Carthamus tinctorius

Ang kasubha (mula sa Sanskrito: कुसुम्भ [kusumbha]),(Ingles: safflower) o Carthamus tinctorius, isang uri ng carthamus na nasa pamilyang Asteraceae. Ito ay masangay, mala-damo, mala-dawag na taunang halaman. Itinatanim ito dahil sa mantika nito na hango sa mga buto nito. Ang mga halaman ay nasa 30 hanggang 150 sentimetro ang taas, na may mabilog na kumpol ng bulaklak na kadalasa'y may kulay pula, dilaw at kahel. Bawat sanga ay kadalasa'y may isa hanggang limang kumpol ng bulaklak, kada isa'y may 15 hanggang 20 buto. Ang kasubha ay katutubo sa mga tigang na klima na may pana-panahong pag-ulan. Tinutubuan ito ng malalim na punong-ugat, kaya nito nagagawang mabuhay sa klimang ito.

Kasubha
Klasipikasyong pang-agham
Kaharian:	Plantae
Klado:	Tracheophytes
Klado:	Angiosperms
Klado:	Eudicots
Klado:	Asterids
Orden:	Asterales
Pamilya:	Asteraceae
Sari:	Carthamus
Espesye:	C. tinctorius
Pangalang binomial
Carthamus tinctorius L.