Balatinaw
Ang balatinaw (pagbikas: ba•la•ti•náw) ay isang uri ng katutubong bigas ng mga taga-Mountain Province sa Pilipinas. Ito rin isang uri ng kaning-malagkit at mamula-mula ang kulay. Tinuturing na higit ang sustansiya ng balatinaw kaysa sa ordinaryong puting kanin dahil organiko itong itinatanim. Ayon sa agrikultor ng bayan ng Tadian sa nasabing lalawigan na si Grail Galaus, higit na mataas ang presyo ng balatinaw kung ihahambing sa ordinaryong puting kanin dahil ilang oras itong binabayo ng mano-mano.[1]
Ang balatinaw ay ginagawang alak ng mga Bontoc na kung tawagin ay tapuy at ang natitirang sapal naman ng tapuy na siyang binurong balatinaw ay tinatawag na lepeg.[2]
Mga sanggunian baguhin
- ↑ Gorospe, Marjorie (Hulyo 7, 2011). "Mountain Province Town Is Famous for Its Native 'balatinaw' Rice" (Web). Yahoo! News Philippines (sa Ingles). Nakuha noong Enero 12, 2013.[patay na link]
- ↑ Soho, Jessica. (Nobyembre 20, 2010). Mga ""Kadiring" Pinoy Food" (Telebisyon). Kapuso Mo, Jessica Soho. Lungsod Quezon: GMA Network.
{{cite news}}: Check|url=value (tulong)