Lex Luthor

Si Alexander Joseph Luthor ( /ˈluːθɔːr/ o /ˈluːθər/) ay isang kathang-isip na supervillain na lumalabas sa Amerikanong komiks na nilalathala ng DC Comics. Nilikha ang karakter nina Jerry Siegel at Joe Shuster. Orihinal na lumabas si Lex Luthor sa Action Comics Blg. 23 (pinetsahan ang pabalat: Abril 1940). Kilala siya bilang ang mortal na kaaway ni Superman.

Lex Luthor
Si Lex Luthor
Impormasyon ng paglalathala
Tagapaglathala	DC Comics
Unang paglabas	Action Comics Blg. 23 (Abril 1940)
Tagapaglikha	Jerry Siegel Joe Shuster
Impormasyon sa loob ng kwento
Buong pangalan	Alexander Joseph Luthor
Kasaping pangkat	Injustice League Injustice Gang Legion of Doom Justice League Secret Six Intergang Secret Society LexCorp Lexmark
Kilalang alyas	Mockingbird, Kryptonite Man, Atom Man, Apex Lex
Kakayahan	Henyong-antas ng katalinuhan Punong-utak na kriminal Ekspertong inhinyero na may hindi karaniwang galing sa teknolohiya Sa pamamagitan ng mataas na teknolohiyang kasuotang pandigma: Higit-sa-taong lakas, bilis, at tibay Prodyeksyon ng lakas Pananggalang puwersa (force field) Paglipad Dekalibreng armas (kadalasang sinasama ang kryptonite)

Orihinal na baliw na siyentipiko si Lex Luthor, ngunit simula noong huling bahagi ng dekada 1980, kadalasan siyang isinasalarawan bilang makapangyarihang-baliw na napakayamang negosyante, ang Punong Ehekutibong Opisyal ng LexCorp. Nais niyang mawala sa mundo si Superman, dahil para baga'y isang banta si Superman sa sangkatauhan, ngunit sa katotohanan naiinggit siya sa popularidad at impluwensiya ni Superman. Bagaman dahil prominente siyang supervillain, madalas siyang nagkakaroon ng hidwaan kay Batman at ibang mga superhero sa DC Universe. Isang ordinaryong tao lamang si Lex Luthor at walang likas na higit-sa-taong lakas subalit paminsan-minsan niyang sinusuot ang kanyang Warsuit, isang kasuotan ng demakinang baluti na nagbibigay sa kanya ng pinabuting lakas, paglipad, dekalibreng sandata, at iba pang kakayahan.