabuuan | 86.05 km2 (33.22 milya kuwadrado) | ||
| Taas | 10 m (30 tal) | ||
| Populasyon (Oktubre 1, 2019) | |||
| • Kabuuan | 188,693 | ||
| • Kapal | 2,200/km2 (5,700/milya kuwadrado) | ||
| Sona ng oras | UTC+9 (Pamantayang Oras ng Hapon) | ||
| - Puno | Hapones na Itim na Pino | ||
| - Bulaklak | Scarlet Sage | ||
| Bilang pantawag | 0566-76-1111 | ||
| Adres | 18-23 Sakuramachi, Anjō-shi, Aichi-ken 446-8501 | ||
| Websayt | Opisyal na website | ||
Kasaysayan
baguhinPatuloy na tinitirhan ang lugar ng kasalukuyang Anjō mula noong panahong prehistoriko. Natuklasan ng mga arkeologo ang maraming mga labi ng panahon ng Hapones na Paleolitiko at mga puntod buhat sa panahong Kofun. Noong panahong Nara, itinalaga ang pamamahala ng lugar sa sinaunang Kondado ng Hekikai, at hinati sa ilang mga shōen noong panahong Heian, malakihang nasa kapangyarihan ng angkang Fujiwara o angkang Taira. Ngunit sa panahong Kamakura, ilang mga bahagi ng lupain ay napasailalim sa sektang Jōdo Shinshū na hinamon ang sekular na kapangyarihan ng iba-ibang mga angkang samurai, pinakakilala ang angkang Matsudaira. Noong panahong Sengoku, itinayo ang maraming mga kuta sa lugar. Pinag-isa ni Tokugawa Ieyasu ang rehiyon at binuwag ang kapangyarihan ng sektamg Jōdo Shinshū sa Labanan ng Azukizaka (1564). Noong panahong Edo, ang kalahati ng kasalukuyang Anjō ay pinamunuan ng Dominyong Okazaki at ang Dominyong Kariya naman sa isa pang kalahati sa ilalim ng kasugunang Tokugawa kalakip ng ilang kalat na mga bahagi ng lupaing tenryō na tuwirang pinamunuan ng kasugunan. Sa panahong ito, kilala ang lugar sa paggawa nito ng bulak at mga tela.
Sa pasimula ng panahong Meiji noong Oktubre 1, 1889, ang Anjō ay isa sa kalipunan ng mga nayong binuo sa Distrito ng Hekikai, Prepektura ng Aichi kasabay ng pagtatatag ng makabagong sistema ng mga munisipalidad. Itinaas ito sa katayuang pambayan noong Mayo 1, 1906. Ang pagbubukas ng Pampatubig na Kanal ng Meiji ay nagpabago sa lugar noong mga dekada-1920 at 1930, at ito ay naging isa sa pinakamasaganang mga rehiyong pansakahan sa panahong iyon. Nagdulot ito ng paghahambing sa Dinamarka, na noo'y tinuring na pinakamaunlad na bansang pang-agrikultura sa mundo.[2] Humantong ito sa palayaw na "Dinamarka ng Hapon" o "Japan's Denmark" (日本デンマーク) para sa bayan, at nananatili ang pamanang ito sa katauhan ng Liwasang Den, isang Danesang temang liwasan, pati ang Serbesang Den, isang microbrew na makukuha sa liwasan.
Itinaas sa Anjō katayuang panlungsod noong Mayo 3, 1952. Noong Abril 1, 1967, idinugtong nito ang kalapit na bayan ng Sakura.
Heograpiya
baguhinMatatagpuan ang Anjō sa katimugang bahagi ng Prepektura ng Aichi, sa layo na humigit-kumulang 30 kilometro (19 mi) mula sa gitnang Nagoya, sa gitnang bahagi ng Kapatagan ng Okazaki, sa kanlurang pampang ng Ilog Yahagi. Ang Pambansang Ruta Blg. 1 at Pambansang Ruta Blg. 23 ay nagbibigay ng pangunahing daan mula silangan-pakanluran sa lungsod, kalakip ang Pamprepekturang Ruta Blg. 48 ng Aichi na dumaraan sa pagitan ng dalawa.
Kalapit na mga munisipalidad
baguhin- Prepektura ng Aichi
Demograpiya
baguhinAyon sa datos ng senso sa Hapon,[3] mabilis na lumaki ang populasyon ng Anjō sa nakalipas na 70 mga taon.
| Taon | Pop. | ±% |
|---|---|---|
| 1940 | 46,737 | — |
| 1950 | 61,037 | +30.6% |
| 1960 | 66,793 | +9.4% |
| 1970 | 94,307 | +41.2% |
| 1980 | 123,843 | +31.3% |
| 1990 | 142,251 | +14.9% |
| 2000 | 158,824 | +11.7% |
| 2010 | 178,738 | +12.5% |
Kapatid na mga lungsod
baguhin
Huntington Beach, California, Estados Unidos, mula noong July 4, 1992
Hobsons Bay, Australya,[4] mula noong Oktubre 15, 1994
Kolding, Dinamarka,[4] mula noong Enero 21, 2009
Mga sanggunian
baguhin- ↑ Anjō City official statistics (sa Hapones)
- ↑ ""Aichi Voice - The Denmark of Japan?"". Inarkibo mula sa orihinal noong 2016-03-06. Nakuha noong 2020-07-28.
{{cite web}}: CS1 maint: date auto-translated (link) - ↑ Anjō population statistics
- ↑ 4.0 4.1 "International Exchange". List of Affiliation Partners within Prefectures. Council of Local Authorities for International Relations (CLAIR). Inarkibo mula sa orihinal noong Disyembre 24, 2015. Nakuha noong Nobyembre 21, 2015.
{{cite web}}: CS1 maint: date auto-translated (link)
Mga kawing panlabas
baguhin
- Opisyal na website (sa Hapones)