Buksan ang pangunahing menu

Ang French Guiana (bigkas /ɡˈɑːnə/ o /ɡˈænə/, Pranses: Guyane française; Pagbigkas sa Pranses: [ɡɥijan fʁɑ̃sɛz]), opisyal na tinatawag bilang Guiana (Pranses: Guyane), ay isang panlabas na departamento at rehiyon ng Pransya, na matatagpuan sa hilagang baybayin ng Timog Amerika sa Guyanas. Nasa hangganan ito ng Brasil sa silangan at timog, at Suriname sa kanluran. Ang lawak nito na 83,534 km2 (32,253 mi kuw) ay may napakaliit na densidad ng populasyon na mayroon lamang 3 naninirahan bawat km2, kasama ang kalahati ng 244,118 naninirahan noong 2013 sa kalunsuran ng Cayenne, ang kapital nito. Sa kalawakan ng lupain, ito ang panglawang pinakamalaking rehiyon ng Pransya at ang pinakamalaking panlabas na rehiyon sa loob ng Unyong Europeo.