Luhansk

Luhansk

Луганськ
Luhansk; Луганськ
city in Ukraine, gorod
; Watawat	; Eskudo de armas
	Mga koordinado: 48°34′18″N 39°17′50″E / 48.5717084°N 39.2973153°E
Bansa	Ukranya
Lokasyon	Luhansk urban community, Luhansk Raion, Luhansk Oblast, Ukranya
Itinatag	1795
Ipinangalan kay (sa)	Kliment Vorošilov
Bahagi	Talaan Leninsky Raion, Žovtnevyj raion, Artyomovsky district, Kamianobridski Raion;
Lawak
• Kabuuan	257 km2 (99 milya kuwadrado)
Populasyon (2015)
• Kabuuan	417,990
• Kapal	1,600/km2 (4,200/milya kuwadrado)
Sona ng oras	UTC+02:00
Wika	Wikang Ukranyano, Wikang Ruso
Plaka ng sasakyan	BB
Websayt	https://loga.gov.ua/

Ang Luhans'k (Ukranyo: Луганськ, IPA: [luˈɦɑnʲsʲk]) o Lugansk (Ruso: Луганск, IPA [lʊˈgansk]), at dating kilala bilang Voroshilovgrad (1935–1958 at 1970–1990) ay isang pangunahing lungsod-industriyal sa pinakasilangang bahagi ng Ukraine. Ito ang kabisera ng Luhansk Oblast. Batay sa senso noong 2001, may 463,097 katao ang lungsod. Ang populasyon ng lungsod ayon sa pagtataya noong 2013 ay 425,800.

Mula 2014 ang lungsod ay hawak ng rebeldeng grupong Luhansk People's Republic since 2014. Pagkaraang bihagin ng mga rebelde ang Luhansk at mga katimugang bahagi ng oblast, lumipat ang maka-Kiev na administrasyon sa Sievierodonetsk.

Kasaysayan

Tanawin ng Luhansk

Nagsisimula ang kasaysayan ng lungsod sa taong 1795, kung kailan itinatag ng industriyalistang Briton na si Charles Gascoigne ang isang pabrika ng metal doon. Ito ang panimula ng industriya na patuloy pa ring umuunlad hanggang ngayon. Natamo ng Lugansk ang estado ng lungsod (city status) noong 1882. Matatagpuan ito sa Donets Basin, at pinaunlad ang Lugansk upang maging mahalagang sentro ng industriya sa Silangang Europa. Ang lungsod ay naging kinaroroonan ng isang pangunahing kompanya na gumagawa ng mga lokomotibo. Noong Nobyembre 5, 1935, binago sa Voroshilovgrad (Padron:Lang-ru/ua) ang pangalan ng lungsod, mula sa Soviet na hukbong komandante at politikong si Kliment Voroshilov. Noong Marso 5, 1958, binalik ang lumang pangalan bunga ng utos ni Nikita Khrushchev na huwag gumamit ng pangalan ng mga buhay-pang tao sa mga lungsod.^[2]^[3] Noong Enero 5, 1970, kasunod ng pagpanaw ni Voroshilov, binago muli sa Voroshilovgrad ang pangalan ng lungsod. Sa huli, noong Mayo 4, 1990, binalik ang orihinal na pangalan ng lungsod dahil sa isang kautusan mula sa Supreme Soviet ng Ukrainian SSR.