Estasyon ng Alabang

Ang estasyong Alabang ay isang estasyon sa Pangunahing Linyang Patimog o South Main Line (na tinatawag ding "Linyang Patimog" o "Southrail") ng Pambansang Daambakal ng Pilipinas. Tulad ng lahat ng mga estasyon ng PNR, nasa lupa ang estasyong ito. Matatagpuan ito sa Kalye T. Molina sa Alabang, Muntinlupa, malapit sa Biyadukto ng Alabang ng South Luzon Expressway.

Alabang
Pambansang Daambakal ng Pilipinas
Estasyong Alabang, walang riles sa gilid noong 2011.
Pangkalahatang Impormasyon
Lokasyon	Kalye T. Molina Alabang, Muntinlupa
Koordinato	14°25′10.46″N 121°2′51.63″E
Pagmamayari ni/ng	Pambansang Daambakal ng Pilipinas
Linya	Linyang Patimog ng PNR
Plataporma	Platapormang pagilid
Riles	2, dagdag ang 1 siding track
Konstruksiyon
Uri ng estruktura	Nasa lupa
Pasilidad sa bisikleta	Hindi
Akses ng may kapansanan	Oo (2016)
Ibang impormasyon
Kodigo	AA
Kasaysayan
Nagbukas	1908
Muling itinayo	Abril 19, 2010
Serbisyo
Huling station   PNR   Susunod station Sucat patungong Tutuban Metro Commuter Hangganan Muntinlupa patungong Calamba Pasay Road patungong Tutuban Bicol Express Biñan patungong Legazpi Isarog Limited Biñan patungong Naga

Ang estasyon ay ang ikalabing-anim na estasyon patimog mula sa Tutuban at isa sa tatlong mga estasyon ng PNR na naglilingkod sa lungsod, ang iba pa ay Sucat at Muntinlupa.

Ang estasyong Alabang ay ang tanging estasyon ng PNR na itinayo muli nang buo sa ibang lokasyon. Nailipat ito mula sa unang lokasyon nito sa Kalye Montillano papunta sa likod ng Metropolis Starmall Alabang sa Kalye T. Molina. Binuksan ang bagong estasyon noong Abril 19, 2010.

Mga kalapit na pook-palatandaan

Malapit ang estasyon sa ilang mga institusyong pangkalusugan tulad ng Asian Hospital and Medical Center, ang Research Institute for Tropical Medicine, at ang Ospital ng Muntinlupa; mga institusyong pangedukasyon tulad ng Saint Bernadette College of Alabang, Saint Francis of Assisi College Alabang, Mababang Paaralan ng Alabang, at Mataas na Paaralan ng Pedro E. Diaz; mga gusaling pamilihan tulad ng Metropolis Starmall Alabang at Festival Alabang; at mga tanggapan ng mga kompanya o korporasyon sa loob ng Filinvest Corporate City tulad ng mga punong-tanggapan ng Insular Life. Di-kalayuan mula sa estasyon ay mga punong-tanggapan ng Pangasiwaan ng Pagkain at Gamot (FDA, dating Kawanihan ng Pagkain at Gamot o BFAD), Kolehiyo ng San Beda Alabang, Alabang Town Center, Madrigal Business Park, at Ayala Alabang Village.

Mga kawing pantransportasyon

Mapupuntahan ang estasyon gamit ang mga dyipni na dumadaan sa mga ruta ng South Luzon Expressway at Daang Alabang–Zapote. Isang terminal ng bus ay matatagpuan sa harap ng Metropolis Starmall Alabang, habang ang terminal ng dyipni na South Station ay matatagpuan sa tapat ng gusaling pamilihan sa kabilang gilid ng South Luzon Expressway.

Pagkakaayos ng Estasyon

L1 Mga plataporma	Platapormang pagilid, magbubukas ang mga pinto sa kaliwa
	Plataporma	PNR Metro Commuter patungong Tutuban (←)
	Plataporma	PNR Metro Commuter patungong Mamatid (→)
L1	Lipumpon/ Daanan	Takilya, sentro ng estasyon, mga tindahan, Asian Hospital and Medical Center, Research Institute for Tropical Medicine, Ospital ng Muntinlupa, Saint Bernadette College of Alabang, Saint Francis of Assisi College Alabang, Mababang Paaralan ng Alabang, Mataas na Paaralan ng Pedro E. Diaz, Metropolis Starmall Alabang, Festival Alabang, Filinvest City, Insular Life, Pangasiwaan ng Pagkain at Gamot, Kolehiyo ng San Beda Alabang, Alabang Town Center, Liwasang Pangnegosyo ng Madrigal, Ayala Alabang Village

Tingnan din

• Talaan ng mga estasyon ng Pambansang Daambakal ng Pilipinas