Maguindanao del Norte

Ang Maguindanao del Norte (Maguindanao: Perubinsya nu Pangutaran Magindanaw, Jawi: ڤروبنشا نو ڤڠوترن ماڬينداناو; Iranun: Perobinsia a Pangutaran Magindanao, ڤروبنسيا ا ڤڠوترن ماڬينداناو) ay isang lalawigan sa Pilipinas na matatagpuan sa Rehiyong Awtonomo ng Bangsamoro sa Mindanao. Ang bayan ng Datu Odin Sinsuat ay ang kabisera nito. Napapaligiran ito ng lalawigan ng Cotabato sa silangan, Lanao del Sur sa hilaga, Maguindanao del Sur sa timog-silangan, at Sultan Kudarat sa timog. Ayon sa senso ng 2020, mayroon itong populasyon na 864,062.

Maguindanao del Norte
Lalawigan
Lalawigan ng Maguindanao del Norte
Sagisag
Mapa ng Pilipinas na magpapakita ng lalawigan ng Maguindanao del Norte
Mga koordinado: 7°8'N, 124°16'E
Bansa	Pilipinas
Rehiyon	Bangsamoro
Kabisera	Datu Odin Sinsuat
Pagkakatatag	18 Setyembre 2022
Pamahalaan
• Uri	Sangguniang Panlalawigan
Populasyon  (senso ng 2020)
• Kabuuan	864,062

Malaya sa pamamahala ng lalawigan ang Lungsod ng Cotabato subalit nakagrupo ito para sa representasyon sa kongreso. Nabuo ang Maguindanao del Norte nang nahati ang lalawigan ng Maguindanao sa dalawang lalawigan; ang isa pang lalawigan ay ang Maguindanao del Sur. Nangyari ang paghahati kasunod ng isang plebisito noong Setyembre 17, 2022, na niratipika ang Batas Republika Republic Act 11550 kung saan nakasaad ang dibisyon ng lalawigan. Bagaman, noong 2006 pa ang ideya ng paglikha ng isang probinsya sa kasalukuyang teritoryo ng Maguindanao del Norte nang nalikha at nanatili ng dalawang taon ang lalawigan ng Shariff Kabunsuan bago bumalik muli sa Maguindanao.

Mga bayan at lungsod

Binubuo ang Maguindanao del Norte ng 12 bayan at 1 distritong pambatas

• Barira
• Buldon
• Lungsod ng Cotabato (malaya sa pamamahala ng lalawigan subalit kasama sa representasyon sa kongreso)
• Datu Blah T. Sinsuat (kabisera ng lalawigan)
• Datu Odin Sinsuat
• Hilagang Kabuntalan
• Kabuntalan
• Matanog
• Parang
• Sultan Kudarat
• Sultan Mastura
• Sultan Sumagka
• Upi