Ang eronautika (Ingles: aeronautics, Kastila: aeronáutica) ay ang agham na kasangkot sa pag-aaral, pagdisenyo at pagpapagawa ng mga makinang may kakayahang lumipad (air flight-capable machines), at ang mga pamamaraan ng pagpapatakbo ng mga sasakyang panghimpapawid at ng mga kuwitis sa loob ng atmospera. Ang British Royal Aeronautical Society ang umaalam ng mga aspeto ng "aeronautical Art, Science and Engineering" at "the profession of Aeronautics."

Habang ang literal na ibig sabihin ng kataga ay "paglalayag sa himpapawid" na orihinal na kilala ring agham ng pagpapatakbo ng sasakyang himpapawid, ito ay pinalawak pa lalo sa teknolohiya, negosyo at iba pang mga aspetong may kaugnayan sa mga sasakyang himpapawid. Ang salitang "abyasyon" (aviation) ay minsan ginagamit pamalit sa terminong "eronautika", kahit na kabilang sa eronautika ang magaan pa sa hangin na sasakyan tulad ng eronabe (airship) at mga sasakyang balistiko (ballistic vehicles) at kung saan ito ay hindi pa rin kabilang sa abyasyon.

Isang importanteng bahagi ng agham ng eronautika ay ang sangay ng dinamika na tinatawag na aerodinamika (aerodynamics), kung saan ang pinagbababalahan ang galaw ng hangin at ang paraan nito ng pakikipag-ugnayan sa mga pagkilos ng bagay; tulad ng sasakyang himpapawid.