Justa Grata Honoria

Si Justa Grata Honoria, na karaniwang tinatawag noong habang nabubuhay pa bilang Honoria, ay ang nakatatandang kapatid na babae ng Kanluraning Romanong Emperador na si Valentiniano III — na naging tanyag dahil sa kaniyang pagsusumamo ng pag-ibig at pagtulong kay Attila na Hun na humantong sa pagpapahayag ng huli ng pagmamahal para kay Honoria, at ng karapatan na pamunuan ang Imperyong Romano. Pinatutunayan ng mga barya na nabigyan si Honoria ng pamagat na Augusta na nangyari pagkaraan ng pagtataas ng ranggo ng kaniyang kapatid na lalaki noong 426.

Si Honoria (nasa gitna), na kapiling ang kaniyang kapatid na lalaking si Valentiniano III at ang kaniyang inang si Gala Placidia.

Si Justa Grata Honoria na kinoronahan bilang Augusta ng kamay ng Diyos.

Mag-anak

Si Honoria ay ang nag-iisang anak na babae ng sumunod na naging emperador na si Constantius III at ni Galla Placidia. Ang una niya dalawang mga pangalan ay hinango mula sa kaniyang mga tiyahin na may kaugnayan sa kaniyang ina, na sina Justa at Grata, na mga anak na babae ni Valentiniano I at Justina, at ang pangatlong pangalan niya ay hinango mula sa emperador na namuno noong panahon ng kaniyang kapanganakan, na kaniyang amain (o "tiyuhing kalahati") na si Honorius. Nagkaroon siya ng isang mas nakatatandang kapatid sa ina dahil sa unang pagkakakasal ni Placidia kay haring Ataulf ng mga Visigoth na si Theodosius, na ipinanganak noong 414 subalit namatay nang maaga noong sumunod na taon. Ang kaniyang mas nakababatang kapatid na lalaking si Valentiniano III, ay ang kaniyang kapatid na buo.

Mga kawing na panlabas

• Justa Grata Honoria - artikulo ni J. B. Bury
• Scheming princess behind Empire's fall - Artikulo mula sa CNN ni Mark S. Longo.