Dagat Samar

Ang Dagat Samar ay isang maliit na dagat sa loob ng kapuluan ng Pilipinas, sa pagitan ng Silangang Kabisayaan, at ng Kalusunan.

Naghahanggan ito sa mga pulo ng Samar sa silangan, sa pulo ng Leyte sa timog, sa pulo ng Masbate sa kanluran, at sa Luzon sa hilaga. Ang dagat Samar ay dumudugtong sa Dagat Pilipinas sa hilaga sa pamamagitan ng Kipot ng San Bernardino, sa Golpo ng Leyte sa timog silangan sa pamamagitan ng Kipot ng San Juanico, sa Dagat Kabisayaan sa timog kanluran, at sa Dagat Sibuyan sa hilagang kanluran sa pamamagitan ng Masbate Passage at Ticao Passage.